ਐਕਟਰ ਕਾਰਤਿਕ ਆਰੀਅਨ ਆਪਣੀ ਆਉਣ ਵਾਲੀ ਫਿਲਮ ‘ਸ਼ਹਿਜ਼ਾਦਾ’ ਦੇ ਪ੍ਰਮੋਸ਼ਨ ‘ਚ ਕੋਈ ਕਮੀ ਨਹੀਂ ਛੱਡ ਰਹੇ । ਕਾਰਤਿਕ ਨੇ ਦਿੱਲੀ ਦੇ ਇੰਡੀਆ ਗੇਟ ਤੋਂ ਦੁਬਈ ਦੇ ਬੁਰਜ ਖਲੀਫਾ ਤੱਕ ਫਿਲਮ ਦਾ ਪ੍ਰਮੋਸ਼ਨ ਕੀਤਾ ਹੈ। ਹਾਲ ਹੀ ‘ਚ ਅਦਾਕਾਰ ਨੇ ਦਿੱਲੀ ਦੇ ਇੰਡੀਆ ਗੇਟ, ਆਗਰਾ ਦੇ ਤਾਜ ਮਹਿਲ ‘ਤੇ ਫਿਲਮ ਨੂੰ ਪ੍ਰਮੋਟ ਕੀਤਾ । ਇਸ ਤੋਂ ਇਲਾਵਾ ਹੁਣ ਫਿਲਮ ਦਾ ਟ੍ਰੇਲਰ ਦੁਨੀਆ ਦੀ ਸਭ ਤੋਂ ਉੱਚੀ ਇਮਾਰਤ ਬੁਰਜ ਖਲੀਫਾ ‘ਤੇ ਦਿਖਾਇਆ ਜਾਏਗਾ |
ਐਕਟਰ ਕਾਰਤਿਕ ਫਿਲਮ ਦੇ ਪ੍ਰਮੋਸ਼ਨ ਲਈ ਬੁਰਜ ਖਲੀਫਾ ਪਹੁੰਚੇ ਹਨ। ਜਿਸ ਨੂੰ ਲੈ ਕੇ ਉਹ ਕਾਫੀ ਉਤਸ਼ਾਹਿਤ ਨਜ਼ਰ ਆ ਰਹੇ ਹਨ। ਪ੍ਰਮੋਸ਼ਨ ਦੌਰਾਨ ਕਾਰਤਿਕ ਆਪਣੇ ਪ੍ਰਸ਼ੰਸਕਾਂ ਨੂੰ ਮਿਲੇ ਅਤੇ ਸੈਲਫੀ ਵੀ ਲਈਆਂ।
ਕਾਰਤਿਕ ਆਰੀਅਨ ਦੀ ਇਸ ਮੂਵੀ ਦਾ ਨਿਰਦੇਸ਼ਨ ਰੋਹਿਤ ਧਵਨ ਨੇ ਕੀਤਾ ਹੈ। ਜਿਸ ਵਿੱਚ ਕਾਰਤਿਕ, ਕ੍ਰਿਤੀ ਸੈਨਨ, ਮਨੀਸ਼ਾ ਕੋਇਰਾਲਾ, ਪਰੇਸ਼ ਰਾਵਲ, ਰੋਨਿਤ ਰਾਏ ਅਤੇ ਸਚਿਨ ਖੇਡੇਕਰ ਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣ ਵਾਲੇ ਹਨ। ਇਸਦਾ ਸੰਗੀਤ ਪ੍ਰੀਤਮ ਦੁਆਰਾ ਦਿੱਤਾ ਗਿਆ ਹੈ,ਹੁਣ ਤੁਹਾਨੂੰ ਦੱਸ ਦੇਈਏ ਕਿ ‘ਸ਼ਹਿਜ਼ਾਦਾ’ 17 ਫਰਵਰੀ 2023 ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਣ ਜਾ ਰਹੀ ਹੈ।
