ਵੀਰਵਾਰ ਨੂੰ ਉਜੈਨ ਦੇ ਮਹਾਕਾਲ ਮੰਦਰ ‘ਚ ਬੁਰਕਾ ਪਾ ਕੇ ਪਹੁੰਚੀ ਇਕ ਔਰਤ ਨੂੰ ਦੇਖ ਕੇ ਹੜਕੰਪ ਮਚ ਗਿਆ। ਬਾਬਾ ਮਹਾਕਾਲ ਦੇ ਦਰਸ਼ਨਾਂ ਲਈ ਲਾਈਨ ਵਿੱਚ ਖੜ੍ਹੇ ਸ਼ਰਧਾਲੂ ਵੀ ਔਰਤ ਨੂੰ ਦੇਖ ਕੇ ਹੈਰਾਨ ਰਹਿ ਗਏ। ਇਸ ਦੌਰਾਨ ਮੰਦਰ ‘ਚ ਤਾਇਨਾਤ ਸੁਰੱਖਿਆ ਕਰਮੀਆਂ ਦੀ ਨਜ਼ਰ ਔਰਤ ‘ਤੇ ਪਈ ਅਤੇ ਉਨ੍ਹਾਂ ਨੇ ਔਰਤ ਨੂੰ ਰੋਕ ਲਿਆ।
ਬੁਰਕੇ ‘ਚ ਬਾਬਾ ਮਹਾਕਾਲ ਦੇ ਦਰਸ਼ਨ ਕਰਨ ਲਈ ਮੰਦਰ ‘ਚ ਆਈ ਔਰਤ ਬਾਰੇ ਮੰਦਰ ਪ੍ਰਸ਼ਾਸਨ ਨੂੰ ਸੂਚਨਾ ਦਿੱਤੀ ਗਈ। ਔਰਤ ਤੋਂ ਪੁੱਛਗਿੱਛ ਕਰਨ ਤੋਂ ਬਾਅਦ ਜਦੋਂ ਅਸਲੀਅਤ ਸਾਹਮਣੇ ਆਈ ਤਾਂ ਕਮੇਟੀ ਨੇ ਉਸ ਨੂੰ ਦਰਸ਼ਨ ਕਰਨ ਦੀ ਇਜਾਜ਼ਤ ਦੇ ਦਿੱਤੀ, ਜਿਸ ਤੋਂ ਬਾਅਦ ਔਰਤ ਬਾਬਾ ਮਹਾਕਾਲ ਦੇ ਦਰਸ਼ਨ ਕਰ ਸਕੀ।
ਜਾਣਕਾਰੀ ਮੁਤਾਬਕ ਬੁਰਕੇ ‘ਚ ਮਹਾਕਾਲ ਮੰਦਿਰ ‘ਚ ਆਈ ਮਹਿਲਾ ਮੁਸਲਿਮ ਨਹੀਂ ਸੀ। ਉਹ ਰਾਜਸਥਾਨ ਦੇ ਭੀਲਵਾੜਾ ਤੋਂ ਮੰਦਰ ਦੇ ਦਰਸ਼ਨਾਂ ਲਈ ਆਈ ਸੀ। ਮਹਿਲਾ ਦਾ ਨਾਂ ਲਕਸ਼ਮੀ ਹੈ, ਜੋ ਆਪਣੀ ਮਾਂ ਅਤੇ ਪਿਤਾ ਦਲਚੰਦ ਨਾਲ ਮੰਦਰ ਪਹੁੰਚੀ ਸੀ। ਪੁਲਸ ਨੇ ਮਹਾਕਾਲ ਮੰਦਰ ‘ਚ ਦਰਸ਼ਨ ਕਰਨ ਤੋਂ ਪਹਿਲਾਂ ਉਸ ਤੋਂ ਪੂਰੀ ਜਾਣਕਾਰੀ ਲਈ।
ਔਰਤ ਦੇ ਪਰਿਵਾਰਕ ਮੈਂਬਰਾਂ ਅਨੁਸਾਰ ਉਹ ਮਾਨਸਿਕ ਤੌਰ ‘ਤੇ ਕਮਜ਼ੋਰ ਹੈ ਅਤੇ ਪਿਛਲੇ ਕਾਫੀ ਸਮੇਂ ਤੋਂ ਪਰਿਵਾਰ ਵਾਲਿਆਂ ਨੂੰ ਬੁਰਕੇ ਪਾ ਕੇ ਮਹਾਕਾਲ ਮੰਦਰ ‘ਚ ਆਉਣ ਲਈ ਜ਼ੋਰ ਪਾ ਰਹੀ ਸੀ। ਉਸ ਦੀ ਇੱਛਾ ਪੂਰੀ ਕਰਨ ਲਈ ਪਰਿਵਾਰ ਵਾਲੇ ਉਸ ਨੂੰ ਮੰਦਰ ਲੈ ਗਏ। ਇਸ ਦੇ ਨਾਲ ਹੀ ਜਦੋਂ ਪੁਲਸ ਨੇ ਔਰਤ ਤੋਂ ਬੁਰਕੇ ‘ਚ ਮੰਦਰ ਆਉਣ ਦਾ ਕਾਰਨ ਪੁੱਛਿਆ ਤਾਂ ਉਸ ਨੇ ਦੱਸਿਆ ਕਿ ਉਹ ਜੀਨ ਦੇ ਕਹਿਣ ‘ਤੇ ਬੁਰਕਾ ਪਾ ਕੇ ਮੰਦਰ ਆਈ ਸੀ।
