(ਹਰਮਨ ਜੰਡੂ) : ਪੰਜਾਬ ਦੇ ਮਸ਼ਹੂਰ ਗਾਇਕ ਅਤੇ ਅਦਾਕਾਰ ਬੱਬੂ ਮਾਨ ਸੋਸ਼ਲ ਮੀਡੀਆ ‘ਤੇ ਹਮੇਸ਼ਾਂ ਚਰਚਾ ‘ਚ ਰਹਿੰਦੇ ਹਨ ਅਤੇ ਉਹ ਆਪਣੇ ਫੈਨਜ਼ ਨਾਲ ਕੁੱਝ ਨਾ ਕੁੱਝ ਸਾਂਝਾ ਕਰਦੇ ਰਹਿੰਦੇ ਹਨ। ਹਾਲ ਹੀ ‘ਚ ਬੱਬੂ ਮਾਨ ਨੇ ਇੰਸਟਾਗ੍ਰਾਮ ਦੇ ਜ਼ਰੀਏ ਕਿਸਾਨਾਂ ਦੇ ਪੱਖ ‘ਚ ਇਕ ਹੋਰ ਪੋਸਟ ਪਾਈ ਹੈ। ਇਸ ਪੋਸਟ ਵਿਚ ਬੱਬੂ ਮਾਨ ਨੇ ਬੰਦੀ ਸਿੰਘਾਂ ਦੀ ਗੱਲ ਕੀਤੀ ਹੈ। ਬੱਬੂ ਮਾਨ ਨੇ ਇਸ ਪੋਸਟ ‘ਚ ਲਿਖਿਆ ਹੈ ਕਿ , ”ਜਦੋਂ ਵੀ ਨੇਤਾ ਪਿੰਡ ਚ ਆਉਂਦਾ ਹੈ ਤੁਸੀਂ ਵੀ ਕਿਹਾ ਕਰੋ ਬੰਦੀ ਸਿੰਘ ਜੋ ਜੇਲ੍ਹਾਂ ‘ਚ ਬੰਦ ਹਨ , ਉਹਨਾਂ ਨੂੰ ਰਿਹਾ ਕਰੋ ਤੁਸੀਂ ਤਾਂ ਵਾਰੀ – ਵਾਰੀ ਸਰਕਾਰ ਬਣਾ ਲਈ , ਉਹਨਾਂ ਦਾ ਕੀ ਜਿਹਨਾਂ ਦੀ ਜਵਾਨੀ ਖਾ ਲਈ। ਬੇਈਮਾਨ !”
ਦੱਸ ਦਈਏ ਕਿ ਬੱਬੂ ਮਾਨ ਕਿਸਾਨੀ ਮੋਰਚੇ ਦੌਰਾਨ ਹੋਈਆਂ ਸਿੱਖ ਗਿਰਫ਼ਤਾਰੀਆਂ ਦੀ ਗੱਲ ਕਰ ਰਹੇ ਹਨ, ਜਿਸ ਸਮੇਂ ਕਿਸਾਨ ਆਪਣੇ ਹੱਕਾਂ ਲਈ ਦਿੱਲੀ ਦੇ ਬਾਰਡਰਾਂ ਤੇ ਡਟੇ ਹੋਏ ਸਨ, ਜਿਸ ਦੌਰਾਨ ਬੱਬੂ ਮਾਨ, ਕੰਵਰ ਗਰੇਵਾਲ, ਸੋਨੀਆ ਮਾਨ ਦੇ ਨਾਲ ਹੋਰ ਵੀ ਕਈ ਪੰਜਾਬੀ ਗਾਇਕਾਂ ਨੇ ਕਿਸਾਨਾਂ ਦੇ ਹੱਕਾਂ ਚ ਆਵਾਜ਼ ਚੁੱਕੀ ਸੀ।
ਬੀਤੇ ਦਿਨੀ ਸਰਕਾਰ ਵੱਲੋਂ ਕਿਸਾਨਾਂ ਦੀਆਂ ਸਾਰੀਆਂ ਮੰਗਾਂ ਨੂੰ ਮਨ ਲਿਆ ਗਿਆ ਸੀ ਅਤੇ ਜਿਸ ਤੋਂ ਬਾਅਦ ਕਿਸਾਨਾਂ ਨੇ ਮੋਰਚਾ ਖ਼ਤਮ ਕਰਕੇ, ਫਤਿਹ ਕਰਨ ਦਾ ਐਲਾਨ ਕੀਤਾ ਤੇ ਘਰਾਂ ਨੂੰ ਚਾਲੇ ਪਾ ਲਏ ਸਨ ।
