Jaani Car Accident: ‘ਪਛਤਾਉਗੇ’, ‘ਫਿਲਹਾਲ’, ‘ਤਿਤਲੀਆਂ’, ‘ਬਾਰੀਸ਼ ਕੀ ਜਾਏ’ ਵਰਗੇ ਸੁਪਰਹਿੱਟ ਗੀਤ ਲਿਖਣ ਵਾਲੇ ਸਟਾਰ ਗੀਤਕਾਰ ਜਾਨੀ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਏ। ਜਾਨੀ ਆਪਣੇ ਦੋ ਦੋਸਤਾਂ ਨਾਲ ਮੁਹਾਲੀ ਸੈਕਟਰ 88 ਨੇੜੇ ਲੰਘ ਰਿਹਾ ਸੀ ਜਦੋਂ ਉਨ੍ਹਾਂ ਦੀ ਕਾਰ ਇੱਕ ਹੋਰ ਕਾਰ ਨਾਲ ਟਕਰਾ ਗਈ। ਦੋਵੇਂ ਵਾਹਨ ਪਲਟ ਗਏ ਅਤੇ ਵਾਹਨਾਂ ਦੇ ਪਲਟਣ ਤੋਂ ਪਹਿਲਾਂ ਹੀ ਦੋ ਵਿਅਕਤੀ ਵਾਹਨਾਂ ਤੋਂ ਡਿੱਗ ਗਏ।
ਇਸ ਹਾਦਸੇ ਤੋਂ ਬਾਅਦ ਜਾਨੀ ਨੇ ਇੱਕ ਪੋਸਟ ਸ਼ੇਅਰ ਕਰ ਲਿਖਿਆ ਕਿ ਮੈਂ ਅਤੇ ਮੇਰੇ ਦੋਸਤ ਠੀਕ ਹਨ। ਉਨ੍ਹਾਂ ਕਿਹਾ ਕਿ ਅੱਜ ਅੱਖਾਂ ਨੇ ਮੌਤ ਵੇਖੀ,,ਪਰ ਫੇਰ ਬਾਬੇ ਨਾਨਕ ਨੂੰ ਵੇਖੇ,,,ਸੋ ਅੱਜ ਮੌਤ ਤੇ ਰਬ ਦੋਨੋ ਇਕਠੇ ਵੇਖੇ….ਮੈਨੂੰ ਅਤੇ ਮੇਰੇ ਦੋਸਤਾਂ ਨੂੰ ਬਸ ਮਾਮੂਲੀ ਸੱਟਾਂ ਆਈਆਂ ਹਨ🙏🏻 ਦੁਆਵਾਂ ‘ਚ ਯਾਦ ਰੱਖਿਓ #JAANI
ਚੌਰਾਹੇ ‘ਤੇ ਨਾ ਰੁਕਣ ਕਾਰਨ ਵਾਪਰਿਆ ਹਾਦਸਾ
ਮਾਮਲੇ ਸਬੰਧੀ ਪੁਲਿਸ ਦਾ ਕਹਿਣਾ ਹੈ ਕਿ ਦੋਵੇਂ ਵਾਹਨ ਚੌਰਾਹੇ ‘ਤੇ ਨਾ ਰੁਕਣ ਕਾਰਨ ਦੋਵਾਂ ਵਾਹਨਾਂ ਦਾ ਹਾਦਸਾ ਹੋ ਗਿਆ। 33 ਸਾਲਾ ਸੰਗੀਤਕਾਰ ਅਤੇ ਹੋਰ ਦੋ ਲੋਕਾਂ ਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ। ਬਾਕੀਆਂ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਜਾਣਕਾਰੀ ਅਨੁਸਾਰ ਪੁਲਿਸ ਦੇ ਆਉਣ ਤੋਂ ਪਹਿਲਾਂ ਜਾਨੀ ਅਤੇ ਹੋਰ ਲੋਕਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ। ਫਿਲਹਾਲ ਬਾਕੀ ਮਾਮਲਿਆਂ ਦੀ ਪੁਲਿਸ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ।
ਜਾਨੀ ਦੇ ਹਾਦਸੇ ਤੋਂ ਬਾਅਦ ਪ੍ਰਸ਼ੰਸਕ ਚਿੰਤਤ
ਅਜੇ ਤੱਕ ਕਿਸੇ ਦੇ ਖਿਲਾਫ ਕੋਈ ਮਾਮਲਾ ਦਰਜ ਨਹੀਂ ਹੋਇਆ ਹੈ ਅਤੇ ਸੋਸ਼ਲ ਮੀਡੀਆ ‘ਤੇ ਆਉਣ ਵਾਲੀ ਇਸ ਖਬਰ ਕਾਰਨ ਪ੍ਰਸ਼ੰਸਕਾਂ ‘ਚ ਚਿੰਤਾ ਦਾ ਮਾਹੌਲ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਲੰਬੇ ਸਮੇਂ ਤੋਂ ਪੰਜਾਬੀ ਫਿਲਮਾਂ ਲਈ ਗੀਤ ਲਿਖ ਰਹੇ ਜਾਨੀ ਨੇ ਜਦੋਂ ਬਾਲੀਵੁੱਡ ‘ਚ ਕਦਮ ਰੱਖਿਆ ਤਾਂ ਉਨ੍ਹਾਂ ਨੇ ਇਕ ਤੋਂ ਬਾਅਦ ਇਕ ਕਈ ਸੁਪਰਹਿੱਟ ਗੀਤ ਦਿੱਤੇ। ਲੰਬੇ ਸਮੇਂ ਤੋਂ ਗੀਤ ਲਿਖਣ ਵਾਲੇ ਜਾਨੀ ਦੀ ਕਾਫੀ ਪ੍ਰਸਿੱਧੀ ਹੈ ਅਤੇ ਹੁਣ ਉਹ ਅਦਾਕਾਰੀ ਦੇ ਨਾਲ-ਨਾਲ ਆਪਣਾ ਹੱਥ ਅਜ਼ਮਾਉਣ ਲੱਗ ਪਿਆ ਹੈ।
