ਜਲਾਲਾਬਾਦ ‘ਚ ਅੱਜ ਸਵੇਰੇ ਅਧਿਆਪਕਾਂ ਨਾਲ ਭਰੀ ਗੱਡੀ ਨਾਲ ਭਿਆਨਕ ਹਾਦਸਾ ਵਾਪਰਿਆ ਹੈ । ਇਸ ਘਟਨਾ ਵਿਚ 3 ਅਧਿਆਪਕ ਜ਼ਖਮੀ ਅਤੇ 2 ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ। ਜ਼ਖਮੀ ਅਧਿਆਪਕਾਂ ਨੂੰ ਜਲਾਲਾਬਾਦ ਦੇ ਸਰਕਾਰੀ ਹਸਪਤਾਲ ‘ਚ ਭਰਤੀ ਕਰਾ ਦਿੱਤਾ ਗਿਆ ਹੈ। ਭਾਰੀ ਤੂਫ਼ਾਨ ਕਾਰਨ ਇਕ ਦਰੱਖਤ ਕਾਰ ‘ਤੇ ਡਿੱਗ ਜਾਂਦਾ ਹੈ,ਜਿਸ ਵਜ੍ਹਾ ਨਾਲ ਭਿਆਨਕ ਹਾਦਸਾ ਵਾਪਰ ਗਿਆ ਹੈ |
ਸੂਚਨਾ ਦੇ ਅਨੁਸਾਰ ਅੱਜ ਸਵੇਰੇ ਅਧਿਆਪਕ ਇੱਕ ਕਾਰ ਵਿੱਚ ਜਲਾਲਾਬਾਦ ਤੋਂ ਤਰਨਤਾਰਨ ਦੇ ਪਿੰਡ ਵਲਟੋਹਾ ਵੱਲ ਜਾ ਰਹੇ ਸੀ ।ਰੋਜ਼ ਸਵੇਰੇ 6 ਵਜੇ ਇਹ ਗੱਡੀ ਕਰੀਬ 11 ਅਧਿਆਪਕਾਂ ਨੂੰ ਸਕੂਲ ਲੈ ਕੇ ਜਾਂਦੀ ਸੀ, ਪਰ ਅੱਜ ਰਸਤੇ ਵਿੱਚ ਭਾਰੀ ਤੂਫ਼ਾਨ ਕਾਰਨ ਇੱਕ ਦਰੱਖਤ ਇਕਦਮ ਕਾਰ ਉੱਪਰ ਡਿੱਗ ਜਾਂਦਾ ਹੈ। ਇਸ ਕਾਰਨ ਕਾਰ ਵਿੱਚ 5 ਤੋਂ ਜਿਆਦਾ ਅਧਿਆਪਕ ਜ਼ਖਮੀ ਹੋ ਚੁੱਕੇ ਹਨ। ਲੋਕਾਂ ਵਲੋਂ ਐਂਬੂਲੈਂਸ ਨੂੰ ਜਾਣਕਾਰੀ ਦਿੱਤੀ ਗਈ ਅਤੇ ਜ਼ਖਮੀ ਅਧਿਆਪਕਾਂ ਨੂੰ ਹਸਪਤਾਲ ਪਹੁੰਚਿਆ ਗਿਆ |
ਦੱਸਿਆ ਜਾ ਰਿਹਾ ਹੈ ਕਿ ਜਖਮੀਆਂ ਨੂੰ ਜਲਾਲਾਬਾਦ ਦੇ ਸਰਕਾਰੀ ਹਸਪਤਾਲ ਵਿੱਚ ਭਰਤੀ ਕਰਾ ਦਿੱਤਾ ਗਿਆ ਹੈ। ਇਨ੍ਹਾਂ ਵਿੱਚੋ 2 ਅਧਿਆਪਕਾਂ ਦੀ ਹਾਲਤ ਗੰਭੀਰ ਹੋਣ ਕਾਰਨ ਉਨ੍ਹਾਂ ਨੂੰ ਫਰੀਦਕੋਟ ਰੈਫਰ ਕੀਤਾ ਗਿਆ।
