ਨਵੀਂ ਦਿੱਲੀ (ਹਰਮੀਤ): ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈ. ਡੀ.) ਨੇ ਵੀਰਵਾਰ ਨੂੰ ਇਕ ਵੱਡੀ ਕਾਰਵਾਈ ਕੀਤੀ। ਨੋਇਡਾ ਸੈਕਟਰ 18 ਸਥਿਤ ਮਸ਼ਹੂਰ ਗ੍ਰੇਟ ਇੰਡੀਆ ਪੈਲੇਸ (ਜੀਆਈਪੀ) ਮਾਲ ਸਮੇਤ ਮਨੋਰੰਜਨ ਸੇਵਾਵਾਂ ਪ੍ਰਦਾਨ ਕਰਨ ਵਾਲੀ ਕੰਪਨੀ ‘ਤੇ ਕਾਨੂੰਨੀ ਸ਼ਿਕੰਜਾ ਕੱਸਿਆ ਗਿਆ ਹੈ। ਜੀਆਈਪੀ ਮਾਲ ਦੇ ਕੁਝ ਹਿੱਸੇ ਅਟੈਚ ਕੀਤੇ ਗਏ ਹਨ। ਈਡੀ ਨੇ ਇੰਟਰਨੈਸ਼ਨਲ ਐਂਟਰਟੇਨਮੈਂਟ ਲਿਮਟਿਡ (ਆਈਆਰਐਲ ਦੀ ਹੋਲਡਿੰਗ ਕੰਪਨੀ) ਨਾਲ ਸਬੰਧਤ 290 ਕਰੋੜ ਰੁਪਏ ਦੀਆਂ ਜਾਇਦਾਦਾਂ ਕੁਰਕ ਕੀਤੀਆਂ ਹਨ। ਜੀਆਈਪੀ ਮਾਲ ਵੀ ਇਸ ਦੇ ਦਾਇਰੇ ਵਿੱਚ ਆ ਗਿਆ ਹੈ।
ਨੋਇਡਾ ਦਾ ਜੀਆਈਪੀ ਮਾਲ, ਜੋ ਕਿ ਐਂਟਰਟੇਨਮੈਂਟ ਸਿਟੀ ਲਿਮਟਿਡ ਦੇ ਅਧੀਨ ਆਉਂਦਾ ਹੈ, ਲਗਭਗ 3,93,737.28 ਵਰਗ ਫੁੱਟ ਦੇ ਵਪਾਰਕ ਖੇਤਰ ‘ਤੇ ਬਣਿਆ ਹੈ। ਹਰ ਰੋਜ਼ ਵੱਡੀ ਗਿਣਤੀ ਵਿੱਚ ਲੋਕ ਮਾਲ ਦੇਖਣ ਅਤੇ ਖਰੀਦਦਾਰੀ ਕਰਨ ਲਈ ਆਉਂਦੇ ਹਨ। ਅਜਿਹੇ ‘ਚ ਈਡੀ ਦੀ ਇਹ ਕਾਰਵਾਈ ਕਿਸੇ ਝਟਕੇ ਤੋਂ ਘੱਟ ਨਹੀਂ ਹੈ। ਰੋਹਿਣੀ ਦੇ ਐਡਵੈਂਚਰ ਆਈਲੈਂਡ ‘ਤੇ ਵੀ ਈਡੀ ਦਾ ਸ਼ਿਕੰਜਾ ਕਸਿਆ ਗਿਆ ਹੈ। ਰੋਹਿਣੀ-ਅਧਾਰਤ ਐਡਵੈਂਚਰ ਆਈਲੈਂਡ ਲਿਮਿਟੇਡ 45,966 ਵਰਗ ਫੁੱਟ ਕਮਰਸ਼ੀਅਲ ਸਪੇਸ ‘ਤੇ ਬਣੀ ਹੈ।
ਜਾਂਚ ਏਜੰਸੀ ਨੇ ਕਿਹਾ ਕਿ ਇੰਟਰਨੈਸ਼ਨਲ ਐਂਟਰਟੇਨਮੈਂਟ ਲਿਮਟਿਡ ‘ਤੇ ਗੁਰੂਗ੍ਰਾਮ ਦੇ ਸੈਕਟਰ 29 ਅਤੇ 52ਏ ਵਿਚ ਦੁਕਾਨਾਂ/ਹੋਰ ਥਾਵਾਂ ਅਲਾਟ ਕਰਨ ਦਾ ਵਾਅਦਾ ਕਰਕੇ ਲਗਭਗ 1,500 ਨਿਵੇਸ਼ਕਾਂ ਤੋਂ 400 ਕਰੋੜ ਰੁਪਏ ਤੋਂ ਵੱਧ ਦੀ ਵਸੂਲੀ ਕਰਨ ਦਾ ਦੋਸ਼ ਹੈ। ਤੁਹਾਨੂੰ ਦੱਸ ਦਈਏ, ਇੰਟਰਨੈਸ਼ਨਲ ਅਮਿਊਜ਼ਮੈਂਟ ਲਿਮਿਟੇਡ ਇੰਟਰਨੈਸ਼ਨਲ ਰੀਕ੍ਰੀਏਸ਼ਨ ਐਂਡ ਅਮਿਊਜ਼ਮੈਂਟ ਲਿਮਿਟੇਡ (IRAL) ਦੀ ਹੋਲਡਿੰਗ ਕੰਪਨੀ ਹੈ।
ਹਾਲਾਂਕਿ, ਕੰਪਨੀ ਸਮੇਂ ਸਿਰ ਨਿਵੇਸ਼ਕਾਂ ਨੂੰ ਦੁਕਾਨਾਂ ਪ੍ਰਦਾਨ ਕਰਨ ਵਿੱਚ ਅਸਫਲ ਰਹੀ। ਨਾਲ ਹੀ, ਨਿਵੇਸ਼ਕਾਂ ਨੂੰ ਮਹੀਨਾਵਾਰ ਅਦਾਇਗੀਆਂ ਨਹੀਂ ਦਿੱਤੀਆਂ ਗਈਆਂ। ਕੰਪਨੀ ਨੇ ਨਿਵੇਸ਼ਕਾਂ ਦੇ ਪੈਸੇ ਦਾ ਗਬਨ ਕੀਤਾ ਅਤੇ ਪੈਸਾ ਆਪਣੇ ਸਬੰਧਤ ਵਿਅਕਤੀਆਂ/ਇਕਾਈਆਂ ਕੋਲ ਰੱਖਿਆ, ਜਿਸਦੀ ਵਰਤੋਂ ਨਿੱਜੀ ਲਾਭ ਲਈ ਕੀਤੀ ਗਈ।
