ਕੋਲੰਬੋ: ਦੇਸ਼ ‘ਚ ਆਰਥਿਕ ਸੰਕਟ ਕਾਰਨ ਪਿਛਲੇ ਮਹੀਨੇ ਮੁਲਤਵੀ ਹੋਏ ਲੰਕਾ ਪ੍ਰੀਮੀਅਰ ਲੀਗ (ਐੱਲ. ਪੀ. ਐੱਲ.) ਦਾ ਤੀਜਾ ਸੀਜ਼ਨ ਇਸ ਸਾਲ ਦਸੰਬਰ ‘ਚ ਖੇਡਿਆ ਜਾਵੇਗਾ। ਐਲਪੀਐਲ ਟੂਰਨਾਮੈਂਟ ਆਯੋਜਕ ਸਮੰਥਾ ਡੋਡਨਵੇਲਾ ਨੇ ਮੀਡੀਆ ਨੂੰ ਕਿਹਾ, “ਮੈਨੂੰ ਇਹ ਐਲਾਨ ਕਰਦੇ ਹੋਏ ਖੁਸ਼ੀ ਹੋ ਰਹੀ ਹੈ ਕਿ ਐਲਪੀਐਲ 6 ਤੋਂ 23 ਦਸੰਬਰ ਤੱਕ ਆਯੋਜਿਤ ਕੀਤਾ ਜਾਵੇਗਾ।” LPL ਦੇ ਅਧਿਕਾਰਤ ਪ੍ਰਮੋਟਰ IPG ਨੇ ਵੀ ਟਵਿੱਟਰ ‘ਤੇ ਇਸ ਖਬਰ ਦੀ ਪੁਸ਼ਟੀ ਕੀਤੀ ਹੈ।
ਸ਼੍ਰੀਲੰਕਾ ਕ੍ਰਿਕਟ ਨੇ ਦੇਸ਼ ਦੀ ਸਥਿਤੀ ਨੂੰ ਦੇਖਦੇ ਹੋਏ ਜੁਲਾਈ ‘ਚ ਟੂਰਨਾਮੈਂਟ ਨੂੰ ਮੁਲਤਵੀ ਕਰਨ ਦਾ ਫੈਸਲਾ ਕੀਤਾ ਸੀ। ਸਪਾਂਸਰਾਂ ਨੇ ਇਹ ਵੀ ਮਹਿਸੂਸ ਕੀਤਾ ਕਿ ਲੀਗ ਨੂੰ ਸ਼ੈਡਿਊਲ ਮੁਤਾਬਕ ਕਰਵਾਉਣਾ ਠੀਕ ਨਹੀਂ ਹੈ। ਇਸ ਤੋਂ ਬਾਅਦ, ਅਜਿਹੇ ਕਾਰਨਾਂ ਕਰਕੇ, ਸ਼੍ਰੀਲੰਕਾ ਵਿੱਚ ਹੋਣ ਵਾਲੇ ਏਸ਼ੀਆ ਕੱਪ ਨੂੰ ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਵਿੱਚ ਤਬਦੀਲ ਕਰਨ ਦਾ ਫੈਸਲਾ ਕੀਤਾ ਗਿਆ ਸੀ।