ਸਿਧਾਰਥ ਮਲਹੋਤਰਾ ਅਤੇ ਕਿਆਰਾ ਅਡਵਾਨੀ ਦੇ ਵਿਆਹ ਦੀ ਰਿਸੈਪਸ਼ਨ ਕੱਲ੍ਹ ਮੁੰਬਈ ਦੇ ਸੇਂਟ ਰੇਗਿਸ ਹੋਟਲ ਵਿੱਚ ਰੱਖੀ ਗਈ ਸੀ। ਸਿਤਾਰਿਆਂ ਨਾਲ ਭਰੀ ਇਸ ਸ਼ਾਮ ‘ਚ ਕਈ ਬਾਲੀਵੁੱਡ ਸਿਤਾਰੇ ਸ਼ਾਮਿਲ ਹੋਏ | ਸਮਾਗਮ ਵਿੱਚ ਸਭ ਤੋਂ ਪਹਿਲਾਂ ਅਭਿਸ਼ੇਕ ਬੱਚਨ ਪਹੁੰਚੇ। ਸਮਾਗਮ ਰਾਤ 8.30 ਵਜੇ ਸ਼ੁਰੂ ਹੋਇਆ। ਰਾਤ ਕਰੀਬ 9 ਵਜੇ ਸਿਧਾਰਥ-ਕਿਆਰਾ ਬਲੈਕ-ਵਾਈਟ ਪਹਿਰਾਵੇ ‘ਚ ਆਏ। ਦੋਵੇਂ ਬੇਹੱਦ ਖੂਬਸੂਰਤ ਲੱਗ ਰਹੇ ਸਨ।
ਪਾਰਟੀ ਵਿੱਚ ਅਜੇ ਦੇਵਗਨ-ਕਾਜੋਲ, ਆਲੀਆ ਭੱਟ, ਵਿਦਿਆ ਬਾਲਨ ਪਤੀ ਸਿਧਾਰਥ ਰਾਏ ਕਪੂਰ, ਰਣਵੀਰ ਸਿੰਘ, ਅਨੁਪਮ ਖੇਰ, ਵਰੁਣ ਧਵਨ ਪਤਨੀ ਨਤਾਸ਼ਾ ਨਾਲ, ਸ਼ਿਲਪਾ ਸ਼ੈੱਟੀ, ਵਿੱਕੀ ਕੌਸ਼ਲ ਨਾਲ ਨਜ਼ਰ ਆਏ।
ਸਿਧਾਰਥ- ਕਿਆਰਾ ਨੇ ਮੁੰਬਈ ਵਾਪਸ ਆ ਕੇ ਮੀਡੀਆ ਅਤੇ ਪਾਪਰਾਜ਼ੀ ਨੂੰ ਮਿਠਾਈ ਵੰਡੀ ਸੀ। ਇਨ੍ਹਾਂ ਮਿਠਾਈ ਦੇ ਡੱਬਿਆਂ ਦੇ ਅੰਦਰ ਇਕ ਛੋਟਾ ਜਿਹਾ ਨੋਟ ਵੀ ਸੀ ਜਿਸ ‘ਤੇ ਕਿਆਰਾ ਅਤੇ ਸਿਧਾਰਥ ਦੇ ਨਾਂ ਲਿਖੇ ਹੋਏ ਸਨ।
ਖ਼ਬਰਾਂ ਦੀ ਮੰਨੀਏ ਤਾਂ ਕਿਆਰਾ ਨੇ ਵਿਆਹ ਤੋਂ ਬਾਅਦ ਜੋ ਮੰਗਲਸੂਤਰ ਪਹਿਨਿਆ ਸੀ, ਉਸ ਦੀ ਕੀਮਤ ਕਰੀਬ 2 ਕਰੋੜ ਹੈ। ਮੰਗਲਸੂਤਰ ਕਾਫ਼ੀ ਸਧਾਰਨ ਹੈ। ਇਸ ਦੇ ਚਾਰੇ ਪਾਸੇ ਕਾਲੇ ਮੋਤੀ ਸੋਨੇ ਦੀ ਚੇਨ ਨਾਲ ਜੁੜੇ ਹੋਏ ਹਨ। ਵਿਚਕਾਰ ਇੱਕ ਵੱਡਾ ਹੀਰਾ ਹੈ। ਜਾਣਕਾਰੀ ਮੁਤਾਬਕ ਇਹ ਮੰਗਲਸੂਤਰ ਸਿਧਾਰਥ ਮਲਹੋਤਰਾ ਨੇ ਖੁਦ ਖਰੀਦਿਆ ਸੀ।
ਕਿਆਰਾ ਅਡਵਾਨੀ ਅਤੇ ਸਿਧਾਰਥ ਮਲਹੋਤਰਾ ਦੇ ਵਿਆਹ ਦੀ ਫੋਟੋ ਇੰਸਟਾਗ੍ਰਾਮ ‘ਤੇ ਸਭ ਤੋਂ ਵੱਧ ਪਸੰਦ ਕੀਤੀ ਜਾਣ ਵਾਲੀ ਫੋਟੋ ਬਣ ਗਈ ਹੈ। ਕਿਆਰਾ-ਸਿਧਾਰਥ ਦੀ ਫੋਟੋ ਨੂੰ 23 ਮਿਲੀਅਨ ਲਾਈਕਸ ਮਿਲੇ ਹਨ|
