ਵਾਸ਼ਿੰਗਟਨ (ਸਾਹਿਬ)— ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਇਕ ਵਾਰ ਫਿਰ ਆਪਣੇ ਬਿਆਨ ਨੂੰ ਲੈ ਕੇ ਸੁਰਖੀਆਂ ਵਿਚ ਹਨ। ਟਰੰਪ ਨੇ ਕਿਹਾ ਕਿ ਜੇਕਰ ਉਹ 2024 ਦੀਆਂ ਚੋਣਾਂ ਤੋਂ ਬਾਅਦ ਵ੍ਹਾਈਟ ਹਾਊਸ ਵਾਪਸ ਆਉਂਦੇ ਹਨ ਤਾਂ ਉਹ 6 ਜਨਵਰੀ ਨੂੰ ਕੈਪੀਟਲ (ਸੰਸਦ ਸਦਨ) ਦੇ ਦੰਗਾਕਾਰੀਆਂ ਨੂੰ ਮੁਆਫੀ ਦੇਣ ਦੀ ਸੰਭਾਵਨਾ ‘ਤੇ ਵਿਚਾਰ ਕਰ ਸਕਦੇ ਹਨ।
- ਟਰੰਪ ਨੇ ਕਿਹਾ, ‘ਬਹੁਤ ਸਾਰੇ ਲੋਕ ਮੈਨੂੰ ਇਸ ਬਾਰੇ ਪੁੱਛ ਰਹੇ ਹਨ, (ਹਾਂ) ਜੇਕਰ ਮੈਂ (2024 ਦੀ ਰਾਸ਼ਟਰਪਤੀ ਚੋਣ) ਲੜਦਾ ਹਾਂ ਅਤੇ ਜਿੱਤਦਾ ਹਾਂ ਤਾਂ ਅਸੀਂ 6 ਜਨਵਰੀ ਦੇ ਦੋਸ਼ੀਆਂ ਨਾਲ ਸਹੀ ਵਿਵਹਾਰ ਕਰਾਂਗੇ।’ ਟਰੰਪ ਨੇ ਕਿਹਾ, ‘ਅਸੀਂ ਉਨ੍ਹਾਂ ਨਾਲ ਨਿਰਪੱਖ ਵਿਵਹਾਰ ਕਰਾਂਗੇ। ਜੇਕਰ ਮੁਆਫੀ ਦੇਣ ਦੀ ਲੋੜ ਪਈ ਤਾਂ ਦੇਵਾਂਗੇ। ਕਿਉਂਕਿ ਉਨ੍ਹਾਂ ਲੋਕਾਂ ਨਾਲ ਬਹੁਤ ਬੇਇਨਸਾਫੀ ਕੀਤੀ ਜਾ ਰਹੀ ਹੈ।
- ਦੱਸ ਦੇਈਏ ਕਿ ਇਸ ਮਾਮਲੇ ਵਿੱਚ ਪੁਲਿਸ ਨੇ 1350 ਤੋਂ ਵੱਧ ਲੋਕਾਂ ਨੂੰ ਗ੍ਰਿਫ਼ਤਾਰ ਕਰਕੇ ਮੁਲਜ਼ਮ ਬਣਾਇਆ ਹੈ। ਅਮਰੀਕੀ ਨਿਆਂ ਪ੍ਰਣਾਲੀ ਦੇ ਇਤਿਹਾਸ ਦੀ ਸਭ ਤੋਂ ਵੱਡੀ ਜਾਂਚ ਦੰਗਿਆਂ ਤੋਂ ਬਾਅਦ ਸ਼ੁਰੂ ਕੀਤੀ ਗਈ ਸੀ। ਇਸ ਮਾਮਲੇ ਵਿੱਚ ਪੁਲਿਸ ਅਧਿਕਾਰੀਆਂ ਨੂੰ ਜਾਣਬੁੱਝ ਕੇ ਜ਼ਖਮੀ ਕਰਨ ਤੋਂ ਲੈ ਕੇ ਸਾਜ਼ਿਸ਼ ਰਚਣ ਅਤੇ ਦੇਸ਼ਧ੍ਰੋਹ ਤੱਕ ਦੇ ਦੋਸ਼ ਲਗਾਏ ਗਏ ਹਨ।
