ਪਿੰਡ ਬੱਦੋਵਾਲ ਦੇ ਘਰ ਵਿੱਚ ਉਦੋਂ ਚੀਕ-ਚਹਾੜਾ ਪੈ ਗਿਆ, ਜਦੋ ਉਨਾਂ ਦਾ 3 ਸਾਲਾਂ ਮੁੰਡਾ ਦੁੱਧ ਦੀ ਕੜਾਹੀ ਵਿੱਚ ਡਿੱਗ ਗਿਆ ਤੇ ਉਸ ਦੀ ਮੌਤ ਹੋ ਗਈ| ਏ.ਐਸ.ਆਈ ਸਤਪਾਲ ਸਿੰਘ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਗੁਰਜੰਟ ਸਿੰਘ ਪੁੱਤਰ ਗੁਰਜੀਤ ਸਿੰਘ ਆਪਣੇ ਘਰ ਅੰਦਰ 10 ਤੋਂ 15 ਕਿਲੋ ਦੁੱਧ ਦਾ ਖੋਆ ਬਣਾ ਰਿਹਾ ਸੀ|
ਉਸਦੇ ਕੋਲ ਹੀ ਉਸਦਾ 3 ਸਾਲ ਦਾ ਮੁੰਡਾ ਫਰਜੰਦ ਕੁਲਤੇਜ਼ ਸਿੰਘ ਖੇਡ ਰਿਹਾ ਸੀ| ਅਚਾਨਕ ਗੁਰਜੰਟ ਸਿੰਘ ਕਮਰੇ ਅੰਦਰੋਂ ਕੁੱਝ ਚੁੱਕਣ ਗਿਆ ਤੇ ਐਨੀ ਦੇਰ ਚ ਹੈ ਇਹ ਭਿਆਨਕ ਘਟਨਾ ਘੱਟ ਗਈ| ਉਸ ਦਾ ਮਾਸੂਮ ਮੁੰਡਾ ਦੁੱਧ ਦੀ ਗਰਮ ਕੜਾਹੀ ਵਿੱਚ ਡਿੱਗ ਗਿਆ| ਜਦੋ ਉਹ ਭੱਜ ਕੇ ਆਇਆ ਉਦੋਂ ਤਕ ਬਹੁਤ ਦੇਰ ਹੋ ਗਈ ਸੀ| ਇਸ ਦੁਰਘਟਨਾ ਦੇ ਨਾਲ ਬੱਦੋਵਾਲ ਵਿੱਚ ਮਾਤਮ ਛਾ ਗਿਆ| ਬੱਚੇ ਦੀ ਮੌਤ ਤੋਂ ਬਾਅਦ ਘਰਦਿਆਂ ਦਾ ਰੌ-ਰੌ ਕੇ ਬੁਰਾ ਹਾਲ ਹੋ ਗਿਆ|
