ਨਵੀਂ ਦਿੱਲੀ: BCCI ਵਿਸ਼ਵ ਕੱਪ ਖਿਤਾਬ ਤੋਂ ਬਿਨਾਂ ਦੇਸ਼ ਪਰਤਣ ਵਾਲੀ ਟੀ-20 ਟੀਮ ਨੂੰ ਬਦਲਣ ਦੀ ਯੋਜਨਾ ਬਣਾ ਰਿਹਾ ਹੈ।ਟੀ-20 ਟੀਮ ਨੂੰ ਹਮਲਾਵਰ ਬਣਾਉਣ ਲਈ ਬੋਰਡ ਮਹਿੰਦਰ ਸਿੰਘ ਧੋਨੀ ਨੂੰ ਟੀਮ ਵਿੱਚ ਦੁਬਾਰਾ ਸ਼ਾਮਲ ਕਰ ਸਕਦਾ ਹੈ। ਬੋਰਡ ਨੇ ਧੋਨੀ ਨੂੰ ਟੀ-20 ਵਿਸ਼ਵ ਕੱਪ 2022 ਵਿਚ ਟੀਮ ਦੇ ਨਾਲ ਸਲਾਹਕਾਰ ਦੇ ਤੌਰ ‘ਤੇ ਵੀ ਭੇਜਿਆ ਹੈ। ਰਿਪੋਰਟ ਦੇ ਅਨੁਸਾਰ, ਬੀਸੀਸੀਆਈ ਟੀ-20 ਫਾਰਮੈਟ ਨੂੰ ਮੁੜ ਸੁਰਜੀਤ ਕਰਨ ਲਈ ਕੁਝ ਕਦਮ ਚੁੱਕਣ ਲਈ ਚਰਚਾ ਚੱਲ ਰਹੀ ਹੈ। ਇਸ ‘ਚ ਚਾਹੇ ਹਾਰਦਿਕ ਪੰਡਯਾ ਨੂੰ ਟੀ-20 ਫਾਰਮੈਟ ਦਾ ਕਪਤਾਨ ਬਣਾਉਣਾ ਹੋਵੇ ਜਾਂ ਫਿਰ ਟੀ-20 ਅਤੇ ਵਨਡੇ ‘ਚ ਵੱਖ-ਵੱਖ ਕਪਤਾਨਾਂ ਅਤੇ ਕੋਚਾਂ ਨੂੰ ਲੈ ਕੇ ਜਾਣਾ ਹੋਵੇ। ਅਜਿਹੀਆਂ ਚਰਚਾਵਾਂ ਵੀ ਚੱਲ ਰਹੀਆਂ ਹਨ।
ਇਸ ਦੇ ਨਾਲ ਹੀ ਬੀਸੀਸੀਆਈ ਇੱਕ ਵਾਰ ਫਿਰ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੂੰ ਟੀਮ ਇੰਡੀਆ ਨਾਲ ਜੋੜਨਾ ਚਾਹੁੰਦਾ ਹੈ। ਮਹਿੰਦਰ ਸਿੰਘ ਧੋਨੀ ਨੂੰ ਇਹ ਕੰਮ ਸੌਂਪਿਆ ਜਾ ਸਕਦਾ ਹੈ ਕਿ ਟੀਮ ਇੰਡੀਆ ਨੂੰ ਆਈਸੀਸੀ ਟੂਰਨਾਮੈਂਟਾਂ ਵਿੱਚ ਕ੍ਰਿਕਟ ਕਿਵੇਂ ਖੇਡਣਾ ਚਾਹੀਦਾ ਹੈ। ਰਿਪੋਰਟ ਮੁਤਾਬਕ ਧੋਨੀ ਨੂੰ ਸੀਮਤ ਓਵਰਾਂ ਯਾਨੀ ਟੀ-20 ਅਤੇ ਵਨਡੇ ਲਈ ਵੀ ਕੋਚ ਜਾਂ ਨਿਰਦੇਸ਼ਕ ਬਣਾਇਆ ਜਾ ਸਕਦਾ ਹੈ।
