ਸੁਨੀਲ ਸ਼ੈੱਟੀ ਦੀ ਬੇਟੀ ਯਾਨੀ ਅਭਿਨੇਤਰੀ ਆਥੀਆ ਸ਼ੈੱਟੀ ਅਤੇ ਕ੍ਰਿਕਟਰ ਕੇਐੱਲ ਰਾਹੁਲ ਅੱਜ ਯਾਨੀ 23 ਜਨਵਰੀ ਨੂੰ ਵਿਆਹ ਦੇ ਬੰਧਨ ‘ਚ ਬੱਝ ਚੁੱਕੇ ਹਨ। ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ ਜੋੜੇ ਦਾ ਵਿਆਹ ਸੁਨੀਲ ਸ਼ੈੱਟੀ ਦੇ ਆਲੀਸ਼ਾਨ ਖੰਡਾਲਾ ਬੰਗਲੇ ਵਿੱਚ ਹੋਇਆ।
ਅਜਿਹੇ ‘ਚ ਦੱਸ ਦੇਈਏ ਕਿ ਮੰਡਪ ਨੂੰ ਖਾਸ ਤਰੀਕੇ ਨਾਲ ਸਜਾਇਆ ਗਿਆ ਅਤੇ ਵਿਆਹ ਦੀਆਂ ਕਈ ਤਸਵੀਰਾਂ ਵੀ ਸੋਸ਼ਲ ਮੀਡੀਆ ਉੱਪਰ ਵਾਈਰਲ ਹੋ ਰਹੀਆਂ ਹਨ। ਰਸਮਾਂ ਵਿਆਹ ‘ਚ ਕਰੀਬ 100 ਲੋਕ ਸ਼ਾਮਲ ਹੋਏ। ਜਿਸ ਵਿੱਚ ਉਨ੍ਹਾਂ ਦੇ ਕਰੀਬੀ ਹੀ ਸ਼ਾਮਲ ਸਨ। ਅਜਿਹੇ ‘ਚ ਇਸ ਜੋੜੀ ਨੂੰ ਲਗਾਤਾਰ ਵਧਾਈਆਂ ਮਿਲ ਰਹੀਆਂ ਹਨ।
ਦਰਅਸਲ, ਬਾਲੀਵੁੱਡ ਅਭਿਨੇਤਾ ਸੰਜੇ ਦੱਤ ਨੇ ਇੱਕ ਟਵੀਟ ਕੀਤਾ ਹੈ ਜਿਸ ਵਿੱਚ ਉਹ ਸੁਨੀਲ ਸ਼ੈੱਟੀ ਦੀ ਬੇਟੀ ਆਥੀਆ ਸ਼ੈੱਟੀ ਅਤੇ ਕੇਐਲ ਰਾਹੁਲ ਨੂੰ ਵਧਾਈ ਦੇ ਰਹੇ ਹਨ। ਸੰਜੇ ਦੱਤ ਨੇ ਟਵੀਟ ‘ਚ ਲਿਖਿਆ- ਟਵਿਟਰ ‘ਤੇ ‘ਅੰਨਾ’ ਨੇ ਸੁਨੀਲ ਸ਼ੈੱਟੀ ਨੂੰ ਬੇਟੀ ਆਥੀਆ ਦੇ ਵਿਆਹ ‘ਤੇ ਵਧਾਈ ਦਿੱਤੀ। ਦੱਤ ਨੇ ਜੋੜੇ ਨੂੰ ‘ਅਦਭੁਤ ਸਫ਼ਰ’ ਦੀ ਕਾਮਨਾ ਵੀ ਕੀਤੀ ਅਤੇ ਲਿਖਿਆ, “@theathiyashetty ਨੂੰ @klrahul ਨਾਲ ਵਿਆਹ ਬੰਧਨ ਵਿੱਚ ਬੱਝਦੇ ਦੇਖਣ ਦੀ ਇਸ ਸ਼ਾਨਦਾਰ ਭਾਵਨਾ ਦੀ ਗਵਾਹ ਬਣਨ ਲਈ ਅੰਨਾ @SunielVShetty ਨੂੰ ਬਹੁਤ-ਬਹੁਤ ਵਧਾਈਆਂ। ਜੋੜੇ ਨੂੰ ਉਨ੍ਹਾਂ ਦੇ ਆਉਣ ਵਾਲੇ ਜੀਵਨ ਲਈ ਸ਼ਾਨਦਾਰ ਸਫ਼ਰ ਦੀ ਕਾਮਨਾ ਕਰਦੇ ਹਾਂ।
