ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਨੇ ਕੋਚੇਲਾ ਮਿਊਜ਼ਿਕ ਫੈਸਟੀਵਲ ‘ਦੇ ਇਸ ਸਮਾਗਮ ਵਿੱਚ ਪਰਫਾਰਮ ਕਰਨ ਵਾਲੇ ਪਹਿਲੇ ਪੰਜਾਬੀ ਗਾਇਕ ਬਣ ਚੁੱਕੇ ਹਨ। ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ ‘ਤੇ ਇਸ ਬਾਰੇ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਨੂੰ ਪ੍ਰਸ਼ੰਸਕਾਂ ਤੋਂ ਲੈ ਕੇ ਬਾਲੀਵੁੱਡ ਸਿਤਾਰਿਆਂ ਤੱਕ ਬਹੁਤ ਪਸੰਦ ਕੀਤਾ ਜਾ ਰਿਹਾ ਹੈ।
ਇਸ ਦੇ ਨਾਲ ਹੀ ਦਿਲਜੀਤ ਦੋਸਾਂਝ ਦੇ ਗੀਤ “ਚੌਫਰ” ਨੇ ਇੰਡੀਅਨ ਇੰਡੀਪੈਂਡੈਂਟ ਮਿਊਜ਼ਿਕ ਅਵਾਰਡਸ (IIMA) ‘ਚ ਬੇਸਟ ਕੋਲੌਬ੍ਰੇਸ਼ਨ ਲਈ ਜਿਊਰੀਜ਼ ਚੁਆਇਸ ਐਵਾਰਡ ਵੀ ਜਿੱਤ ਲਿਆ ਹੈ। ਦਿਲਜੀਤ ਦੋਸਾਂਝ ਦਾ ਕੈਨੇਡੀਅਨ ਕਲਾਕਾਰ ਟੋਰੀ ਲੈਨਜ਼ ਨਾਲ ਗੀਤ ਗਾਇਆ ਸੀ।
ਇਸ ਸਮਾਗਮ ‘ਚ ਗਾਇਕ ਬਲੈਕ ਪੰਜਾਬੀ ਲੁੱਕ ‘ਚ ਦਿਖਾਈ ਦੇ ਰਹੇ ਸੀ। ਉਸ ਨੇ ਕਾਲਾ ਕੁੜਤਾ-ਪਜਾਮਾ ਕਾਲੀ ਪੱਗ ਅਤੇ ਪੀਲੇ ਦਸਤਾਨੇ ਪਹਿਨੇ ਹੋਏ ਸੀ । ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਬਲੈਕ ਐਂਡ ਵ੍ਹਾਈਟ ਸਨੀਕਰਸ ਨਾਲ ਇਸ ਲੁੱਕ ਨੂੰ ਹੋਰ ਸ਼ਾਨਦਾਰ ਬਣਾਇਆ ਸੀ।
