ਲੁਧਿਆਣਾ ਦੇ ਸਪਾ ਸੈਂਟਰ ‘ਤੇ ਪੁਲਿਸ ਨੇ ਛਾਪਾ ਮਾਰਿਆ। ਇੱਥੇ ਪੁਲਿਸ ਨੇ ਅਨੈਤਿਕ ਕੰਮ ਕਰਨ ਵਾਲੇ ਮਰਦਾਂ ਅਤੇ ਔਰਤਾਂ ਨੂੰ ਫੜਿਆ। ਇਹ ਛਾਪੇਮਾਰੀ ਥਾਣਾ ਡਵੀਜ਼ਨ ਨੰਬਰ 8 ਦੀ ਪੁਲਿਸ ਨੇ ਫਿਰੋਜ਼ਪੁਰ ਰੋਡ ‘ਤੇ ਓਮੈਕਸ ਪਲਾਜ਼ਾ ਨੇੜੇ ਭਾਈਵਾਲਾ ਚੌਕ ਵਿਖੇ ਕੀਤੀ ਹੈ | ਪੁਲਿਸ ਮਾਲ ਵਿੱਚ ਬਣੇ ਬਲੂ ਲੋਟਸ ਸਪਾ ਸੈਂਟਰ ਵਿੱਚ ਪੁੱਜੀ।
ਇਸ ਸਪਾ ਸੈਂਟਰ ਦੇ ਕਾਊਂਟਰ ‘ਤੇ ਮੈਨੇਜਰ 1500 ਹਜ਼ਾਰ ਰੁਪਏ ਐਂਟਰੀ ਦੇ ਲੈਂਦਾ ਹੈ, ਜਿਸ ਤੋਂ ਬਾਅਦ ਬੰਦ ਕਮਰੇ ‘ਚ ਔਰਤਾਂ ਦੇ ਜਿਸਮ ਦੀ ਬੋਲੀ ਲੱਗਦੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ 1500 ਤੋਂ 3 ਹਜ਼ਾਰ ਤੱਕ ਲੜਕੀਆਂ ਦੇਹ ਵਪਾਰ ਲਈ ਗਾਹਕਾਂ ਤੋਂ ਪੈਸੇ ਲੈਂਦੀਆਂ ਹਨ। ਇਸ ਜਿਸਮਫਿਰੋਸ਼ੀ ਨੂੰ ਇਹ ਲੋਕ ਵਾਧੂ ਸੇਵਾ ਕਹਿ ਕੇ ਗਾਹਕਾਂ ਤੋਂ ਪੈਸੇ ਲੈਂਦੇ ਹਨ।
ਜਦੋਂ ਪੁਲਿਸ ਨੇ ਮਾਲ ਵਿੱਚ ਛਾਪਾ ਮਾਰਿਆ ਤਾਂ ਹਫੜਾ-ਦਫੜੀ ਮੱਚ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਕਈ ਨੌਜਵਾਨ ਸਪਾ ਸੈਂਟਰ ਵਿੱਚ ਜਾਣ ਦੀ ਤਿਆਰੀ ਹੀ ਕਰ ਰਹੇ ਸੀ ਕਿ ਛਾਪੇਮਾਰੀ ਕਰਕੇ ਉਹ ਪਹਿਲਾਂ ਹੀ ਭੱਜ ਗਏ। ਇਸ ਸਪਾ ਸੈਂਟਰ ਵਿੱਚ ਮਸਾਜ ਸੈਂਟਰ ਦੀ ਆੜ ਵਿੱਚ ਅਨੈਤਿਕ ਕੰਮ ਕੀਤਾ ਜਾ ਰਿਹਾ ਸੀ।
ਦੱਸਿਆ ਜਾ ਰਿਹਾ ਹੈ ਕਿ ਇੱਕ ਮਹੀਨਾ ਪਹਿਲਾਂ ਜ਼ਿਲ੍ਹਾ ਪੁਲਿਸ ਨੇ ਵੀ ਬੱਸ ਸਟੈਂਡ ’ਤੇ ਬਣੇ ਹੋਟਲਾਂ ’ਤੇ ਛਾਪੇਮਾਰੀ ਕਰਕੇ 18 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਬੱਸ ਸਟੈਂਡ ਦੇ ਹੋਟਲਾਂ ਵਿੱਚ ਫਿਰ ਤੋਂ ਅਨੈਤਿਕ ਕੰਮ ਸ਼ੁਰੂ ਹੋ ਗਏ ਹਨ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਪੁਲਿਸ ਇਨ੍ਹਾਂ ਹੋਟਲਾਂ ‘ਤੇ ਅਗਲੀ ਛਾਪੇਮਾਰੀ ਕਦੋਂ ਕਰ ਸਕਦੀ ਹੈ ।
ਜਾਣਕਾਰੀ ਦੇ ਅਨੁਸਾਰ ਇਲਾਕਾ ਪੁਲਿਸ ਨੂੰ ਕਈ ਵਾਰ ਮਾਲ ‘ਚ ਆਉਣ ਵਾਲੇ ਲੋਕਾਂ ਤੋਂ ਸ਼ਿਕਾਇਤਾਂ ਵੀ ਮਿਲੀਆਂ ਹਨ ਕਿ ਸਪਾ ਸੈਂਟਰ ਦੀ ਆੜ ‘ਚ ਗ਼ਲਤ ਕੰਮ ਹੋ ਰਹੇ ਹਨ, ਜਿਸ ਕਾਰਨ ਪੁਲਿਸ ਕਮਿਸ਼ਨਰ ਮਨਦੀਪ ਸਿੰਘ ਸਿੱਧੂ ਦੇ ਹੁਕਮਾਂ ‘ਤੇ ਪੁਲਿਸ ਨੇ ਛਾਪੇਮਾਰੀ ਕੀਤੀ ਸੀ। ਪੁਲੀਸ ਅਧਿਕਾਰੀਆਂ ਨੇ ਸਪਾ ਸੈਂਟਰ ਦੇ ਰਿਕਾਰਡ ਦੀ ਵੀ ਜਾਂਚ ਕੀਤੀ ਸੀ |ਪੁਲਿਸ ਨੇ ਸਪਾ ਦੇ ਮਾਲਕ ਅਤੇ ਮੈਨੇਜਰ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ। ਮੌਕੇ ਦੀ ਜਾਂਚ ਕਰਨ ਲਈ ਪੁਲਿਸ ਅਧਿਕਾਰੀਆਂ ਵੱਲੋਂ ਫੋਰੈਂਸਿਕ ਟੀਮ ਨੂੰ ਵੀ ਮੌਕੇ ’ਤੇ ਬੁਲਾਇਆ ਗਿਆ।
