ਗਾਜਾ (ਸਾਹਿਬ)- ਪਿਛਲੇ 6 ਮਹੀਨਿਆਂ ਦੀ ਲੜਾਈ ਤੋਂ ਬਾਅਦ, ਹਮਾਸ ਅਤੇ ਇਜ਼ਰਾਈਲ ਨੇ ਜੰਗਬੰਦੀ ਦੇ ਇੱਕ ਨਵੇਂ ਸਮਝੌਤੇ ਤੇ ਸਹਿਮਤੀ ਦਿਖਾਈ ਹੈ। ਇਸ ਸਮਝੌਤੇ ਅਨੁਸਾਰ ਇਜ਼ਰਾਈਲੀ ਬੰਧਕਾਂ ਨੂੰ ਰਿਹਾਅ ਕਰਨ ਦੀ ਯੋਜਨਾ ਹੈ, ਜਿਸ ‘ਤੇ ਹਮਾਸ ਨੇ ਵੀ ਹਾਮੀ ਭਰੀ ਹੈ।
- ਇਜ਼ਰਾਈਲ ਦੇ ਅਧਿਕਾਰੀਆਂ ਦਾ ਇੱਕ ਵਫ਼ਦ ਜਲਦੀ ਹੀ ਮਿਸਰ ਜਾਣ ਵਾਲਾ ਹੈ ਤਾਂ ਜੋ ਨਵੇਂ ਸਮਝੌਤੇ ‘ਤੇ ਚਰਚਾ ਕੀਤੀ ਜਾ ਸਕੇ। ਹਮਾਸ ਵੱਲੋਂ ਇਹ ਭਰੋਸਾ ਦਿੱਤਾ ਗਿਆ ਹੈ ਕਿ ਉਹ ਫਲਸਤੀਨੀ ਕੈਦੀਆਂ ਦੇ ਬਦਲੇ 40 ਬੰਧਕਾਂ ਨੂੰ ਰਿਹਾਅ ਕਰਨ ਲਈ ਤਿਆਰ ਹਨ। ਜਦਕਿ ਹਮਾਸ ਦੇ ਸੀਨੀਅਰ ਨੇਤਾ ਖਲੀਲ ਅਲ-ਹਯਾ ਦੀ ਅਗਵਾਈ ਵਾਲਾ ਵਫ਼ਦ 29 ਅਪ੍ਰੈਲ ਨੂੰ ਕਾਹਿਰਾ ਵਿੱਚ ਮਿਸਰ ਅਤੇ ਕਤਰ ਦੇ ਵਿਚੋਲਗੀ ਤੇ ਪ੍ਰਸਤਾਵ ‘ਤੇ ਚਰਚਾ ਕਰੇਗਾ। ਇਸ ਸਮਝੌਤੇ ਦਾ ਉਦੇਸ਼ ਇਹ ਹੈ ਕਿ ਦੋਵੇਂ ਪੱਖ ਆਪਣੀਆਂ ਸ਼ਰਤਾਂ ‘ਤੇ ਸਹਿਮਤੀ ਜਤਾਉਣ।
- ਮਿਸਰ, ਕਤਰ ਅਤੇ ਅਮਰੀਕਾ ਇਸ ਨਵੇਂ ਸਮਝੌਤੇ ਦੇ ਪਾਲਣ ਵਿੱਚ ਰੁੱਝੇ ਹੋਏ ਹਨ। ਇਹ ਤਿੰਨਾਂ ਦੇਸ਼ਾਂ ਨੇ ਪਿਛਲੇ ਨਵੰਬਰ ਦੀ ਜੰਗਬੰਦੀ ਦੀ ਸਫਲਤਾ ਤੋਂ ਬਾਅਦ ਦੂਜੀ ਵਾਰ ਇਸ ਤਰਾਂ ਦੇ ਸਮਝੌਤੇ ਨੂੰ ਅੰਜਾਮ ਦੇਣ ਲਈ ਕੋਸ਼ਿਸ਼ ਕਰ ਰਹੇ ਹਨ। ਇਸ ਨਵੇਂ ਸਮਝੌਤੇ ਦੇ ਅੰਤਰਗਤ, ਇਜ਼ਰਾਈਲ ਦੁਆਰਾ ਗਾਜ਼ਾ ‘ਤੇ ਹਮਲੇ ਰੋਕਣ ਦੀ ਵੀ ਉਮੀਦ ਕੀਤੀ ਜਾ ਰਹੀ ਹੈ। ਬਦਲੇ ਵਿੱਚ, ਹਮਾਸ ਇਜ਼ਰਾਈਲੀ ਬੰਧਕਾਂ ਨੂੰ ਰਿਹਾਅ ਕਰਨ ਦੀ ਉਦਾਰ ਪੇਸ਼ਕਸ਼ ਨੂੰ ਮੰਨਣ ਦੀ ਉਮੀਦ ਕਰ ਰਿਹਾ ਹੈ।
- ਓਥੇ ਹੀ ਅਮਰੀਕੀ ਵਿਦੇਸ਼ ਮੰਤਰੀ ਐਂਟਨੀ ਬਲਿੰਕਨ ਨੇ ਹਮਾਸ ਨੂੰ ਇਸ ਪੇਸ਼ਕਸ਼ ਨੂੰ ਜਲਦੀ ਸਵੀਕਾਰ ਕਰਨ ਦੀ ਗੱਲ ਕਹੀ ਹੈ। ਉਹ ਇਸ ਸਮੇਂ ਸਾਊਦੀ ਅਰਬ ਵਿੱਚ ਹਨ ਅਤੇ ਉਥੇ ਵਿਸ਼ਵ ਆਰਥਿਕ ਫੋਰਮ ਵਿੱਚ ਹਿੱਸਾ ਲੈ ਰਹੇ ਹਨ।
