ਮੁੰਬਈ (ਸਾਹਿਬ)— ਭਾਰਤੀ ਚੋਣ ਕਮਿਸ਼ਨ ਨੇ ਸ਼ਨੀਵਾਰ ਨੂੰ ਦਿੱਲੀ ‘ਚ ਐਲਾਨ ਕੀਤਾ ਕਿ ਮਹਾਰਾਸ਼ਟਰ ‘ਚ ਲੋਕ ਸਭਾ ਦੀਆਂ 48 ਸੀਟਾਂ ਲਈ 19 ਅਪ੍ਰੈਲ ਤੋਂ 20 ਮਈ ਦਰਮਿਆਨ ਪੰਜ ਪੜਾਵਾਂ ‘ਚ ਵੋਟਿੰਗ ਹੋਵੇਗੀ। ECI ਨੇ ਕਿਹਾ ਕਿ ਦੇਸ਼ ਦੇ ਬਾਕੀ ਹਿੱਸਿਆਂ ਦੇ ਨਾਲ ਮਹਾਰਾਸ਼ਟਰ ਦੀਆਂ ਸਾਰੀਆਂ 48 ਸੀਟਾਂ ਲਈ ਵੋਟਾਂ ਦੀ ਗਿਣਤੀ 4 ਜੂਨ ਨੂੰ ਕੀਤੀ ਜਾਵੇਗੀ।
- ਦੱਸ ਦਈਏ ਕਿ ਪਹਿਲੇ ਪੜਾਅ ‘ਚ ਪੰਜ ਸੰਸਦੀ ਸੀਟਾਂ ਰਾਮਟੇਕ, ਨਾਗਪੁਰ, ਭੰਡਾਰਾ-ਗੋਂਦੀਆ, ਗੜ੍ਹਚਿਰੌਲੀ-ਚੀਮੂਰ ਅਤੇ ਚੰਦਰਪੁਰ ਲੋਕ ਸਭਾ ਹਲਕਿਆਂ ‘ਚ 19 ਅਪ੍ਰੈਲ ਨੂੰ ਵੋਟਿੰਗ ਹੋਵੇਗੀ। ਦੂਜੇ ਪੜਾਅ ‘ਚ 26 ਅਪ੍ਰੈਲ ਨੂੰ ਅੱਠ ਸੀਟਾਂ-ਬੁਲਢਾਨਾ, ਅਕੋਲਾ, ਅਮਰਾਵਤੀ, ਵਰਧਾ, ਯਵਤਮਾਲ-ਵਾਸ਼ਿਮ, ਹਿੰਗੋਲੀ, ਨਾਂਦੇੜ ਅਤੇ ਪਰਭਨੀ ‘ਤੇ ਵੋਟਿੰਗ ਹੋਵੇਗੀ। ਜਦਕਿ ਤੀਜੇ ਪੜਾਅ ਦੀ ਵੋਟਿੰਗ 7 ਮਈ ਨੂੰ 11 ਲੋਕ ਸਭਾ ਹਲਕਿਆਂ ‘ਚ ਹੋਵੇਗੀ। ਇਸ ਵਿੱਚ ਰਾਏਗੜ੍ਹ, ਬਾਰਾਮਤੀ, ਉਸਮਾਨਾਬਾਦ, ਲਾਤੂਰ, ਸੋਲਾਪੁਰ, ਮਧਾ, ਸਾਂਗਲੀ, ਸਤਾਰਾ, ਰਤਨਾਗਿਰੀ-ਸਿੰਧੂਦੁਰਗ, ਕੋਲਹਾਪੁਰ ਅਤੇ ਹਟਕਾਨੰਗਲੇ ਸ਼ਾਮਲ ਹਨ।
- ਇਸ ਦੇ ਨਾਲ ਹੀ ਚੌਥੇ ਗੇੜ ਵਿੱਚ 13 ਮਈ ਨੂੰ 11 ਸੀਟਾਂ-ਨੰਦੁਰਬਾਰ, ਜਲਗਾਓਂ, ਰਾਵਰ, ਜਾਲਨਾ, ਔਰੰਗਾਬਾਦ (ਛਤਰਪਤੀ ਸੰਭਾਜੀਨਗਰ), ਮਾਵਲ, ਪੁਣੇ, ਸ਼ਿਰੂਰ, ਅਹਿਮਦਨਗਰ, ਸ਼ਿਰਡੀ ਅਤੇ ਬੀਡ ਵਿੱਚ ਵੋਟਿੰਗ ਹੋਵੇਗੀ। ਜਦੋਂ ਕਿ ਅੰਤਿਮ ਯਾਨੀ 5ਵੇਂ ਪੜਾਅ ਦੀ ਵੋਟਿੰਗ 20 ਮਈ ਨੂੰ 13 ਸੀਟਾਂ ਲਈ ਹੋਵੇਗੀ – ਧੂਲੇ, ਡਿੰਡੋਰੀ, ਨਾਸਿਕ, ਪਾਲਘਰ, ਭਿਵੰਡੀ, ਕਲਿਆਣ, ਠਾਣੇ, ਮੁੰਬਈ ਉੱਤਰੀ, ਮੁੰਬਈ ਉੱਤਰੀ ਪੱਛਮੀ, ਮੁੰਬਈ ਉੱਤਰ ਪੂਰਬ, ਮੁੰਬਈ ਉੱਤਰੀ ਮੱਧ, ਮੁੰਬਈ ਦੱਖਣੀ ਮੱਧ। ਅਤੇ ਮੁੰਬਈ ਸਾਊਥ ‘ਤੇ ਹੋਣਗੇ।
