ਲੰਡਨ ‘ਚ ਬ੍ਰਿਟੇਨ ਦਾ ਪਹਿਲਾ ਜਗਨਨਾਥ ਮੰਦਰ ਬਣਨ ਵਾਲਾ ਹੈ। ਇਸ ਮੰਦਰ ਦੇ ਲਈ ਉੜੀਆ ਮੂਲ ਦੇ ਕਾਰੋਬਾਰੀ ਬਿਸ਼ਵਨਾਥ ਪਟਨਾਇਕ ਨੇ 254 ਕਰੋੜ ਰੁਪਏ ਦਾਨ ਕੀਤੇ ਹਨ। ਉਨ੍ਹਾਂ ਨੂੰ ਆਸ ਹੈ ਕਿ ਮੰਦਰ ਦੀ ਉਸਾਰੀ ਦਾ ਪਹਿਲਾ ਪੜਾਅ ਅਗਲੇ ਸਾਲ ਦੇ ਅੰਤ ਤੱਕ ਪੂਰਾ ਹੋ ਜਾਣ ਵਾਲਾ ਹੈ। ਮੰਦਿਰ ਦਾ ਨਿਰਮਾਣ ਸ਼੍ਰੀ ਜਗਨਨਾਥ ਸੋਸਾਇਟੀ (SJS) ਕਰਵਾ ਰਹੀ ਹੈ, ਜੋ ਕਿ ਇੰਗਲੈਂਡ ‘ਚ ਚੈਰਿਟੀ ਕਮਿਸ਼ਨ ਨਾਲ ਰਜਿਸਟਰਡ ਹੈ।
ਲੰਡਨ ‘ਚ ਦੇਸ਼ ਦਾ ਪਹਿਲਾ ਜਗਨਨਾਥ ਮੰਦਰ ਬਣਾਉਣ ਜਾ ਰਹੇ ਹਨ। ਫਿਨਸਟ ਗਰੁੱਪ ਦੇ ਸੰਸਥਾਪਕ ਬਿਸ਼ਵਨਾਥ ਪਟਨਾਇਕ ਅਤੇ ਕੰਪਨੀ ਦੇ ਮੈਨੇਜਿੰਗ ਡਾਇਰੈਕਟਰ ਅਰੁਣ ਕਾਰ ਮੰਦਰ ਦੀ ਉਸਾਰੀ ਲਈ ਮੁੱਖ ਦਾਨੀ ਹਨ। ਅਰੁਣ ਕਾਰ ਨੇ ਦੱਸਿਆ ਹੈ ਕਿ ਪਟਨਾਇਕ ਦੇ ਵੱਲੋ ਫਿਨਸਟ ਗਰੁੱਪ ਦੀਆਂ ਕੰਪਨੀਆਂ 254 ਕਰੋੜ ਰੁਪਏ ਦੇਣਗੇ। ਸਮੂਹ ਨੇ ਮੰਦਰ ਦੀ ਉਸਾਰੀ ਲਈ 15 ਏਕੜ ਜ਼ਮੀਨ ਖਰੀਦਣ ਵਾਸਤੇ 71 ਕਰੋੜ ਰੁਪਏ ਦੇਣ ਦਾ ਐਲਾਨ ਕਰ ਦਿੱਤਾ ਹੈ।
ਅਕਸ਼ੈ ਤ੍ਰਿਤੀਆ ਦੇ ਅਵਸਰ ‘ਤੇ ਲੰਡਨ ‘ਚ ਪਹਿਲਾ ਸ਼੍ਰੀ ਜਗਨਨਾਥ ਸੰਮੇਲਨ ਦਾ ਆਯੋਜਨ ਕੀਤਾ ਗਿਆ ਹੈ। ਇਸ ‘ਚ ਭਾਰਤੀ ਹਾਈ ਕਮਿਸ਼ਨ ਦੇ ਡਿਪਟੀ ਕਮਿਸ਼ਨਰ ਸੁਜੀਤ ਘੋਸ਼ ਅਤੇ ਭਾਰਤ ਦੇ ਸੱਭਿਆਚਾਰਕ ਮੰਤਰੀ ਅਮੀਸ਼ ਤ੍ਰਿਪਾਠੀ ਵੀ ਹਾਜ਼ਰ ਸਨ। ਇਨ੍ਹਾਂ ਤੋਂ ਬਿਨ੍ਹਾਂ ਪੁਰੀ ਦੇ ਮਹਾਰਾਜਾ ਗਜਪਤੀ ਦਿਬਯਸਿੰਘ ਦੇਬ, ਮਹਾਰਾਣੀ ਲੀਲਾਬਤੀ ਪੱਤਮਹਾਦੇਈ ਦੇ ਨਾਲ ਸ਼ਾਮਿਲ ਹੋਏ। ਇਸ ਕਾਨਫਰੰਸ ਵਿੱਚ ਪਟਨਾਇਕ ਨੇ ਮੰਦਰ ਲਈ 254 ਕਰੋੜ ਰੁਪਏ ਦਾਨ ਕਰਨ ਦਾ ਵਾਅਦਾ ਕੀਤਾ ਹੈ। ਉਨ੍ਹਾਂ ਨੇ ਆਖਿਆ ਹੈ ਕਿ- ਮੰਦਿਰ ਦੇ ਕੰਮ ਨੂੰ ਛੇਤੀ ਤੋਂ ਛੇਤੀ ਪੂਰਾ ਕਰਨ ਲਈ ਸਾਰੇ ਸ਼ਰਧਾਲੂਆਂ ਨੂੰ ਭਗਵਾਨ ਜਗਨਨਾਥ ਵਿੱਚ ਆਸਥਾ ਰੱਖ ਕੇ ਕੰਮ ਕਰਨਾ ਪਵੇਗਾ ।
