ਲੁਧਿਆਣਾ ਦੇ ਸ਼ਿਮਲਾਪੁਰੀ ਥਾਣੇ ਅਧੀਨ ਪੈਂਦੀ ਢਾਬਾ ਕਲੋਨੀ ਦੇ ਵਸਨੀਕ ਚੰਦੂ ਭਗਤ ਨਾਮਕ ਵਿਅਕਤੀ ਨੇ ਆਪਣੇ ਜਵਾਈ ‘ਤੇ ਆਪਣੀ ਧੀ ਆਸ਼ਾ (22) ਦਾ ਬੇਰਹਿਮੀ ਨਾਲ ਕਤਲ ਕਰਨ ਦਾ ਦੋਸ਼ ਲਾਇਆ ਹੈ। ਚੰਦੂ ਭਗਤ ਨੇ ਦੱਸਿਆ ਕਿ ਉਸ ਦੀ ਲੜਕੀ ਦਾ ਪ੍ਰੇਮ ਵਿਆਹ ਫਰਵਰੀ 2020 ਨੂੰ ਬ੍ਰਿਜਪਾਲ ਪੁੱਤਰ ਮਨੀਸ਼ (24) ਵਾਸੀ ਬਰੋਟਾ ਰੋਡ ਸ਼ਿਮਲਾਪੁਰੀ ਨਾਲ ਹੋਇਆ ਸੀ ਪਰ ਦੋਵਾਂ ਵਿਚਾਲੇ ਅਕਸਰ ਲੜਾਈ-ਝਗੜੇ ਹੁੰਦੇ ਰਹਿੰਦੇ ਸਨ। ਕੱਲ੍ਹ ਸਵੇਰੇ 10 ਵਜੇ ਉਸ ਦੀ ਬੇਟੀ ਆਸ਼ਾ ਉਸ ਦੇ ਨਾਲ ਸੀ ਪਰ ਜਵਾਈ ਵੱਲੋਂ ਵਾਰ-ਵਾਰ ਫੋਨ ਕਰਨ ਕਾਰਨ ਉਸ ਨੇ ਬੇਟੀ ਨੂੰ ਵਾਪਸ ਘਰ ਭੇਜ ਦਿੱਤਾ।
ਬੀਤੀ ਰਾਤ ਦੋਵਾਂ ਵਿੱਚ ਕਿਸੇ ਗੱਲ ਨੂੰ ਲੈ ਕੇ ਫਿਰ ਝਗੜਾ ਹੋ ਗਿਆ ਅਤੇ ਮਨੀਸ਼ ਨੇ ਆਸ਼ਾ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ। ਉਸ ਨੇ ਇਹ ਵੀ ਦੱਸਿਆ ਕਿ ਕਤਲ ਤੋਂ ਬਾਅਦ ਮਨੀਸ਼ ਨੇ ਆਸ਼ਾ ਨੂੰ ਛੱਤ ਵਾਲੇ ਪੱਖੇ ਨਾਲ ਲਟਕਾ ਦਿੱਤਾ। ਉਸ ਦਾ ਜਵਾਈ ਅਤੇ ਬੇਟੀ ਬਰੋਟਾ ਰੋਡ ਸ਼ਿਮਲਾਪੁਰੀ ਵਿਖੇ ਕਿਰਾਏ ਦੇ ਮਕਾਨ ਵਿੱਚ ਰਹਿ ਰਹੇ ਸਨ। ਇਸ ਸਬੰਧੀ ਜਦੋਂ ਥਾਣਾ ਸ਼ਿਮਲਾਪੁਰੀ ਦੇ ਐਸ.ਐਚ.ਓ ਪ੍ਰਮੋਦ ਕੁਮਾਰ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਦੋਸ਼ੀ ਖਿਲਾਫ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।
