ਸਾਊਥ ਸੁਪਰਸਟਾਰ ਅੱਲੂ ਅਰਜੁਨ ਇਕ ਤੋਂ ਬਾਅਦ ਇਕ ਨਵੀਂ ਫਿਲਮ ਦੀ ਸ਼ੂਟਿੰਗ ਵਿੱਚ ਜਲਦ ਹੀ ਵਿਅਸਤ ਹੋਣ ਵਾਲੇ ਹਨ। ਇਸ ਕਾਰਨ ਅਦਾਕਾਰ ਕੋਲ ਆਪਣੇ ਪਰਿਵਾਰ ਅਤੇ ਮਨੋਰੰਜਨ ਲਈ ਜ਼ਿਆਦਾ ਸਮਾਂ ਨਹੀਂ ਹੋੋਵੇਗਾ।… ਅਜਿਹੇ ‘ਚ ਅੱਲੂ ਅਰਜੁਨ ਨੇ ਕੰਮ ‘ਚੋਂ ਕੁਝ ਸਮਾਂ ਪਰਿਵਾਰ ਨਾਲ ਬਿਤਾਉਣ ਦਾ ਸੋਚਿਆ ਹੈ ਅਤੇ ਇਸ ਲਈ ਅੱਲੂ ਪਤਨੀ ਅਤੇ ਬੱਚਿਆਂ ਨਾਲ ਤਨਜ਼ਾਨੀਆ ਪਹੁੰਚ ਗਏ ਹਨ। ਅਦਾਕਾਰ ਦੀ ਪਤਨੀ ਅੱਲੂ ਸਨੇਹਾ ਨੇ ਆਪਣੇ ਇੰਸਟਾਗ੍ਰਾਮ ਪੇਜ ‘ਤੇ ਛੁੱਟੀਆਂ ਦੀ ਇਕ ਪਰਿਵਾਰਕ ਤਸਵੀਰ ਪੋਸਟ ਕੀਤੀ ਹੈ। ਫੋਟੋ ਵਿੱਚ, ਅੱਲੂ ਅਰਜੁਨ ਆਪਣੀ ਪਤਨੀ ਅਤੇ ਬੱਚਿਆਂ, ਬੇਟੇ ਅੱਲੂ ਅਯਾਨ ਅਤੇ ਬੇਟੀ ਅੱਲੂ ਅਰਹਾ ਨਾਲ ਚੰਗਾ ਸਮਾਂ ਬਿਤਾਉਂਦੇ ਦਿਖਾਈ ਦੇ ਰਹੇ ਹਨ।
ਅੱਲੂ ਪਰਿਵਾਰ ਦੀ ਇਹ ਖੂਬਸੂਰਤ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਈ ਹੈ। ਕਿਹਾ ਜਾਂਦਾ ਹੈ ਕਿ ਸੀਕਵਲ, ‘ਪੁਸ਼ਪਾ: ਦ ਰੂਲ’ ਦੀ ਸਕ੍ਰਿਪਟ ਪੂਰੀ ਹੋ ਗਈ ਹੈ ਅਤੇ ਅੱਲੂ ਅਰਜੁਨ ਦੇ ਸ਼ੂਟ ਦੀ ਤਿਆਰੀ ਸ਼ੁਰੂ ਕਰਨ ਲਈ ਜਲਦੀ ਹੀ ਹੈਦਰਾਬਾਦ ਵਾਪਸ ਆਉਣ ਦੀ ਉਮੀਦ ਹੈ। ਪੁਸ਼ਪਾ: ਦਿ ਰਾਈਜ਼ ਵਿੱਚ, ਅੱਲੂ ਅਰਜੁਨ ਇੱਕ ਦੱਬੇ-ਕੁਚਲੇ ਆਦਮੀ ਦਾ ਕਿਰਦਾਰ ਨਿਭਾਉਂਦਾ ਹੈ ਜੋ ਚੰਦਨ ਦੀ ਤਸਕਰੀ ਕਰਨ ਵਾਲੇ ਸਿੰਡੀਕੇਟ ਦਾ ਬੌਸ ਬਣ ਜਾਂਦਾ ਹੈ। ਨਿਰਮਾਤਾਵਾਂ ਦੇ ਅਨੁਸਾਰ, ਪੁਸ਼ਪਾ ਦੀ ਪ੍ਰੇਮਿਕਾ ਸ਼੍ਰੀਵੱਲੀ ਦੀ ਭੂਮਿਕਾ ਨਿਭਾਉਣ ਵਾਲੀ ਰਸ਼ਮਿਕਾ ਮੰਡਾਨਾ ਸੀਕਵਲ ਵਿੱਚ ਮੁੱਖ ਭੂਮਿਕਾ ਨਿਭਾਏਗੀ।