ਬ੍ਰਿਸਬੇਨ: ਕੇਐਲ ਰਾਹੁਲ (57) ਅਤੇ ਸੂਰਿਆਕੁਮਾਰ ਯਾਦਵ (50) ਦੇ ਅਰਧ ਸੈਂਕੜੇ ਤੋਂ ਬਾਅਦ ਆਖਰੀ ਓਵਰਾਂ ਵਿੱਚ ਮੁਹੰਮਦ ਸ਼ਮੀ ਦੀ ਸ਼ਾਨਦਾਰ ਗੇਂਦਬਾਜ਼ੀ ਦੀ ਬਦੌਲਤ ਭਾਰਤ ਨੇ ਆਈਸੀਸੀ ਟੀ-20 ਵਿਸ਼ਵ ਕੱਪ 2022 ਦੇ ਅਭਿਆਸ ਮੈਚ ਵਿੱਚ ਸੋਮਵਾਰ ਨੂੰ ਆਸਟਰੇਲੀਆ ਨੂੰ 6 ਦੌੜਾਂ ਨਾਲ ਹਰਾ ਦਿੱਤਾ। ਭਾਰਤ ਨੇ ਆਸਟ੍ਰੇਲੀਆ ਨੂੰ 20 ਓਵਰਾਂ ‘ਚ 187 ਦੌੜਾਂ ਦਾ ਟੀਚਾ ਦਿੱਤਾ, ਜਿਸ ਦੇ ਜਵਾਬ ‘ਚ ਆਸਟ੍ਰੇਲੀਆ 180 ਦੌੜਾਂ ‘ਤੇ ਆਲ ਆਊਟ ਹੋ ਗਿਆ।
187 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਆਸਟ੍ਰੇਲੀਆ ਨੇ 18 ਓਵਰਾਂ ‘ਚ ਚਾਰ ਵਿਕਟਾਂ ਦੇ ਨੁਕਸਾਨ ‘ਤੇ 171 ਦੌੜਾਂ ਬਣਾਈਆਂ ਅਤੇ ਉਸ ਨੂੰ ਜਿੱਤ ਲਈ 12 ਗੇਂਦਾਂ ‘ਤੇ ਸਿਰਫ਼ 16 ਦੌੜਾਂ ਦੀ ਲੋੜ ਸੀ। ਹਰਸ਼ਲ ਪਟੇਲ ਨੇ ਆਰੋਨ ਫਿੰਚ (79) ਨੂੰ 19ਵੇਂ ਓਵਰ ‘ਚ ਪੰਜ ਦੌੜਾਂ ‘ਤੇ ਆਊਟ ਕੀਤਾ ਜਦਕਿ ਵਿਸਫੋਟਕ ਬੱਲੇਬਾਜ਼ ਟਿਮ ਡੇਵਿਡ ਰਨ ਆਊਟ ਹੋ ਗਿਆ। ਕਪਤਾਨ ਰੋਹਿਤ ਸ਼ਰਮਾ ਨੇ ਆਖਰੀ ਓਵਰ ‘ਚ 11 ਦੌੜਾਂ ਬਣਾ ਕੇ ਬਚਾਅ ਦੀ ਜ਼ਿੰਮੇਵਾਰੀ ਮੁਹੰਮਦ ਸ਼ਮੀ ਨੂੰ ਦਿੱਤੀ, ਜਿਸ ਨੇ ਪਿਛਲੇ ਇਕ ਸਾਲ ਤੋਂ ਇਕ ਵੀ ਟੀ-20 ਅੰਤਰਰਾਸ਼ਟਰੀ ਮੈਚ ਨਹੀਂ ਖੇਡਿਆ ਹੈ। ਸ਼ਮੀ ਨੇ ਇਸ ਓਵਰ ‘ਚ ਸਿਰਫ ਚਾਰ ਦੌੜਾਂ ਦੇ ਕੇ ਤਿੰਨ ਵਿਕਟਾਂ ਲਈਆਂ ਜਦਕਿ ਐਸ਼ਟਨ ਐਗਰ ਦੇ ਰਨਆਊਟ ਨਾਲ ਆਸਟ੍ਰੇਲੀਆ 180 ਦੌੜਾਂ ‘ਤੇ ਆਲ ਆਊਟ ਹੋ ਗਿਆ।