ਬੀਜਿੰਗ (ਰਾਘਵ): ਦੱਖਣੀ ਚੀਨ ਸਾਗਰ ‘ਚ ਚੀਨ ਅਤੇ ਫਿਲੀਪੀਨਜ਼ ਵਿਚਾਲੇ ਤਣਾਅ ਬਣਿਆ ਹੋਇਆ ਹੈ। ਇਸ ਦੌਰਾਨ ਚੀਨ ਨੇ ਫਿਲੀਪੀਨਜ਼ ‘ਤੇ ਵੱਡਾ ਦੋਸ਼ ਲਗਾਉਂਦੇ ਹੋਏ ਕਿਹਾ ਹੈ ਕਿ ਫਿਲੀਪੀਨਜ਼ ਨੇ ਜਾਣਬੁੱਝ ਕੇ ਦੱਖਣੀ ਚੀਨ ਸਾਗਰ ‘ਚ ਚੀਨ ਦੇ ਇਕ ਜਹਾਜ਼ ਨੂੰ ਟੱਕਰ ਮਾਰੀ। ਸੋਮਵਾਰ ਨੂੰ ਜਾਰੀ ਬਿਆਨ ਮੁਤਾਬਕ ਚੀਨ ਨੇ ਕਿਹਾ ਕਿ ਫਿਲੀਪੀਨਜ਼ ਨੇ ਵਾਰ-ਵਾਰ ਉਸ ਦੀਆਂ ਚਿਤਾਵਨੀਆਂ ਨੂੰ ਨਜ਼ਰਅੰਦਾਜ਼ ਕੀਤਾ। ਚਾਈਨਾ ਕੋਸਟ ਗਾਰਡ ਦੇ ਸੋਸ਼ਲ ਮੀਡੀਆ ‘ਤੇ ਪੋਸਟ ਕੀਤੀ ਗਈ ਘਟਨਾ ਦੀ ਇਕ ਛੋਟੀ ਜਿਹੀ ਵੀਡੀਓ ਦੇ ਅਨੁਸਾਰ, ਦੋਵਾਂ ਦੇਸ਼ਾਂ ਦੇ ਜਹਾਜ਼ਾਂ ਵਿਚਕਾਰ ਟੱਕਰ ਸੋਮਵਾਰ ਤੜਕੇ 3:24 ਵਜੇ ਹੋਈ।
ਇਸ ਦੇ ਨਾਲ ਹੀ ਇਸ ਘਟਨਾ ‘ਤੇ ਫਿਲੀਪੀਨਜ਼ ਸੁਰੱਖਿਆ ਪ੍ਰੀਸ਼ਦ ਦੇ ਬੁਲਾਰੇ ਜੋਨਾਥਨ ਮਲਾਇਆ ਨੇ ਬਿਆਨ ਜਾਰੀ ਕਰ ਕੇ ਕਿਹਾ ਕਿ ਦੱਖਣੀ ਚੀਨ ਸਾਗਰ ‘ਚ ਆਪਣੇ ਅਧਿਕਾਰਾਂ ਦੀ ਰੱਖਿਆ ਲਈ ਮਨੀਲਾ (ਫਿਲੀਪੀਨਜ਼ ਦੀ ਰਾਜਧਾਨੀ) ਦੀ ਕਾਰਵਾਈ ਕੋਈ ਉਕਸਾਉਣ ਵਾਲੀ ਨਹੀਂ ਹੈ। ਚਾਈਨਾ ਕੋਸਟ ਗਾਰਡ ਦੇ ਬੁਲਾਰੇ ਗਾਨ ਯੂ ਦੇ ਅਨੁਸਾਰ, ਫਿਲੀਪੀਨਜ਼ ਦੇ ਦੋ ਤੱਟ ਰੱਖਿਅਕ ਜਹਾਜ਼ਾਂ ਨੇ ਸੋਮਵਾਰ ਨੂੰ ਬਿਨਾਂ ਇਜਾਜ਼ਤ ਦੇ ਸਬੀਨਾ ਸ਼ੋਲ ਦੇ ਨੇੜੇ ਪਾਣੀ ਵਿੱਚ ਗੈਰ-ਕਾਨੂੰਨੀ ਤੌਰ ‘ਤੇ ਘੁਸਪੈਠ ਕੀਤੀ। ਉਨ੍ਹਾਂ ਕਿਹਾ ਕਿ ਸਾਡੇ ਸੈਨਿਕਾਂ ਨੇ ਵਿਰੋਧੀ ਜਹਾਜ਼ ਨੂੰ ਰੋਕਣ ਦੀ ਚਿਤਾਵਨੀ ਦਿੱਤੀ ਸੀ। ਗਾਣ ਨੇ ਕਿਹਾ”ਫਿਲੀਪੀਨਜ਼ ਨੇ ਵਾਰ-ਵਾਰ ਸਾਨੂੰ ਉਕਸਾਇਆ ਹੈ ਅਤੇ ਮੁਸੀਬਤ ਪੈਦਾ ਕੀਤੀ ਹੈ। ਚੀਨ ਅਤੇ ਫਿਲੀਪੀਨਜ਼ ਵਿਚਕਾਰ ਅਸਥਾਈ ਵਿਵਸਥਾ ਦੀ ਉਲੰਘਣਾ ਕੀਤੀ ਗਈ ਹੈ।
ਇਸ ਦੇ ਨਾਲ ਹੀ, ਚੀਨ ਦੇ ਤੱਟ ਰੱਖਿਅਕ ਨੇ ਕਿਹਾ ਕਿ ਉਨ੍ਹਾਂ ਨੇ ਇਸ ਘਟਨਾ ਨੂੰ ਲੈ ਕੇ ਕਾਨੂੰਨ ਦੇ ਅਨੁਸਾਰ ਫਿਲੀਪੀਨਜ਼ ਦੇ ਜਹਾਜ਼ਾਂ ਦੇ ਖਿਲਾਫ ਨਿਯੰਤਰਣ ਉਪਾਅ ਕੀਤੇ ਹਨ। ਨਾਲ ਹੀ ਫਿਲੀਪੀਨਜ਼ ਨੂੰ ਆਪਣੀ ਉਲੰਘਣਾ ਅਤੇ ਭੜਕਾਹਟ ਨੂੰ ਤੁਰੰਤ ਬੰਦ ਕਰਨ ਲਈ ਨਤੀਜਿਆਂ ਦੀ ਚੇਤਾਵਨੀ ਦਿੱਤੀ ਹੈ।
