ਮਾਸਕੋ (ਸਾਹਿਬ): ਜਰਮਨ-ਅਮਰੀਕੀ ਅਰਬਪਤੀ ਕਾਰਲ-ਏਰੀਵਨ ਹੌਬ, ਜੋ 4 ਸਾਲਾਂ ਦੀ ਲੰਬੀ ਖੋਜ ਦੇ ਬਾਅਦ ਲਾਪਤਾ ਹੋ ਗਿਆ ਸੀ, ਨੂੰ ਹਾਲ ਹੀ ਵਿੱਚ ਰੂਸ ਵਿੱਚ ਵੇਖਿਆ ਗਿਆ ਹੈ। ਹੌਬ ਨੂੰ ਆਖਰੀ ਵਾਰ ਅਪ੍ਰੈਲ 2018 ਵਿੱਚ ਸਵਿਟਜ਼ਰਲੈਂਡ ਦੇ ਜ਼ਰਮੈਟ ਵਿੱਚ ਦੇਖਿਆ ਗਿਆ ਸੀ, ਜਿੱਥੇ ਉਹ ਛੁੱਟੀਆਂ ਮਨਾ ਰਿਹਾ ਸੀ।
- ਜਾਣਕਾਰੀ ਮੁਤਾਬਕ ਹੌਬ ਦੇ ਲਾਪਤਾ ਹੋਣ ਤੋਂ ਬਾਅਦ, ਸਵਿਸ ਅਤੇ ਜਰਮਨ ਅਥਾਰਿਟੀਆਂ ਨੇ ਉਸਨੂੰ ਲੱਭਣ ਲਈ ਵੱਡੀ ਮੁਹਿੰਮ ਚਲਾਈ ਸੀ, ਜਿਸ ਵਿੱਚ 5 ਹੈਲੀਕਾਪਟਰ ਵੀ ਸ਼ਾਮਲ ਸਨ। ਉਸ ਦੀ ਗੁੰਮਸ਼ੁਦਗੀ ਦੇ ਦੌਰਾਨ ਵਿਸ਼ਾਲ ਖੋਜ ਮੁਹਿੰਮ ਚਲਾਈ ਗਈ, ਪਰ ਉਸ ਦਾ ਕੁਝ ਪਤਾ ਨਹੀਂ ਲੱਗਿਆ ਸੀ। ਸਾਲ 2021 ਵਿੱਚ, ਜਦੋਂ ਕੋਈ ਸੁਰਾਗ ਨਾ ਮਿਲਿਆ, ਤਾਂ ਜਰਮਨ ਦੀ ਇੱਕ ਅਦਾਲਤ ਨੇ ਹੌਬ ਨੂੰ ਕਾਨੂੰਨੀ ਤੌਰ ‘ਤੇ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ। ਹੌਬ ਟੈਂਗਲਮੈਨ ਗਰੁੱਪ ਦਾ ਮਾਲਕ ਸੀ, ਜਿਸ ਕੋਲ ਦੁਨੀਆਂ ਭਰ ਵਿੱਚ 75,000 ਕਰਮਚਾਰੀ ਹਨ।
- ਉਸ ਦੀ ਗੁਮਸ਼ੁਦਗੀ ਦੇ ਦਿਨ, ਹੌਬ ਨੇ ਆਪਣੀ ਸਹੇਲੀ ਅਰਮੀਲੋਵਾ ਨੂੰ 13 ਵਾਰ ਫੋਨ ਕਰਕੇ ਇੱਕ ਘੰਟੇ ਦੀ ਲੰਬੀ ਗੱਲਬਾਤ ਕੀਤੀ ਸੀ। ਇਸ ਗੱਲ ਨੇ ਦੋਵਾਂ ਦੇਸ਼ਾਂ ਦੀ ਸਾਂਝੀ ਜਾਂਚ ਏਜੰਸੀ ਦਾ ਧਿਆਨ ਖਿੱਚਿਆ ਅਤੇ ਜਾਂਚ ਨੇ ਰੂਸ ਦੀ ਦਿਸ਼ਾ ਵੱਲ ਮੋੜ ਦਿੱਤਾ। ਅੰਤ ਵਿੱਚ ਜਾਂਚ ਏਜੰਸੀ ਨੂੰ ਪਤਾ ਲੱਗਾ ਕਿ ਹੌਬ ਰੂਸ ਵਿੱਚ ਆਪਣੇ ਦੋਸਤ ਨਾਲ ਰਹਿ ਰਿਹਾ ਹੈ। ਸਾਲ 2008 ਵਿੱਚ ਅਰਮੀਲੋਵਾ ਨਾਲ ਮਿਲ ਕੇ ਹੌਬ ਨੇ ਇੱਕ ਸਾਜ਼ਿਸ਼ ਰਚੀ ਸੀ ਜਿਸ ਕਾਰਨ ਉਸ ਨੇ ਆਪਣੀ ਮੌਜੂਦਗੀ ਨੂੰ ਲੁਕਾ ਕੇ ਰੱਖਿਆ। ਹੁਣ ਉਹ ਰੂਸ ਦੀ ਸੁਰੱਖਿਆ ਏਜੰਸੀ FSB ਵਿੱਚ ਕੰਮ ਕਰ ਰਿਹਾ ਹੈ। ਇਸ ਤਾਜ਼ਾ ਖੁਲਾਸੇ ਨੇ ਪੁਲਿਸ ਅਤੇ ਖੋਜ ਟੀਮਾਂ ਦੀ ਜਾਂਚ ਨੂੰ ਨਵਾਂ ਮੋੜ ਦਿੱਤਾ ਹੈ।
- ਇਸ ਪੂਰੇ ਮਾਮਲੇ ਨੇ ਨਾ ਸਿਰਫ ਜਰਮਨ ਅਤੇ ਸਵਿਸ ਸਰਕਾਰਾਂ ਨੂੰ ਹੈਰਾਨ ਕੀਤਾ ਹੈ, ਬਲਕਿ ਇਸ ਨੇ ਅੰਤਰਰਾਸ਼ਟਰੀ ਜਾਂਚ ਸੰਸਥਾਵਾਂ ਨੂੰ ਵੀ ਚੌਕਸ ਕਰ ਦਿੱਤਾ ਹੈ। ਹੌਬ ਦੇ ਮਿਲਣ ਨਾਲ ਕਈ ਪੁਰਾਣੇ ਸਵਾਲਾਂ ਦੇ ਜਵਾਬ ਮਿਲ ਸਕਦੇ ਹਨ ਅਤੇ ਇਸ ਕੇਸ ਦੀ ਅਗਲੀ ਦਿਸ਼ਾ ਨੂੰ ਨਵਾਂ ਰੂਪ ਮਿਲ ਸਕਦਾ ਹੈ।
