ਅੰਮ੍ਰਿਤਸਰ ‘ਚ ਮੰਗਲਵਾਰ ਦੇਰ ਰਾਤ ਦੋ ਚੋਰਾਂ ਨੇ ਠੇਕੇ ਦੀ ਛੱਤ ਤੋਂ ਪੌੜੀ ਲਾ ਕੇ ਚੋਰੀ ਕੀਤੀ ਸੀ। ਚੋਰਾਂ ਨੇ ਠੇਕੇ ਵਿੱਚੋਂ ਮਹਿੰਗੀ ਸ਼ਰਾਬ ਅਤੇ ਨਕਦੀ ਚੋਰੀ ਕਰਕੇ ਲੈ ਗਏ, ਇਹ ਸਾਰੀ ਘਟਨਾ ਸੀਸੀਟੀਵੀ ਕੈਮਰੇ ਵਿੱਚ ਰਿਕਾਰਡ ਹੋ ਗਈ ਸੀ। ਪੁਲਿਸ ਨੇ ਸੀਸੀਟੀਵੀ ਫੁਟੇਜ਼ ਨੂੰ ਆਪਣੇ ਕਬਜੇ ਵਿੱਚ ਲੈ ਕੇ ਕਾਰਵਾਈ ਸ਼ੁਰੂ ਕੀਤੀ ਹੈ।
ਸਾਰੀ ਘਟਨਾ ਅੰਮ੍ਰਿਤਸਰ ਵਿੱਚ ਅਲਫ਼ਾ ਵਨ ਦੇ ਨੇੜੇ ਠੇਕੇ ਵਿੱਚ ਵਾਪਰੀ ਹੈ। ਸੀਸੀਟੀਵੀ ਫੁਟੇਜ਼ ਦੇ ਅਨੁਸਾਰ ਇਸ ਘਟਨਾ ਨੂੰ 2 ਚੋਰਾਂ ਨੇ ਅੰਜਾਮ ਦਿੱਤਾ ਹੈ। ਦੇਰ ਰਾਤ ਨੂੰ ਚੋਰਾਂ ਨੇ ਛੱਤ ਦਾ ਟੀਨ ਤੋੜ ਕੇ ਠੇਕੇ ਦੇ ਅੰਦਰ ਦਾਖ਼ਲ ਹੋਏ। ਇਸ ਤੋਂ ਬਾਅਦ ਚੋਰਾਂ ਨੇ ਸਾਰੇ ਦਰਵਾਜ਼ੇ ਖੋਲ੍ਹ ਕੇ ਨਕਦੀ ਅਤੇ ਮਹਿੰਗੀ ਸ਼ਰਾਬ ਦੀਆਂ ਬੋਤਲਾਂ ਚੋਰੀ ਕਰਕੇ ਫਰਾਰ ਹੋ ਗਏ।
ਜਿਸ ਠੇਕੇ ਨੂੰ ਚੋਰਾਂ ਨੇ ਲੁੱਟਿਆ ਸੀ, ਉਸ ਦੇ ਬਿਲਕੁਲ ਸਾਹਮਣੇ ਹੀ ਪੁਲਿਸ ਦਾ ਨਾਕਾ ਲੱਗਾ ਹੋਇਆ ਸੀ। ਪੁਲਿਸ ਇੱਥੇ 24 ਘੰਟੇ ਤਇਨਾਤ ਹੁੰਦੀ ਹੈ। ਫਿਰ ਵੀ ਚੋਰਾਂ ਨੇ ਨਾਕੇ ਦੇ ਨਾਲ ਬਣੇ ਠੇਕੇ ਦੀ ਛੱਤ ਤੋੜ ਕੇ ਸ਼ਰਾਬ ਤੇ ਨਕਦੀ ਚੋਰੀ ਕਰ ਲਈ |ਪੁਲਿਸ ਨੇ ਸੀਸੀਟੀਵੀ ਫੁਟੇਜ਼ ਆਪਣੇ ਕਬਜ਼ੇ ਵਿੱਚ ਲੈ ਲਈ ਹੈ। ਸੀਸੀਟੀਵੀ ਫੁਟੇਜ਼ ਦੇ ਆਧਾਰ ‘ਤੇ ਪੁਲਿਸ ਨੇ ਕੇਸ ਦਰਜ ਕਰਕੇ ਐਕਸ਼ਨ ਲੈ ਲਿਆ ਹੈ।
