ਸੋਸ਼ਲ ਮੀਡੀਆ ‘ਤੇ ਸਵਾਲ-ਜਵਾਬ ਦੇ ਸੈਸ਼ਨ ਦੌਰਾਨ ਬਾਲੀਵੁੱਡ ਅਭਿਨੇਤਾ ਸ਼ਾਹਰੁਖ ਖਾਨ ਨੂੰ ਇਕ ਪ੍ਰਸ਼ੰਸਕ ਨੇ ਉਨ੍ਹਾਂ ਦੀ ਖੁਸ਼ੀ ਦਾ ਰਾਜ਼ ਪੁੱਛਿਆ, ਜਿਸ ‘ਤੇ ਉਨ੍ਹਾਂ ਨੇ ਜਵਾਬ ਦਿੱਤਾ, ”ਆਪਣੀਆਂ ਮੁਸ਼ਕਲਾਂ ਆਪਣੇ ਕੋਲ ਰੱਖੋ”। ਖਾਨ (56) ਆਪਣੀ ਬਹੁ-ਉਡੀਕ ਫਿਲਮ ਪਠਾਨ ਦੀ ਰਿਲੀਜ਼ ਤੋਂ ਪਹਿਲਾਂ ਸੋਸ਼ਲ ਮੀਡੀਆ ‘ਤੇ ਸਵਾਲ-ਜਵਾਬ ਸੈਸ਼ਨ ਦਾ ਆਯੋਜਨ ਕਰ ਰਹੇ ਹਨ।
ਇਸ ਦੌਰਾਨ ਜਦੋਂ ਇਕ ਟਵਿੱਟਰ ਯੂਜ਼ਰ ਨੇ ਉਨ੍ਹਾਂ ਨੂੰ ਪੁੱਛਿਆ ਕਿ ਉਨ੍ਹਾਂ ਦੀ ਖੁਸ਼ੀ ਦਾ ਰਾਜ਼ ਕੀ ਹੈ ਤਾਂ ਖਾਨ ਨੇ ਜਵਾਬ ਦਿੱਤਾ, ”ਆਪਣੀਆਂ ਤਕਲੀਫਾਂ ਆਪਣੇ ਕੋਲ ਹੀ ਰੱਖੋ।” ਗੁੱਸੇ ‘ਤੇ ਕਾਬੂ ਰੱਖਣ ਬਾਰੇ ਪੁੱਛੇ ਜਾਣ ‘ਤੇ ਅਭਿਨੇਤਾ ਨੇ ਕਿਹਾ ਕਿ ਉਹ ਸਮੇਂ ਦੇ ਨਾਲ ਸੁਧਰ ਗਏ ਹਨ।
ਪਠਾਨ ਤੋਂ ਇਲਾਵਾ, ਖਾਨ ਰਾਜਕੁਮਾਰ ਹਿਰਾਨੀ ਦੀ ਆਗਾਮੀ ਫਿਲਮ ਡੰਕੀ ਅਤੇ ਐਟਲੀ ਦੁਆਰਾ ਨਿਰਦੇਸ਼ਤ ਜਵਾਨ ਵਿੱਚ ਅਭਿਨੈ ਕਰਦੇ ਨਜ਼ਰ ਆਉਣਗੇ। ਜਦੋਂ ਇਕ ਯੂਜ਼ਰ ਨੇ ਖਾਨ ਨੂੰ 2024 ‘ਚ ਆਉਣ ਵਾਲੀ ਫਿਲਮ ਬਾਰੇ ਪੁੱਛਿਆ ਤਾਂ ਉਨ੍ਹਾਂ ਕਿਹਾ ਕਿ ਇਸ ਬਾਰੇ ਅਜੇ ਕੁਝ ਤੈਅ ਨਹੀਂ ਹੋਇਆ ਹੈ। ਖਾਨ ਨੇ ਕਿਹਾ, ਜਿਨ੍ਹਾਂ ਫਿਲਮਾਂ ‘ਤੇ ਕੰਮ ਚੱਲ ਰਿਹਾ ਹੈ, ਉਨ੍ਹਾਂ ਨੂੰ ਹੁਣ ਖਤਮ ਕਰਨਾ ਹੋਵੇਗਾ। ਕੁਝ ਮਹੀਨਿਆਂ ‘ਚ ਫੈਸਲਾ ਹੋਵੇਗਾ।
