ਭਾਰਤ ਦੀ ਟੈਨਿਸ ਸਟਾਰ ਸਾਨੀਆ ਮਿਰਜ਼ਾ ਦੁਬਈ ਟੈਨਿਸ ਚੈਂਪੀਅਨਸ਼ਿਪ ਦੇ ਪਹਿਲੇ ਦੌਰ ‘ਚ ਹਾਰ ਕੇ ਆਪਣੇ ਕਰੀਅਰ ਦੇ ਆਖਰੀ ਟੂਰਨਾਮੈਂਟ ਤੋਂ ਬਾਹਰ ਹੋ ਗਈ ਹੈ।ਸਾਨੀਆਂ ਮਿਰਜ਼ਾ ਅਤੇ ਉਸ ਦੀ ਅਮਰੀਕੀ ਜੋੜੀਦਾਰ ਮੈਡੀਸਨ ਕੀਜ਼ ਨੂੰ ਮੰਗਲਵਾਰ ਨੂੰ ਦੁਬਈ ਵਿੱਚ ਰੂਸ ਦੀ ਵੇਰੋਨਿਕਾ ਕੁਡਰਮਾਟੋਵਾ ਅਤੇ ਲਿਊਡਮਿਲਾ ਸੈਮਸੋਨੋਵਾ ਨੇ ਹਰਾਇਆ| 36 ਸਾਲਾ ਸਾਨੀਆ ਮਿਰਜ਼ਾ ਨੇ ਇੱਕ ਮਹੀਨਾ ਪਹਿਲਾਂ ਸੰਨਿਆਸ ਲੈਣ ਦਾ ਐਲਾਨ ਕਰਦਿਆਂ ਕਿਹਾ ਸੀ ਕਿ ਉਹ ਆਪਣੇ ਕਰੀਅਰ ਦਾ ਆਖਰੀ ਮੈਚ ਦੁਬਈ ਵਿੱਚ ਖੇਡੇਗੀ।
ਭਾਰਤ ਦੀ ਟੈਨਿਸ ਸਨਸਨੀ ਕਹੀ ਜਾਣ ਵਾਲੀ ਸਾਨੀਆ ਮਿਰਜ਼ਾ ਨੇ ਆਪਣੇ ਕਰੀਅਰ ‘ਚ 6 ਗ੍ਰੈਂਡ ਸਲੈਮ ਖਿਤਾਬ ਜਿੱਤੇ ਹਨ। ਇਨ੍ਹਾਂ ਵਿੱਚੋਂ 3 ਮਹਿਲਾ ਡਬਲਜ਼ ਅਤੇ 3 ਮਿਕਸਡ ਡਬਲਜ਼ ਵਰਗ ਵਿੱਚ ਆਈਆਂ ਹਨ। ਸਾਨੀਆ ਨੇ ਆਖਰੀ ਗਰੈਂਡ ਸਲੈਮ 2016 ਵਿੱਚ ਜਿੱਤਿਆ ਸੀ।
ਸਾਨੀਆ ਪਿਛਲੇ ਮਹੀਨੇ ਖੇਡੇ ਗਏ ਸਾਲ ਦੇ ਪਹਿਲੇ ਗ੍ਰੈਂਡ ਸਲੈਮ ਆਸਟ੍ਰੇਲੀਅਨ ਓਪਨ ਦੇ ਮਿਕਸਡ ਡਬਲਜ਼ ਵਰਗ ਵਿੱਚ ਉਪ ਜੇਤੂ ਰਹੀ ਸੀ। ਉਨ੍ਹਾਂ ਦੀ ਜੋੜੀ ਰੋਹਨ ਬੋਪੰਨਾ ਨਾਲ ਸੀ। ਬੋਪੰਨਾ-ਮਿਰਜ਼ਾ ਦੀ ਭਾਰਤੀ ਜੋੜੀ ਲੁਈਸਾ ਸਟੇਫਨੀ ਅਤੇ ਰਾਫੇਲ ਮਾਟੋਸ ਦੀ ਬ੍ਰਾਜ਼ੀਲ ਦੀ ਜੋੜੀ ਤੋਂ 7-6, 6-2 ਨਾਲ ਹਾਰ ਗਈ।
ਸਾਨੀਆ ਮਿਰਜ਼ਾ ਪਹਿਲਾਂ ਹੀ ਸੰਨਿਆਸ ਲੈਣ ਦਾ ਐਲਾਨ ਕਰ ਚੁੱਕੀ ਹੈ। ਸਾਲ ਦੀ ਸ਼ੁਰੂਆਤ ‘ਚ ਉਸ ਨੇ ਟੈਨਿਸ ਵੈੱਬਸਾਈਟ ਨੂੰ ਦਿੱਤੇ ਇੰਟਰਵਿਊ ‘ਚ ਕਿਹਾ ਸੀ ਕਿ 19 ਫਰਵਰੀ ਤੋਂ ਦੁਬਈ ‘ਚ ਹੋਣ ਵਾਲਾ WTA 1000 ਈਵੈਂਟ ਉਸ ਦਾ ਆਖਰੀ ਟੂਰਨਾਮੈਂਟ ਹੋਵੇਗਾ। ਇਸ ਤੋਂ ਬਾਅਦ ਉਹ ਰਿਟਾਇਰ ਹੋ ਜਾਵੇਗੀ।
ਫਾਈਨਲ ਮੈਚ ਤੋਂ ਬਾਅਦ ਜਦੋਂ ਸਾਨੀਆ ਨੂੰ ਮੈਲਬੌਰਨ ਦੇ ਰਾਡ ਲੇਵਰ ਏਰੀਨਾ ‘ਚ ਭਾਸ਼ਣ ਲਈ ਬੁਲਾਇਆ ਗਿਆ ਤਾਂ ਉਹ ਰੋ ਪਈ। ਉਸਨੇ ਕਿਹਾ – ਇਹ ਖੁਸ਼ੀ ਦੇ ਹੰਝੂ ਹਨ। 18 ਸਾਲ ਪਹਿਲਾਂ ਮੈਲਬੌਰਨ ‘ਚ ਕਰੀਅਰ ਦੀ ਸ਼ੁਰੂਆਤ ਹੋਈ ਸੀ, ਇਸ ਨੂੰ ਖਤਮ ਕਰਨ ਲਈ ਮੈਲਬੌਰਨ ਤੋਂ ਬਿਹਤਰ ਕੋਈ ਜਗ੍ਹਾ ਨਹੀਂ ਹੋ ਸਕਦੀ ਸੀ |
ਸਾਨੀਆ ਮਿਰਜ਼ਾ ਨੇ ਸਾਥੀ ਖਿਡਾਰੀ ਰੋਹਨ ਬੋਪੰਨਾ ਦਾ ਵੀ ਧੰਨਵਾਦ ਕੀਤਾ। ਉਸ ਨੇ ਕਿਹਾ ਕਿ 14 ਸਾਲ ਦੀ ਉਮਰ ਵਿੱਚ ਉਸ ਦਾ ਪਹਿਲਾ ਮਿਕਸਡ ਡਬਲਜ਼ ਸਾਥੀ ਬੋਪੰਨਾ ਸੀ। ਫਿਨਾਲੇ ਦੌਰਾਨ ਉਨ੍ਹਾਂ ਦੇ ਪਰਿਵਾਰ ਅਤੇ ਬੱਚੇ ਵੀ ਮੌਜੂਦ ਸਨ। ਸਾਨੀਆ ਨੂੰ ਕਿਹਾ- ਤੁਸੀਂ ਆਪਣੀ ਖੇਡ ਨਾਲ ਇੰਨੇ ਸਾਲਾਂ ਤੱਕ ਦੇਸ਼ ਅਤੇ ਦੁਨੀਆ ਦੇ ਲੋਕਾਂ ਨੂੰ ਪ੍ਰੇਰਿਤ ਕਰਨ ਦਾ ਕੰਮ ਕੀਤਾ ਹੈ। ਇਸ ਲਈ ਤੁਹਾਡਾ ਧੰਨਵਾਦ ਕਰਦਾ ਹੈ|
