ਨਵੀਂ ਦਿੱਲੀ (ਕਿਰਨ) : ਪੱਛਮੀ ਬੰਗਾਲ ‘ਚ ਬੰਦ ਦੌਰਾਨ ਹਿੰਸਾ ਦੀਆਂ ਘਟਨਾਵਾਂ ਸਾਹਮਣੇ ਆ ਰਹੀਆਂ ਹਨ। ਭਾਜਪਾ ਨੇ ਅੱਜ ਬੰਗਾਲ ਬੰਦ ਦਾ ਸੱਦਾ ਦਿੱਤਾ ਹੈ। ਬੰਦ ਦੌਰਾਨ ਭਾਜਪਾ ਅਤੇ ਟੀਐਮਸੀ ਵਰਕਰਾਂ ਵਿਚਾਲੇ ਝੜਪ ਦੀਆਂ ਖ਼ਬਰਾਂ ਹਨ। ਦੂਜੇ ਪਾਸੇ ਭਟਪਾੜਾ ‘ਚ ਭਾਜਪਾ ਨੇਤਾ ‘ਤੇ ਗੋਲੀਬਾਰੀ ਹੋਈ ਹੈ। ਹਮਲੇ ‘ਚ ਦੋ ਲੋਕ ਜ਼ਖਮੀ ਹੋਏ ਹਨ। ਭਾਜਪਾ ਆਗੂ ਅਰਜੁਨ ਸਿੰਘ ਨੇ ਦੋਸ਼ ਲਾਇਆ ਕਿ ਸਾਡੀ ਪਾਰਟੀ ਦੇ ਆਗੂ ਪ੍ਰਿਅੰਗੂ ਪਾਂਡੇ ਦੀ ਕਾਰ ’ਤੇ ਹਮਲਾ ਕੀਤਾ ਗਿਆ। ਉਸ ‘ਤੇ ਸੱਤ ਰਾਉਂਡ ਗੋਲੀਆਂ ਚਲਾਈਆਂ ਗਈਆਂ। ਹਮਲੇ ‘ਚ ਦੋ ਲੋਕ ਜ਼ਖਮੀ ਹੋਏ ਹਨ। ਕਾਰ ਚਾਲਕ ਵੀ ਜ਼ਖਮੀ ਹੈ।
ਇਹ ਸਾਰਾ ਕੁਝ ਏਸੀਪੀ ਦੀ ਮੌਜੂਦਗੀ ਵਿੱਚ ਹੋਇਆ। ਉਨ੍ਹਾਂ ਕਿਹਾ ਕਿ ਪ੍ਰਿਅੰਗੂ ਦੇ ਕਤਲ ਦੀ ਸਾਜ਼ਿਸ਼ ਰਚੀ ਗਈ ਸੀ। ਟੀਐਮਸੀ ਕੋਲ ਕੋਈ ਮੁੱਦਾ ਨਹੀਂ ਬਚਿਆ ਹੈ, ਇਸ ਲਈ ਉਹ ਇਸ ਤਰ੍ਹਾਂ ਦੀਆਂ ਗੱਲਾਂ ਕਰ ਰਹੇ ਹਨ। ਪ੍ਰਿਆਂਗੂ ਨੇ ਦੱਸਿਆ ਕਿ ਮੈਂ ਅਰਜਨ ਸਿੰਘ ਦੇ ਘਰ ਜਾ ਰਿਹਾ ਸੀ। ਅਸੀਂ ਕੁਝ ਦੂਰ ਅੱਗੇ ਵਧੇ ਤਾਂ ਭਾਟਪਾੜਾ ਵਿਖੇ ਸੜਕ ਜਾਮ ਹੋ ਗਈ। ਜਿਵੇਂ ਹੀ ਸਾਡੀ ਕਾਰ ਰੁਕੀ ਤਾਂ ਕਰੀਬ 50-60 ਲੋਕਾਂ ਨੇ ਕਾਰ ਨੂੰ ਨਿਸ਼ਾਨਾ ਬਣਾਇਆ। ਮੇਰੀ ਕਾਰ ‘ਤੇ 7 ਤੋਂ 8 ਬੰਬ ਸੁੱਟੇ ਗਏ ਅਤੇ ਫਿਰ 6-7 ਰਾਉਂਡ ਫਾਇਰ ਕੀਤੇ ਗਏ। ਇਹ ਟੀਐਮਸੀ ਅਤੇ ਪੁਲਿਸ ਦੀ ਸਾਂਝੀ ਸਾਜ਼ਿਸ਼ ਹੈ, ਉਨ੍ਹਾਂ ਨੇ ਮੇਰੇ ਕਤਲ ਦੀ ਯੋਜਨਾ ਬਣਾਈ ਸੀ।
ਬੰਗਾਲ ਬੰਦ ਦਾ ਅਸਰ ਸਿਲੀਗੁੜੀ ‘ਚ ਵੀ ਦੇਖਣ ਨੂੰ ਮਿਲ ਰਿਹਾ ਹੈ। ਸ਼ਹਿਰ ਦੇ ਆਲੇ-ਦੁਆਲੇ ਦੇ ਸਾਰੇ ਬਾਜ਼ਾਰ ਅਤੇ ਦੁਕਾਨਾਂ ਬੰਦ ਹਨ। ਚਾਹ ਅਤੇ ਸੁਪਾਰੀ ਦੀਆਂ ਕੁਝ ਦੁਕਾਨਾਂ ਹੀ ਖੁੱਲ੍ਹੀਆਂ ਹਨ। ਇਸ ਦੇ ਨਾਲ ਹੀ ਸੜਕਾਂ ‘ਤੇ ਵਾਹਨਾਂ ਦੀ ਆਵਾਜਾਈ ਵੀ ਆਮ ਦਿਨਾਂ ਦੇ ਮੁਕਾਬਲੇ ਕਾਫੀ ਘੱਟ ਹੈ। ਇਸ ਤੋਂ ਇਲਾਵਾ ਸਕੂਲ, ਕਾਲਜ ਅਤੇ ਹੋਰ ਵਿੱਦਿਅਕ ਅਦਾਰੇ ਵੀ ਲਗਭਗ ਬੰਦ ਹਨ।
