ਭਾਰਤੀ ਫਿਲਮ ‘RRR’ ਦੇ ਗੀਤ ‘ਨਾਟੂ ਨਾਟੂ’ ਨੇ ਅਕੈਡਮੀ ਐਵਾਰਡਜ਼ ‘ਚ ਸਰਵੋਤਮ ਮੂਲ ਗੀਤ ਦੀ ਸ਼੍ਰੇਣੀ ‘ਚ ਆਸਕਰ ਜਿੱਤ ਕੇ ਇਤਿਹਾਸ ਰਚਿਆ ਹੈ। ਭਾਰਤ ਨੇ ਇਹ ਪੁਰਸਕਾਰ 15 ਸਾਲਾਂ ਬਾਅਦ ਜਿੱਤਿਆ ਹੈ। ਇਸ ਸਾਲ ਭਾਰਤ ਨੇ 2 ਆਸਕਰ ਐਵਾਰਡ ਜਿੱਤੇ ਹਨ। ਭਾਰਤ ਨੂੰ ਆਸਕਰ ਪੁਰਸਕਾਰਾਂ ਵਿੱਚ ਤਿੰਨਾਂ ਸ਼੍ਰੇਣੀਆਂ ਵਿੱਚ ਨਾਮਜ਼ਦ ਕੀਤਾ ਗਿਆ ਸੀ ।
ਨਾਟੂ-ਨਟੂ ਨੂੰ ਇਸ ਤੋਂ ਪਹਿਲਾਂ ਗੋਲਡਨ ਗਲੋਬ ਅਵਾਰਡਸ ‘ਚ ਸਰਵੋਤਮ ਮੂਲ ਗੀਤ ਦਾ ਪੁਰਸਕਾਰ ਮਿਲਿਆ ਸੀ। ਚੰਦਰਬੋਜ਼ ਅਤੇ ਸੰਗੀਤਕਾਰ ਐਮਐਮ ਕੀਰਵਾਨੀ, ਜਿਨ੍ਹਾਂ ਨੇ ਆਸਕਰ ਸਮਾਗਮ ਵਿੱਚ ‘RRR’ ਦਾ ਨਾਟੂ-ਨਟੂ ਗੀਤ ਲਈ ਟਰਾਫੀ ਪ੍ਰਾਪਤ ਕੀਤੀ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਸ ਮੌਕੇ ‘ਤੇ ਫਿਲਮ ‘RRR’ ਅਤੇ The Elephant Whispers ਦੇ ਨਿਰਮਾਤਾਵਾਂ ਨੂੰ ਵਧਾਈ ਦਿੱਤੀ ਹੈ। ਉਨ੍ਹਾਂ ਨੇ ਟਵੀਟ ਕੀਤਾ, ‘ਅਸਾਧਾਰਨ! ‘ਨਾਟੂ ਨਾਟੂ’ ਦੀ ਪ੍ਰਸਿੱਧੀ ਪੂਰੀ ਦੁਨੀਆ ਵਿਚ ਹੈ। ਇਹ ਇੱਕ ਅਜਿਹਾ ਗੀਤ ਹੋਵੇਗਾ ਜੋ ਆਉਣ ਵਾਲੇ ਸਾਲਾਂ ਤੱਕ ਯਾਦ ਰੱਖਿਆ ਜਾਵੇਗਾ । ਇਸ ਆਸਕਰ ਸਨਮਾਨ ਲਈ ਉਨ੍ਹਾਂ ਨੇ ਐਮ.ਐਮ. ਕੀਰਵਾਨੀ, ਗੀਤਕਾਰ ਗੀਤਕਾਰ ਚੰਦਰਬੋਜ਼ ਅਤੇ ਸਮੁੱਚੀ ਟੀਮ ਨੂੰ ਵਧਾਈ।ਭਾਰਤ ਬਹੁਤ ਖੁਸ਼ ਅਤੇ ਮਾਣ ਮਹਿਸੂਸ ਕਰ ਰਿਹਾ ਹੈ।”
ਇਹ ਸਮਾਰੋਹ ਸੋਮਵਾਰ ਸਵੇਰੇ 5.30 ਵਜੇ ਲਾਸ ਏਂਜਲਸ ਵਿੱਚ ਸ਼ੁਰੂ ਹੋਈ। ਰੈੱਡ ਕਾਰਪੇਟ ਦਾ ਰੁਝਾਨ 62 ਸਾਲ ਪਹਿਲਾਂ ਆਸਕਰ ‘ਚ ਸ਼ੁਰੂ ਹੋਇਆ ਸੀ। ਇਸ ਵਾਰ ਆਸਕਰ ਸਮਾਰੋਹ ‘ਚ ਸਿਤਾਰਿਆਂ ਨੇ ਸ਼ੈਂਪੇਨ ਰੰਗ ਦੇ ਕਾਰਪੇਟ ‘ਤੇ ਐਂਟਰੀ ਲਈ। ਇਸ ਤੋਂ ਪਹਿਲਾਂ ਕਾਲ-ਰਾਹੁਲ ਨੇ RRR ਦੇ ਗੀਤ ਨਟੂ-ਨਟੂ ‘ਤੇ ਲਾਈਵ ਪਰਫਾਰਮੈਂਸ ਦਿੱਤੀ। ਇਸ ਦੌਰਾਨ ਸਟੇਡੀਅਮ ‘ਚ ਮੌਜੂਦ ਸਾਰੇ ਲੋਕਾਂ ਨੇ ‘ਨਾਟੂ ਨਾਟੂ’ ਦੀ ਧੁਨ ‘ਤੇ ਡਾਂਸ ਕੀਤਾ ਅਤੇ ਗੀਤ ਨੂੰ standing ovation ਮਿਲਿਆ। ਲਾਸ ਏਂਜਲਸ ‘ਚ ਹੋ ਰਹੇ ਇਸ ਐਵਾਰਡ ਸ਼ੋਅ ‘ਚ ਹਾਲੀਵੁੱਡ ਤੋਂ ਲੈ ਕੇ ਬਾਲੀਵੁੱਡ ਤੱਕ ਦੀਆ ਕਈ ਹਸਤੀਆਂ ਸ਼ਾਮਿਲ ਹੋਈਆਂ ਹਨ।
