ਡੇਰਾ ਮੁਖੀ ਰਾਮ ਰਹੀਮ ਦੀ ਪੈਰੋਲ ਖਤਮ ਹੋਣ ਤੋਂ ਬਾਅਦ ਹੁਣ ਹਨੀਪ੍ਰੀਤ ਨੇ ਸੋਸ਼ਲ ਮੀਡੀਆ ‘ਤੇ ਨਵੀਂ ਵੀਡੀਓ ਸਾਂਝੀ ਕੀਤੀ ਹੈ। ਇਹ ਵੀਡੀਓ ਪੈਰੋਲ ਸਮੇਂ ਯੂਪੀ ਦੇ ਬਰਨਾਵਾ ਆਸ਼ਰਮ ਦੀ ਦੱਸੀ ਜਾ ਰਹੀ ਹੈ। ਇਸ ਵੀਡੀਓ ਵਿਚ ਦੋਵੇਂ ਵਾਕ ਕਰ ਰਹੇ ਹਨ। ਦੋਵਾਂ ਨੇ ਇਕੋ ਜਿਹੇ ਰੰਗ ਤੇ ਡਿਜ਼ਾਈਨ ਦੇ ਟਰੈਕ ਸੂਟ ਪਾਏ ਹੋਏ ਹਨ।
ਹਨੀਪ੍ਰੀਤ ਨੇ ਕਿਹਾ ਕਿ ਮੈਂ ਜ਼ਿੰਦਗੀ ਵਿਚ ਆਈ ਹਰ ਚੁਣੌਤੀ ਨੂੰ ਜਿੱਤ ਜਾਵਾਂਗੀ, ਜਦੋਂ ਤਕ ਮੇਰੇ ਗੁਰੂ ਪਾਪਾ ਮੇਰੇ ਨਾਲ ਹਨ। ਹਨੀਪ੍ਰੀਤ ਨੇ ਪੈਰੋਲ ਦੇ ਦਿਨਾਂ ਦੌਰਾਨ ਰਾਮ ਰਹੀਮ ਨਾਲ ਬਿਤਾਏ ਸਮੇਂ ਨੂੰ ਰਿਕਾਰਡ ਕਰਕੇ ਰੱਖਿਆ ਹੈ ਤੇ ਸਮੇਂ-ਸਮੇਂ ‘ਤੇ ਵੀਡੀਓ ਬਣਾ ਕੇ ਉਸ ਨੂੰ ਪੋਸਟ ਕਰਦੀ ਰਹਿੰਦੀ ਹੈ।
ਰਾਮ ਰਹੀਮ ਨੇ ਆਪਣੀ ਗੋਦ ਲਈ ਹੋਈ ਧੀ ਹਨੀਪ੍ਰੀਤ ਦਾ ਰੁਹੀਦੀ ਨਾਮ ਵੀ ਰੱਖਿਆ ਹੈ। ਡੇਰੇ ਵਿਚ ਹਨੀਪ੍ਰੀਤ ਨੂੰ ਰੁਹੀਦੀ ਦੇ ਨਾਮ ਨਾਲ ਹੀ ਸਭ ਜਾਣ ਦੇ ਹਨ। ਹਨੀਪ੍ਰੀਤ ਹੀ ਹੁਣ ਡੇਰੇ ਦੀ ਮੁੱਖ ਪੈਰੋਕਾਰ ਹੈ। ਸੋਸ਼ਲ ਮੀਡੀਆ ‘ਤੇ ਹਨੀਪ੍ਰੀਤ ਦੇ 10 ਲੱਖ ਫਾਲੋਅਰਸ ਹੋਣ ‘ਤੇ ਉਨ੍ਹਾਂ ਨੇ ਰਾਮ ਰਹੀਮ ਨਾਲ ਕੇਕ ਵੀ ਕੱਟਿਆ ਸੀ।
ਜੇਲ੍ਹ ਪਰਤਣ ਤੋਂ ਪਹਿਲਾਂ ਰਾਮ ਰਹੀਮ ਨੇ ਆਪਣੀ ਰੋਜ਼ਾਨਾ ਦੀ ਰੁਟੀਨ ਦੀ ਵੀਡੀਓ ਰਿਕਾਰਡ ਕਰਾ ਕੇ ਸੋਸ਼ਲ ਮੀਡੀਆ ‘ਤੇ ਪੋਸਟ ਕੀਤੀ । ਰੋਜ਼ ਸਵੇਰੇ ਰਾਮ ਰਹੀਮ ਨਾਮ ਜਪਦਾ ਹੈ ਅਤੇ ਫਿਰ ਆਪ ਹੀ ਸਫਾਈ ਕਰਦਾ ਹੈ। ਰਾਮ ਰਹੀਮ ਦਾ ਕਹਿਣਾ ਹੈ ਕਿ ਇਹ ਵੀਡੀਓ ਸਵੇਰੇ 3 ਤੋਂ 4 ਵਜੇ ਦੀ ਹੈ । ਜਿਸ ਵਾਲੇ ਸੈਰ ਲਈ ਨਿਕਲਦਾ ਹੈ |
