ਤਾਈਪੇ (ਰਾਘਵ) : ਨਰਿੰਦਰ ਮੋਦੀ ਦੀ ਅਗਵਾਈ ‘ਚ ਦੇਸ਼ ‘ਚ ਤੀਜੀ ਵਾਰ ਐੱਨ.ਡੀ.ਏ. ਦੀ ਸਰਕਾਰ ਬਣੀ ਹੈ। ਤੀਜੀ ਵਾਰ ਪ੍ਰਧਾਨ ਮੰਤਰੀ ਬਣਨ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਤਾਈਵਾਨ ਦੇ ਰਾਸ਼ਟਰਪਤੀ ਲਾਈ ਚਿੰਗ ਤੇ ਨਾਲ ਗੱਲਬਾਤ ਕੀਤੀ। ਲਾਈ ਚਿੰਗ ਤੇ ਨੇ ਪੀਐਮ ਮੋਦੀ ਨੂੰ ਤੀਜੀ ਵਾਰ ਪ੍ਰਧਾਨ ਮੰਤਰੀ ਬਣਨ ‘ਤੇ ਵਧਾਈ ਦਿੱਤੀ। ਹਾਲਾਂਕਿ, ਤਾਇਵਾਨ ਅਤੇ ਭਾਰਤ ਦੇ ਰਾਜ ਮੁਖੀਆਂ ਦੀ ਗੱਲਬਾਤ ਨੇ ਚੀਨ ਨੂੰ ਨਾਰਾਜ਼ ਕੀਤਾ ਹੈ। ਚੀਨੀ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਮਾਓ ਨਿੰਗ ਨੇ ਪੀਐਮ ਮੋਦੀ ਅਤੇ ਲਾਈ ਚਿੰਗ ਟੇ ਵਿਚਕਾਰ ਗੱਲਬਾਤ ‘ਤੇ ਪੁੱਛੇ ਗਏ ਸਵਾਲ ਦਾ ਜਵਾਬ ਦਿੰਦੇ ਹੋਏ ਕਿਹਾ, “ਸਭ ਤੋਂ ਪਹਿਲਾਂ, ਤਾਇਵਾਨ ਖੇਤਰ ‘ਚ ਰਾਸ਼ਟਰਪਤੀ ਦੇ ਰੂਪ ‘ਚ ਅਜਿਹੀ ਕੋਈ ਚੀਜ਼ (ਅਹੁਦਾ) ਨਹੀਂ ਹੈ। ਚੀਨ ਤਾਈਵਾਨੀ ਅਧਿਕਾਰੀਆਂ ਅਤੇ ਚੀਨ ਨਾਲ ਕੂਟਨੀਤਕ ਸਬੰਧ ਰੱਖਣ ਵਾਲੇ ਦੇਸ਼ਾਂ ਵਿਚਕਾਰ ਸਾਰੀਆਂ ਅਧਿਕਾਰਤ ਗੱਲਬਾਤ ਦਾ ਵਿਰੋਧ ਕਰਦਾ ਹੈ।
ਤਾਈਵਾਨ ਦੇ ਰਾਸ਼ਟਰਪਤੀ ਲਾਈ ਉਨ੍ਹਾਂ ਵਿਸ਼ਵ ਨੇਤਾਵਾਂ ‘ਚ ਸ਼ਾਮਲ ਸਨ, ਜਿਨ੍ਹਾਂ ਨੇ ਮੋਦੀ ਨੂੰ ਤੀਜਾ ਕਾਰਜਕਾਲ ਮਿਲਣ ‘ਤੇ ਵਧਾਈ ਦਿੱਤੀ। ਲਾਈ ਨੂੰ ਪਿਛਲੇ ਮਹੀਨੇ ਹੀ ਤਾਈਵਾਨ ਦਾ ਰਾਸ਼ਟਰਪਤੀ ਚੁਣਿਆ ਗਿਆ ਸੀ। ਉਨ੍ਹਾਂ ਨੇ ‘ਐਕਸ’ ‘ਤੇ ਇਕ ਪੋਸਟ ‘ਚ ਕਿਹਾ ਸੀ, ”ਚੋਣਾਂ ‘ਚ ਜਿੱਤ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਮੇਰੀ ਹਾਰਦਿਕ ਵਧਾਈ। ਇਸ ਦੇ ਜਵਾਬ ‘ਚ ਮੋਦੀ ਨੇ ‘ਐਕਸ’ ‘ਤੇ ਲਿਖਿਆ, ”ਚਿੰਗ ਤੇ ਲਾਈ, ਤੁਹਾਡੇ ਨਿੱਘੇ ਸੰਦੇਸ਼ ਲਈ ਧੰਨਵਾਦ।
ਚੀਨ ਦੇ ਇਨ੍ਹਾਂ ਬਿਆਨਾਂ ‘ਤੇ ਤਾਈਵਾਨ ਨੇ ਸਖਤ ਪ੍ਰਤੀਕਿਰਿਆ ਦਿੱਤੀ ਹੈ। ਤਾਈਵਾਨ ਦੇ ਉਪ ਵਿਦੇਸ਼ ਮੰਤਰੀ ਤਿਏਨ ਚੁੰਗ-ਕਵਾਂਗ ਨੇ ਚੀਨ ਦੇ ਬਿਆਨ ਦੀ ਨਿੰਦਾ ਕਰਦੇ ਹੋਏ ਕਿਹਾ, “ਮੈਨੂੰ ਲੱਗਦਾ ਹੈ ਕਿ ਮੋਦੀ ਜੀ ਅਤੇ ਸਾਡੇ ਰਾਸ਼ਟਰਪਤੀ ਇਹਨਾਂ ਚੀਜਾਂ ਤੋਂ ਡਰਨ ਵਾਲੇ ਨਹੀਂ ।
 : ਨਰਿੰਦਰ ਮੋਦੀ ਦੀ ਅਗਵਾਈ 'ਚ ਦੇਸ਼ 'ਚ ਤੀਜੀ ਵਾਰ ਐੱਨ.ਡੀ.ਏ. ਦੀ ਸਰਕਾਰ ਬਣੀ ਹੈ। ਤੀਜੀ ਵਾਰ ਪ੍ਰਧਾਨ ਮੰਤਰੀ ਬਣਨ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਤਾਈਵਾਨ ਦੇ ਰਾਸ਼ਟਰਪਤੀ ਲਾਈ ਚਿੰਗ ਤੇ ਨਾਲ ਗੱਲਬਾਤ ਕੀਤੀ।){kind=link}