ਪੱਤਰ ਪ੍ਰੇਰਕ : ਪੰਜਾਬ ਸਕੂਲ ਸਿੱਖਿਆ ਬੋਰਡ ਨੇ ਅੱਠਵੀਂ ਜਮਾਤ ਦੀ ਪ੍ਰੀਖਿਆ ਦਾ ਨਤੀਜਾ ਐਲਾਨ ਦਿੱਤਾ ਹੈ। ਇਨ੍ਹਾਂ ਨਤੀਜਿਆਂ ਵਿੱਚ ਕੁੜੀਆਂ ਨੇ ਇੱਕ ਵਾਰ ਫਿਰ ਜਿੱਤ ਦਰਜ ਕੀਤੀ ਹੈ। ਇਸ ਵਾਰ 98.83% ਲੜਕੀਆਂ ਅਤੇ 97.84% ਲੜਕੇ ਪਾਸ ਹੋਏ ਹਨ।
ਐਲਾਨੇ ਨਤੀਜੇ ਅਨੁਸਾਰ 8ਵੀਂ, ਬਠਿੰਡਾ ਦੀ ਹਰਨੂਰਪ੍ਰੀਤ ਕੌਰ ਨੇ 100 ਫੀਸਦੀ ਅੰਕ ਲੈ ਕੇ ਪਹਿਲਾ ਸਥਾਨ ਹਾਸਲ ਕੀਤਾ ਹੈ। ਗੁਰਲੀਨ ਕੌਰ, ਅੰਮ੍ਰਿਤਸਰ 99.67% ਅੰਕ ਲੈ ਕੇ ਦੂਜੇ ਅਤੇ ਅਰਮਾਨਦੀਪ ਸਿੰਘ, ਸੰਗਰੂਰ 99.50% ਅੰਕ ਲੈ ਕੇ ਤੀਜੇ ਸਥਾਨ ‘ਤੇ ਰਿਹਾ। ਬੋਰਡ ਵੱਲੋਂ ਅੱਜ ਮੈਰਿਟ ਸੂਚੀ ਜਾਰੀ ਕਰ ਦਿੱਤੀ ਗਈ ਹੈ ਅਤੇ ਹੋਰ ਨਤੀਜੇ 1 ਮਈ ਨੂੰ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੀ ਵੈੱਬਸਾਈਟ http://pseb.ac.in/ ‘ਤੇ ਉਪਲਬਧ ਹੋਣਗੇ।
