ਬਾਲੀਵੁੱਡ ਅਭਿਨੇਤਾ ਅਕਸ਼ੇ ਕੁਮਾਰ ਦੀ ਆਉਣ ਵਾਲੀ ਫਿਲਮ ‘ਰਾਮ ਸੇਤੂ’ ਦਾ ਟਰੇਲਰ ਰਿਲੀਜ਼ ਹੋ ਗਿਆ ਹੈ। ਫਿਲਮ ‘ਰਾਮ ਸੇਤੂ’ ‘ਚ ਅਕਸ਼ੈ ਕੁਮਾਰ ਦੇ ਨਾਲ ਜੈਕਲੀਨ ਫਰਨਾਂਡੀਜ਼ ਅਤੇ ਨੁਸਰਤ ਭਰੂਚਾ ਦੀ ਵੀ ਅਹਿਮ ਭੂਮਿਕਾ ਹੈ। ਫਿਲਮ ਇਕ ਪੁਰਾਤੱਤਵ ਵਿਗਿਆਨੀ ਬਾਰੇ ਹੈ, ਜਿਸ ਨੂੰ ਇਹ ਜਾਂਚ ਕਰਨ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ ਕਿ ਕੀ ‘ਰਾਮ ਸੇਤੂ’ ਸੱਚ ਹੈ ਜਾਂ ਸਿਰਫ ਇਕ ਕਲਪਨਾ ਹੈ।
ਰਾਮਾਇਣ ਦੀ ਕਹਾਣੀ ਦੇ ਅਨੁਸਾਰ, ‘ਰਾਮ ਸੇਤੂ’ ਭਾਰਤ-ਸ਼੍ਰੀਲੰਕਾ ਵਿਚਕਾਰ ਭਗਵਾਨ ਸ਼੍ਰੀ ਰਾਮ ਦੀ ਫੌਜ ਦੁਆਰਾ ਬਣਾਈ ਗਈ ਸੀ ਅਤੇ ਇਹ ਫਿਲਮ ਉਸੇ ‘ਰਾਮ ਸੇਤੂ’ ਪੁਲ ਨੂੰ ਬਚਾਉਣ ਦੇ ਮਿਸ਼ਨ ਬਾਰੇ ਹੈ। ਫਿਲਮ ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ।
ਟ੍ਰੇਲਰ ਇੱਕ ਮਿਸ਼ਨ ਨਾਲ ਸ਼ੁਰੂ ਹੁੰਦਾ ਹੈ। ਮਿਸ਼ਨ ‘ਰਾਮ ਸੇਤੂ’ ਦੇ 7 ਹਜ਼ਾਰ ਸਾਲ ਪੁਰਾਣੇ ਇਤਿਹਾਸ ਨੂੰ ਸਾਹਮਣੇ ਲਿਆਉਣਾ ਹੈ ਅਤੇ ਜਿਸ ਦੀ ਭਾਲ ‘ਚ ਅਕਸ਼ੈ ਕੁਮਾਰ ਆਪਣੀ ਪੂਰੀ ਟੀਮ ਨਾਲ ਨਿਕਲਦੇ ਹਨ। ਅਭਿਸ਼ੇਕ ਸ਼ਰਮਾ ਦੇ ਨਿਰਦੇਸ਼ਨ ‘ਚ ਬਣੀ ਇਹ ਫਿਲਮ 25 ਅਕਤੂਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ।