ਕੋਚੀ (ਹਰਮੀਤ) : ਵਰਾਪੁਝਾ ‘ਚ ਬੁੱਧਵਾਰ ਸਵੇਰੇ ਇਕ ਵਿਅਕਤੀ ਅਤੇ ਉਸ ਦੇ ਚਾਰ ਸਾਲਾ ਬੇਟੇ ਨੂੰ ਕਿਰਾਏ ਦੇ ਮਕਾਨ ‘ਚ ਲਟਕਦੇ ਮਿਲੇ। ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਘਟਨਾ ਸ਼ੱਕੀ ਹੱਤਿਆ-ਖੁਦਕੁਸ਼ੀ ਜਾਪਦੀ ਹੈ।
ਪੁਲਿਸ ਨੇ ਦੱਸਿਆ ਕਿ ਮੁੱਢਲੀ ਜਾਂਚ ਵਿੱਚ ਇਹ ਘਟਨਾ ਘਰੇਲੂ ਤਣਾਅ ਅਤੇ ਆਰਥਿਕ ਤੰਗੀ ਕਾਰਨ ਵਾਪਰੀ ਹੋ ਸਕਦੀ ਹੈ। ਘਟਨਾ ਵਾਲੀ ਥਾਂ ਤੋਂ ਕੁਝ ਸੰਦੇਸ਼ ਅਤੇ ਨੋਟ ਵੀ ਬਰਾਮਦ ਹੋਏ ਹਨ, ਜਿਨ੍ਹਾਂ ਦਾ ਅਧਿਐਨ ਕੀਤਾ ਜਾ ਰਿਹਾ ਹੈ ਅਤੇ ਘਟਨਾ ਦੇ ਪਿੱਛੇ ਦੇ ਕਾਰਨਾਂ ਦੀ ਡੂੰਘਾਈ ਨਾਲ ਜਾਂਚ ਕੀਤੀ ਜਾ ਰਹੀ ਹੈ।
ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ 41 ਸਾਲਾ ਮ੍ਰਿਤਕ ਵਿਅਕਤੀ ਆਪਣੀ ਆਰਥਿਕ ਹਾਲਤ ਨੂੰ ਲੈ ਕੇ ਅਕਸਰ ਚਿੰਤਤ ਰਹਿੰਦਾ ਸੀ। ਲੋਕਾਂ ਨੇ ਦੱਸਿਆ ਕਿ ਪਿਉ-ਪੁੱਤ ਤਿੰਨ ਹਫ਼ਤੇ ਪਹਿਲਾਂ ਹੀ ਵਰਪੁਝਾ ਵਿੱਚ ਸ਼ਿਫਟ ਹੋਏ ਸਨ। ਉਸਦਾ ਬਾਕੀ ਪਰਿਵਾਰ ਮਲਪੁਰਮ ਵਿੱਚ ਰਹਿੰਦਾ ਹੈ।
