ਸ੍ਰੀਨਗਰ (ਸਾਹਿਬ)— ਸ਼੍ਰੀਨਗਰ ‘ਚ ਕਿਸ਼ਤੀ ਹਾਦਸੇ ‘ਚ ਮਰਨ ਵਾਲਿਆਂ ਦੀ ਗਿਣਤੀ ਵਧ ਕੇ 7 ਹੋ ਗਈ ਹੈ। 16 ਅਪ੍ਰੈਲ ਨੂੰ ਗੰਡਾਬਲ ਇਲਾਕੇ ਦੀ ਜੇਹਲਮ ਨਦੀ ‘ਚ ਵਾਪਰੀ ਇਸ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ‘ਚ ਹੁਣ ਤੱਕ ਇਕ ਹੋਰ ਨਾਬਾਲਗ ਦੀ ਲਾਸ਼ ਬਰਾਮਦ ਹੋਈ ਹੈ। ਉਹ ਰਾਜਬਾਗ ਇਲਾਕੇ ਦੇ ਪੁਰਾਣੇ ਜ਼ੀਰੋ ਪੁਲ ਨੇੜੇ ਮਿਲਿਆ।
- ਘਟਨਾ ਦੇ ਬਾਅਦ ਤੋਂ ਦੋ ਲੋਕ ਅਜੇ ਵੀ ਲਾਪਤਾ ਹਨ ਅਤੇ ਖੋਜ ਟੀਮਾਂ ਉਨ੍ਹਾਂ ਨੂੰ ਲੱਭਣ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ। ਪੁਲਿਸ ਮੁਤਾਬਕ ਉਸ ਦਿਨ ਨਦੀ ‘ਚ ਕਿਸ਼ਤੀ ‘ਚ ਸਵਾਰ 19 ਲੋਕਾਂ ‘ਚੋਂ 10 ਨੂੰ ਬਚਾ ਲਿਆ ਗਿਆ ਸੀ ਜਦਕਿ ਘਟਨਾ ਵਾਲੇ ਦਿਨ 6 ਲੋਕਾਂ ਦੀਆਂ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਸਨ। ਸ੍ਰੀਨਗਰ ਪੁਲਿਸ ਨੇ ਘਟਨਾ ਦੀ ਹੋਰ ਜਾਂਚ ਲਈ ਸਖ਼ਤ ਕਦਮ ਚੁੱਕੇ ਹਨ ਅਤੇ ਸੁਰੱਖਿਆ ਮਾਪਦੰਡਾਂ ਦੀ ਸਮੀਖਿਆ ਕਰ ਰਹੀ ਹੈ।
