ਕੋਲਕਾਤਾ (ਸਾਹਿਬ)— TMC ਨੇਤਾ ਅਤੇ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਇਕ ਅਹਿਮ ਐਲਾਨ ਕਰਦੇ ਹੋਏ ਕਿਹਾ ਕਿ ਆਉਣ ਵਾਲੀਆਂ ਲੋਕ ਸਭਾ ਚੋਣਾਂ ਤੋਂ ਬਾਅਦ ਉਹ ‘INDIA’ . ਬਲਾਕ ਸਰਕਾਰ ਨੂੰ ਆਪਣਾ ਸਹਿਯੋਗ ਦੇਵੇਗੀ। ਇਸ ਗਠਜੋੜ ਨੂੰ ਬੰਗਾਲ ਤੋਂ ਬਾਹਰੀ ਸਮਰਥਨ ਮਿਲੇਗਾ, ਤਾਂ ਜੋ ਸੂਬੇ ਦੇ ਲੋਕਾਂ ਨੂੰ ਵੱਧ ਤੋਂ ਵੱਧ ਲਾਭ ਮਿਲ ਸਕੇ।
- ਮਮਤਾ ਨੇ ਅੱਗੇ ਕਿਹਾ ਕਿ ਇਹ ਸਮਰਥਨ ਬੰਗਾਲ ਲਈ ਯੋਜਨਾਬੱਧ ਨੀਤੀ ਦੇ ਹਿੱਸੇ ਵਜੋਂ ਦਿੱਤਾ ਜਾ ਰਿਹਾ ਹੈ। ਉਨ੍ਹਾਂ ਵਿਸ਼ੇਸ਼ ਤੌਰ ‘ਤੇ ਦੱਸਿਆ ਕਿ ਇਸ ਗਠਜੋੜ ਦੇ ਸੱਤਾ ‘ਚ ਆਉਣ ਨਾਲ ਬੰਗਾਲ ਦੇ ਵਸਨੀਕਾਂ ਖਾਸਕਰ ਔਰਤਾਂ ਅਤੇ ਰੁਜ਼ਗਾਰ ਸਕੀਮਾਂ ‘ਚ ਕੰਮ ਕਰਨ ਵਾਲੇ ਮਜ਼ਦੂਰਾਂ ਨੂੰ ਕਿਸੇ ਕਿਸਮ ਦੀ ਦਿੱਕਤ ਦਾ ਸਾਹਮਣਾ ਨਹੀਂ ਕਰਨਾ ਪਵੇਗਾ |
- ਮੁੱਖ ਮੰਤਰੀ ਨੇ ਇਸ ਗੱਲ ‘ਤੇ ਵੀ ਜ਼ੋਰ ਦਿੱਤਾ ਕਿ ਉਨ੍ਹਾਂ ਦਾ ਸਮਰਥਨ ਸਿਰਫ਼ ਬੰਗਾਲ ਕਾਂਗਰਸ ਨੂੰ ਹੀ ਨਹੀਂ, ਸਗੋਂ ਬੰਗਾਲ ਦੀਆਂ ਸਮੱਸਿਆਵਾਂ ਦੇ ਹੱਲ ਨੂੰ ਯਕੀਨੀ ਬਣਾਉਣ ਲਈ ਦਿੱਲੀ ਵਿੱਚ ਬਣਨ ਵਾਲੀ ਕਿਸੇ ਵੀ ਗੱਠਜੋੜ ਸਰਕਾਰ ਨੂੰ ਹੋਵੇਗਾ।
