Jayeshbhai Jordaar Movie Trailer Out: ਬਾਲੀਵੁੱਡ ਅਭਿਨੇਤਾ ਰਣਵੀਰ ਸਿੰਘ (Ranveer Singh)ਦੀ ਕਾਮੇਡੀ ਫਿਲਮ ‘ਜੈਸ਼ਭਾਈ ਜੋਰਦਾਰ’ (Jayeshbhai Jordaar)ਦਾ ਟ੍ਰੇਲਰ ਅੱਜ ਰਿਲੀਜ਼ ਹੋ ਗਿਆ ਹੈ, ਜਿਸ ਨੂੰ ਪ੍ਰਸ਼ੰਸਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਵਿੱਚ ਰਣਵੀਰ ਸਿੰਘ ਇੱਕ ਗੁਜਰਾਤੀ ਵਿਅਕਤੀ ਦੇ ਰੂਪ ਵਿੱਚ ਨਜ਼ਰ ਆਉਣਗੇ, ਜੋ ਸ਼ਾਲਿਨੀ ਪਾਂਡੇ (Shalini Pandey) ਨਾਲ ਵਿਆਹਿਆ ਹੋਇਆ ਹੈ ਅਤੇ ਇੱਕ ਬੇਟੀ ਦਾ ਪਿਤਾ ਹੈ।
ਇਸ ਫਿਲਮ ਵਿੱਚ ਆਪਣੇ ਕਿਰਦਾਰ ਨੂੰ ਲੈ ਕੇ ਰਣਵੀਰ ਸਿੰਘ ਦਾ ਕਹਿਣਾ ਹੈ ਕਿ ਜੈੇਸ਼ਭਾਈ ਜੋਰਦਾਰ ਵਿੱਚ ਮੇਰਾ ਇੱਕ ਅਜਿਹਾ ਰੋਲ ਹੈ ਜੋ ਬਾਲੀਵੁੱਡ ਨੇ ਪਹਿਲਾਂ ਕਦੇ ਨਹੀਂ ਦੇਖਿਆ ਹੈ। ਭਾਵੇਂ ਕਿ ਅਸੀਂ ਟੈਲੀਵਿਜ਼ਨ ‘ਤੇ ਕੁਝ ਕਿਰਦਾਰਾਂ ਨਾਲ ਮਿਲਦੇ-ਜੁਲਦੇ ਹੋ ਸਕਦੇ ਹਾਂ, ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਵੱਡੇ ਪਰਦੇ ਦੇ ਦਰਸ਼ਕ ਉਨ੍ਹਾਂ ‘ਤੇ ਕਿਵੇਂ ਪ੍ਰਤੀਕਿਰਿਆ ਦਿੰਦੇ ਹਨ।
ਟ੍ਰੇਲਰ ਵਿੱਚ ਤੁਸੀ ਦੇਖ ਸਕਦੇ ਹੋ ਕਿ ਸ਼ੁਰੂਆਤ ਵਿੱਚ ਇੱਕ ਸਰਪੰਚ ਸ਼ਰਾਬੀ ਮੁੰਡਿਆ ਵੱਲੋਂ ਇੱਕ ਸਕੂਲ ਦੇ ਬਾਹਰ ਲੜਕੀਆਂ ਨਾਲ ਛੇੜਛਾੜ ਕਰਨ ਦੀ ਸ਼ਿਕਾਇਤ ਸੁਣਦਾ ਹੈ। ਹਾਲਾਂਕਿ ਉਹ ਲੜਕੀਆਂ ਦੁਆਰਾ ਵਰਤੇ ਜਾਣ ਵਾਲੇ ਸੁਗੰਧਿਤ ਸਾਬਣ ਨੂੰ ਦੋਸ਼ੀ ਠਹਿਰਾਉਂਦਾ ਹੈ, ਜੋ ਸਪੱਸ਼ਟ ਤੌਰ ‘ਤੇ ਮਰਦਾਂ ਨੂੰ ਆਕਰਸ਼ਿਤ ਕਰਦੇ ਹਨ। ਇਸ ਲਈ ਜਦੋਂ ਉਸ ਨੂੰ ਪਤਾ ਲੱਗਾ ਕਿ ਉਸ ਦੀ ਨੂੰਹ ਇਕ ਹੋਰ ਧੀ ਨੂੰ ਜਨਮ ਦੇਣ ਵਾਲੀ ਹੈ ਤਾਂ ਉਹ ਗੁੱਸੇ ਵਿੱਚ ਆ ਜਾਂਦਾ ਹੈ। ਇਸ ਦੌਰਾਨ ਜੈੇਸ਼ਭਾਈ ਯਾਨੀ ਰਣਬੀਰ ਆਪਣੀ ਪਤਨੀ ਅਤੇ ਹੋਣ ਵਾਲੀ ਧੀ ਨੂੰ ਬਚਾਉਣ ਲਈ ਘਰੋਂ ਭੱਜ ਜਾਂਦਾ ਹੈ। ਇਸ ਤੋਂ ਬਾਅਦ ਰਣਵੀਰ ਆਪਣੇ ਪਰਿਵਾਰ ਅਤੇ ਅਣਜੰਮੇ ਬੱਚੇ ਦੀ ਰੱਖਿਆ ਕਿਵੇਂ ਕਰਦਾ ਹੈ ਇਹ ਫਿਲਮ ਦੇਖਣ ਤੋਂ ਬਾਅਦ ਹੀ ਪਤਾ ਚੱਲੇਗਾ। ਦੱਸ ਦੇਈਏ ਕਿ ਇਹ ਫਿਲਮ 13 ਮਈ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।
