ਬਾਲੀਵੁੱਡ ਅਦਾਕਾਰਾ ਸ਼ਰਧਾ ਕਪੂਰ ਦੇ ਭਰਾ ਸਿਧਾਂਤ ਕਪੂਰ ਨੂੰ ਡਰੱਗ ਮਾਮਲੇ ‘ਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਡਰੱਗਜ਼ ਮਾਮਲੇ ‘ਚ ਕਈ ਦਿੱਗਜ ਕਲਾਕਾਰਾਂ ਦੇ ਨਾਂ ਸਾਹਮਣੇ ਆ ਚੁੱਕੇ ਹਨ ਅਤੇ ਹੁਣ ਸ਼ਰਧਾ ਕਪੂਰ ਦੇ ਭਰਾ ਸਿਧਾਂਤ ਕਪੂਰ ਨੂੰ ਪੁਲਿਸ ਨੇ ਬੈਂਗਲੁਰੂ ‘ਚ ਹਿਰਾਸਤ ‘ਚ ਲੈ ਲਿਆ ਹੈ।… ਰਿਪੋਰਟ ਮੁਤਾਬਕ ਬੈਂਗਲੁਰੂ ਦੇ ਐਮਜੀ ਰੋਡ ‘ਤੇ ਸਥਿਤ ਹੋਟਲ ‘ਚ ਸ਼ਰਧਾ ਕਪੂਰ ਦੇ ਭਰਾ ਸਮੇਤ ਕਈ ਲੋਕ ਪਾਰਟੀ ਕਰ ਰਹੇ ਸਨ।
ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਡਰੱਗਜ਼ ਮਾਮਲੇ ਨੂੰ ਲੈ ਕੇ ਬਾਲੀਵੁੱਡ ਦੀਆਂ ਸਾਰੀਆਂ ਮਸ਼ਹੂਰ ਹਸਤੀਆਂ ਦੇ ਨਾਂ ਸਾਹਮਣੇ ਆਉਂਦੇ ਰਹੇ ਹਨ। ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਮੌਤ ਤੋਂ ਬਾਅਦ ਹੌਲੀ-ਹੌਲੀ ਬਾਲੀਵੁੱਡ ਦਾ ਡਰੱਗ ਗਠਜੋੜ ਪਹਿਲੀ ਵਾਰ ਖੁੱਲ੍ਹਿਆ। NCB ਨੇ ਕਈ ਬਾਲੀਵੁੱਡ ਦਿੱਗਜਾਂ ਤੋਂ ਪੁੱਛਗਿੱਛ ਕੀਤੀ ਅਤੇ ਆਰੀਅਨ ਖਾਨ ਸਮੇਤ ਕਈਆਂ ਨੂੰ ਗ੍ਰਿਫਤਾਰ ਕੀਤਾ।
ਪੁਲਿਸ ਨੇ ਪਾਰਟੀ ‘ਚ ਮਾਰਿਆ ਛਾਪਾ
ਪੁਲਿਸ ਨੇ ਉਕਤ ਪਾਰਟੀ ‘ਤੇ ਛਾਪਾ ਮਾਰ ਕੇ ਸ਼ਰਧਾ ਕਪੂਰ ਦੇ ਭਰਾ ਸਮੇਤ ਕਈ ਲੋਕਾਂ ਨੂੰ ਹਿਰਾਸਤ ‘ਚ ਲਿਆ ਹੈ। ਰਿਪੋਰਟ ਮੁਤਾਬਕ ਪੁਲਿਸ ਨੇ ਕੁੱਲ 35 ਲੋਕਾਂ ਦੇ ਸੈਂਪਲ ਭੇਜੇ ਸਨ, ਜਿਨ੍ਹਾਂ ‘ਚੋਂ 6 ਲੋਕ ਡਰੱਗ ਟੈਸਟ ‘ਚ ਪਾਜ਼ੀਟਿਵ ਆਏ ਹਨ। ਜਾਣਕਾਰੀ ਮੁਤਾਬਕ ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਹੈ ਕਿ ਇਹ ਲੋਕ ਨਸ਼ਾ ਲੈ ਕੇ ਪਾਰਟੀ ‘ਚ ਪੁੱਜੇ ਸਨ ਜਾਂ ਫਿਰ ਹੋਟਲ ‘ਚ ਆ ਕੇ ਨਸ਼ਾ ਲਿਆ ਸੀ।
ਜਿੱਥੋਂ ਤੱਕ ਸਿਧਾਂਤ ਕਪੂਰ ਦਾ ਸਵਾਲ ਹੈ, ਉਸਨੇ ਫਿਲਮਾਂ ਵਿੱਚ ਵੀ ਆਪਣੀ ਕਿਸਮਤ ਅਜ਼ਮਾਈ ਹੈ ਪਰ ਕਦੇ ਕਾਮਯਾਬ ਨਹੀਂ ਹੋਏ। ਸਿਧਾਂਤ ਬਾਲੀਵੁੱਡ ਫਿਲਮਾਂ ਵਿੱਚ ਫਲਾਪ ਹੀਰੋ ਰਹੇ। ਸ਼ਕਤੀ ਕਪੂਰ ਦਾ ਬੇਟਾ ਸਿਧਾਂਤ ਵੀ ਕੁਝ ਵੈੱਬ ਸੀਰੀਜ਼ ਅਤੇ ਮਿਊਜ਼ਿਕ ਵੀਡੀਓਜ਼ ‘ਚ ਨਜ਼ਰ ਆ ਚੁੱਕਾ ਹੈ। ਸਿਧਾਂਤ ਨੇ ਆਪਣੀ ਭੈਣ ‘ਹਸੀਨਾ ਪਾਰਕਰ’ ‘ਚ ਸ਼ਰਧਾ ਕਪੂਰ ਨਾਲ ਕੰਮ ਕੀਤਾ ਸੀ ਪਰ ਇਹ ਫਿਲਮ ਵੀ ਬੁਰੀ ਤਰ੍ਹਾਂ ਫਲਾੱਪ ਰਹੀ।
