ਨੋਇਡਾ (ਸਾਹਿਬ) : ਨੋਇਡਾ ‘ਚ ਪੁਲਸ ਨੇ ਇਕ ਫਰਜ਼ੀ ਕਾਲ ਸੈਂਟਰ ਦਾ ਪਰਦਾਫਾਸ਼ ਕੀਤਾ ਜੋ ਵਿਦੇਸ਼ੀ ਨਾਗਰਿਕਾਂ ਨੂੰ ਐਂਟੀਵਾਇਰਸ ਸਾਫਟਵੇਅਰ ਵੇਚਣ ਦੇ ਨਾਂ ‘ਤੇ ਧੋਖਾਧੜੀ ਕਰ ਰਿਹਾ ਸੀ ਅਤੇ ਸੈਂਟਰ ਤੋਂ 12 ਦੋਸ਼ੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ।
- ਪੁਲੀਸ ਨੇ ਮੁਲਜ਼ਮਾਂ ਕੋਲੋਂ ਦਰਜਨਾਂ ਡੈਸਕਟਾਪ, ਰਾਊਟਰ ਅਤੇ 2 ਸਰਵਰ ਬਰਾਮਦ ਕੀਤੇ ਹਨ। ਇਲੈਕਟ੍ਰਾਨਿਕ ਸਰਵੀਲੈਂਸ ਟੀਮ, ਮੈਨੂਅਲ ਇੰਟੈਲੀਜੈਂਸ ਅਤੇ ਗੁਪਤ ਸੂਚਨਾ ਦੇ ਆਧਾਰ ‘ਤੇ ਕਾਰਵਾਈ ਕਰਦੇ ਹੋਏ ਪੁਲਸ ਨੇ ਨੋਇਡਾ ਸੈਕਟਰ 2 ਦੇ ਸੀ-37 ਸਥਿਤ ਅਸਿਸਟਰਾ ਗਲੋਬਲ ਸਰਵਿਸਿਜ਼ ਪ੍ਰਾਈਵੇਟ ਲਿਮਟਿਡ ਦੀ ਦੂਜੀ ਮੰਜ਼ਿਲ ਤੋਂ ਮੁਲਜ਼ਮ ਨੂੰ ਗ੍ਰਿਫਤਾਰ ਕੀਤਾ। ਪੁਲਿਸ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਉਹ ਸਾਰੇ ਵਿਦੇਸ਼ੀ ਨਾਗਰਿਕਾਂ ਨੂੰ ਫੋਨ ਕਰਕੇ ਦੱਸਦੇ ਸਨ ਕਿ ਉਨ੍ਹਾਂ ਦੀ ਕੰਪਨੀ ਕੋਲ ਮੈਕਐਫੀ/ਨੌਰਟਨ ਨਾਂ ਦਾ ਐਂਟੀਵਾਇਰਸ ਸਾਫਟਵੇਅਰ ਹੈ, ਜੋ ਲੈਪਟਾਪਾਂ ਅਤੇ ਕੰਪਿਊਟਰਾਂ ਨੂੰ ਆਉਣ ਵਾਲੀਆਂ ਸਮੱਸਿਆਵਾਂ ਦਾ ਹੱਲ ਕਰਦਾ ਹੈ। ਇਹ ਲੋਕ 100 ਤੋਂ 500 ਡਾਲਰ ਪ੍ਰਤੀ ਸਲਾਨਾ ਪੈਕੇਜ ਦੇ ਹਿਸਾਬ ਨਾਲ ਇਸ ਨੂੰ ਆਫਰ ਕਰਦੇ ਸਨ।
- ਜਿਸ ਤੋਂ ਬਾਅਦ ਉਹ ਯੂ.ਐਸ.ਏ. ਕਾਲਰਾਂ ਤੋਂ ਉਨ੍ਹਾਂ ਦੀਆਂ ਈਮੇਲਾਂ ‘ਤੇ ਲਿੰਕ ਭੇਜ ਕੇ ਪੈਸੇ ਵਸੂਲਦੇ ਸਨ। ਇਸ ਕਾਲ ਸੈਂਟਰ ਨੂੰ ਮੁਲਜ਼ਮਾਂ ਵੱਲੋਂ ਬਿਨਾਂ ਕਿਸੇ ਲਾਇਸੈਂਸ ਤੋਂ ਚਲਾਇਆ ਜਾ ਰਿਹਾ ਸੀ।
