ਨਾਸਾ ਨੇ ਕੁਝ ਸਮੇਂ ਪਹਿਲਾ ਹੀ ਸੋਸ਼ਲ ਮੀਡੀਆ ‘ਤੇ ਆਪਣੇ ਅਧਿਕਾਰਤ ਅਕਾਉਂਟ ‘ਤੇ ਸੌਰ ਮੰਡਲ ਦੇ ਸਭ ਤੋਂ ਵੱਡੇ ਗ੍ਰਹਿ – ਜੁਪੀਟਰ ਦੀ ਤਸਵੀਰ ਸਾਂਝੀ ਕੀਤੀ ਸੀ। ਨਾਸਾ ਨੇ ਜੁਪੀਟਰ ਦੇ ਇੰਨੇ ਨੇੜੇ ਪਹੁੰਚ ਜਾਣ ਦੀ ਖੁਸ਼ੀ ਵਿੱਚ ਜੁਪੀਟਰ ਦੀ ਇਹ ਖਾਸ ਤਸਵੀਰ ਸਾਂਝੀ ਕੀਤੀ ਸੀ।
ਇਸ ਤਸਵੀਰ ‘ਚ ਮਰਹੂਮ ਗਾਇਕ ਸਿੱਧੂ ਮੂਸੇਵਾਲਾ ਦੇ ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਦੀ ਤਸਵੀਰ ਨੂੰ ਜੁਪੀਟਰ ਗ੍ਰਹਿ ਵਿੱਚ ਦੇਖਿਆ ਹੈ। ਸਿੱਧੂ ਮੂਸੇਵਾਲਾ ਦੀ ਤਸਵੀਰ ਦੇਖਣ ਤੋਂ ਬਾਅਦ ਉਨ੍ਹਾਂ ਦੇ ਪ੍ਰਸ਼ੰਸਕ ਲਗਾਤਾਰ ਇਸ ਪੋਸਟ ‘ਤੇ ਪਿਆਰ ਭਰੇ ਕਮੈਂਟਸ ਦੇ ਰਹੇ ਹਨ। ਇਸ ਪੋਸਟ ‘ਤੇ ਇੱਕ ਫੈਨ ਨੇ ਲਿਖਿਆ- ਮੈਂ ਸਿੱਧੂ ਨੂੰ ਦੇਖ ਰਿਹਾ ਹਾਂ। ਉੱਥੇ ਦੂਸਰੇ ਨੇ ਲਿਖਿਆ- ਸਿੱਧੂ ਮੂਸੇਵਾਲਾ ਲਈ ਜਸਟਿਸ! ਇੱਕ ਹੋਰ ਪ੍ਰਸ਼ੰਸਕ ਨੇ ਵੀ ਪੋਸਟ ‘ਤੇ ਲਿਖਿਆ- ਰੈਸਟ ਇਨ ਪੀਸ ! ਨਾਸਾ ਵੱਲੋਂ ਸਾਂਝੀ ਕੀਤੀ ਗਈ ਇਸ ਫੋਟੋ ਉੱਪਰ ਸਿੱਧੂ ਮੂਸੇਵਾਲਾ ਦੇ ਪ੍ਰਸ਼ੰਸਕਾਂ ਦੇ ਨਾਲ-ਨਾਲ ਫਿਲਮੀ ਸਿਤਾਰਿਆਂ ਨੇ ਵੀ ਕੁਮੈਂਟ ਕੀਤੇ ਹਨ |
ਦੱਸਿਆ ਜਾ ਰਿਹਾ ਹੈ ਕਿ ਨਾਸਾ ਨੇ ਇਸ ਗੱਲ ‘ਤੇ ਕੋਈ ਟਿੱਪਣੀ ਨਹੀਂ ਦਿੱਤੀ ਕਿ ਇਹ ਸਿੱਧੂ ਮੂਸੇਵਾਲਾ ਦੀ ਤਸਵੀਰ ਸੱਚਮੁੱਚ ਜੁਪੀਟਰ ‘ਤੇ ਦਿਖਾਈ ਦੇ ਰਹੀ ਹੈ।
