ਅਰਜੁਨ ਕਪੂਰ ਅਤੇ ਮਲਾਇਕਾ ਅਰੋੜਾ ਪੈਰਿਸ ਵਿੱਚ ਰੋਮਾਂਟਿਕ ਸਮਾਂ ਬਿਤਾ ਰਹੇ ਹਨ। ਅਰਜੁਨ ਕਪੂਰ 26 ਜੂਨ ਨੂੰ ਆਪਣਾ 37ਵਾਂ ਜਨਮਦਿਨ ਮਨਾਉਣ ਜਾ ਰਹੇ ਹਨ। ਇਸ ਦੇ ਲਈ ਦੋਵੇਂ ਛੁੱਟੀਆਂ ਮਨਾਉਣ ਗਏ ਹਨ। ਕਿਸੇ ਵੀ ਜੋੜੇ ਲਈ ਪਿਆਰ ਦੇ ਸ਼ਹਿਰ ਪੈਰਿਸ ਤੋਂ ਵਧੀਆ ਕੋਈ ਥਾਂ ਨਹੀਂ ਹੋ ਸਕਦੀ।… ਇਸ ਲਈ ਦੋਵੇਂ ਉੱਥੇ ਇਕੱਠੇ ਕੁਆਲਿਟੀ ਟਾਈਮ ਬਤੀਤ ਕਰ ਰਹੇ ਹਨ। ਰੋਮਾਂਸ ਦੇ ਨਾਲ-ਨਾਲ ਮਲਾਇਕਾ-ਅਰਜੁਨ ਇਕ-ਦੂਜੇ ਦੀਆਂ ਫੋਟੋਆਂ ਖਿਚਵਾਉਣ ‘ਚ ਵੀ ਲੱਗੇ ਹੋਏ ਹਨ।
ਇਕ-ਦੂਜੇ ਦੀ ਤਸਵੀਰ ਕੀਤੀ ਸ਼ੇਅਰ
ਦੋਵਾਂ ਨੇ ਇਕ-ਦੂਜੇ ਦੀ ਫੋਟੋ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤੀ। ਅਰਜੁਨ ਕਪੂਰ ਅਕਸਰ ਮਹਿਲਾ ਮਿੱਤਰ ਮਲਾਇਕਾ ਅਰੋੜਾ ਦੀਆਂ ਤਸਵੀਰਾਂ ਖਿੱਚਦੇ ਰਹਿੰਦੇ ਹਨ। ਮਲਾਇਕਾ ਨੇ ਕਈ ਵਾਰ ਆਪਣੀਆਂ ਕਿਊਟ ਅਤੇ ਖੂਬਸੂਰਤ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਹਨ ਅਤੇ ਦੱਸਿਆ ਹੈ ਕਿ ਉਸ ਨੂੰ ਅਰਜੁਨ ਨੇ ਕਲਿੱਕ ਕੀਤਾ ਹੈ। ਹੁਣ ਅਰਜੁਨ ਨੇ ਆਪਣੀ ਇੰਸਟਾ ਸਟੋਰੀ ‘ਤੇ ਮਲਾਇਕਾ ਅਰੋੜਾ ਦੀਆਂ ਕੁਝ ਹੋਰ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ।
ਇੰਸਟਾ ਸਟੋਰੀ ‘ਤੇ ਸ਼ੇਅਰ ਕੀਤੀਆਂ ਇਨ੍ਹਾਂ ਤਸਵੀਰਾਂ ‘ਚ ਮਲਾਇਕਾ ਅਰੋੜਾ ਇਕ ਪ੍ਰਾਈਵੇਟ ਜਹਾਜ਼ ‘ਚ ਖੜ੍ਹੀ ਨਜ਼ਰ ਆ ਰਹੀ ਹੈ। ਇਸ ਬਲੈਕ ਐਂਡ ਵ੍ਹਾਈਟ ਫੋਟੋ ‘ਚ ਮਲਾਇਕਾ ਨੇ ਮਸ਼ਹੂਰ ਡਿਜ਼ਾਈਨਰ ਕ੍ਰਿਸ਼ਚੀਅਨ ਡਾਇਰ ਦੀ ਕਲੈਕਸ਼ਨ ਦੀ ਸ਼ਾਰਟ ਡਰੈੱਸ ਪਾਈ ਹੋਈ ਹੈ। ਉਸ ਨੇ ਆਪਣੇ ਮੱਥੇ ਦੀ ਸੱਟ ‘ਤੇ ਬੈਂਡ ਏਡ ਲਗਾਇਆ ਹੈ। ਇਹ ਉਹੀ ਸੱਟ ਹੈ ਜੋ ਮਲਾਇਕਾ ਨੂੰ ਕਾਰ ਹਾਦਸੇ ‘ਚ ਲੱਗੀ ਸੀ। ਇਸ ਤੋਂ ਇਲਾਵਾ ਇਕ ਫੋਟੋ ‘ਚ ਮਲਾਇਕਾ ਨੂੰ ਕਮਰੇ ‘ਚ ਬੈਠੀ ਦੇਖਿਆ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ ਮਲਾਇਕਾ ਨੇ ਆਪਣੀ ਇੰਸਟਾ ਸਟੋਰੀ ‘ਤੇ ਅਰਜੁਨ ਕਪੂਰ ਦੀ ਇੱਕ ਫੋਟੋ ਵੀ ਸ਼ੇਅਰ ਕੀਤੀ ਹੈ।
ਸਾਲ 2019 ਤੋਂ ਕਰ ਰਹੇ ਡੇਟ
ਅਰਜੁਨ ਕਪੂਰ ਅਤੇ ਮਲਾਇਕਾ ਅਰੋੜਾ ਸਾਲ 2019 ਤੋਂ ਇੱਕ ਦੂਜੇ ਨੂੰ ਡੇਟ ਕਰ ਰਹੇ ਹਨ। ਮਲਾਇਕਾ ਨੇ ਸਭ ਤੋਂ ਪਹਿਲਾਂ ਅਰਜੁਨ ਨਾਲ ਆਪਣੇ ਰਿਸ਼ਤੇ ਨੂੰ ਅਧਿਕਾਰਤ ਕੀਤਾ। ਉਸ ਪੋਸਟ ‘ਚ ਮਲਾਇਕਾ ਨੇ ਅਰਜੁਨ ਨੂੰ ਜਨਮਦਿਨ ਦੀ ਸ਼ੁਭਕਾਮਨਾਵਾਂ ਦਿੰਦੇ ਹੋਏ ਉਨ੍ਹਾਂ ਨੂੰ ਢੇਰ ਸਾਰਾ ਪਿਆਰ ਭੇਜਿਆ ਸੀ। ਮਲਾਇਕਾ ਅਤੇ ਅਰਜੁਨ ਦੇ ਵਿਆਹ ਨੂੰ ਲੈ ਕੇ ਕਈ ਵਾਰ ਅਟਕਲਾਂ ਲਗਾਈਆਂ ਜਾ ਚੁੱਕੀਆਂ ਹਨ। ਪਰ ਜੋੜੇ ਦਾ ਕਹਿਣਾ ਹੈ ਕਿ ਉਹ ਫਿਲਹਾਲ ਵਿਆਹ ਕਰਨ ਬਾਰੇ ਨਹੀਂ ਸੋਚ ਰਹੇ ਹਨ।