ਬਾਲੀਵੁੱਡ ਅਦਾਕਾਰ ਅਨੁਪਮ ਖੇਰ ਪ੍ਰਤਿਭਾਸ਼ਾਲੀ ਕਲਾਕਾਰਾਂ ਚੋਂ ਇੱਕ ਨੇ,ਅਦਾਕਾਰ ਨੇ ਫਿਲਮਾਂ ‘ਚ ਬਹੁਤ ਸਾਰੇ ਰੋਲ ਨਿਭਾ ਕੇ ਆਪਣੀ ਵੱਖਰੀ ਪਛਾਣ ਬਣਾਈ ਹੋਈ ਹੈ। ਇਸ ਦੇ ਨਾਲ ਹੀ ਅਦਾਕਾਰ ਆਪਣੀ ਅੱਗੇ ਆ ਰਹੀ ਮੂਵੀ ‘ਵਿਜੇ 69’ ਦੀ ਸ਼ੂਟਿੰਗ ਦੌਰਾਨ ਜ਼ਖਮੀ ਹੋ ਗਏ ਹਨ। ਅਨੁਪਮ ਖੇਰ ਨੇ ਅੱਜ ਯਾਨੀ ਸੋਮਵਾਰ ਸਵੇਰੇ ਸੋਸ਼ਲ ਮੀਡਿਆ ‘ਤੇ ਸਲਿੰਗ ਪਾਈ ਹੋਈ ਤਸਵੀਰ ਸਾਂਝੀ ਕੀਤੀ ਹੈ।
ਅਦਾਕਾਰ ਅਨੁਪਮ ਖੇਰ ਨੇ ਸੋਸ਼ਲ ਮੀਡਿਆ ਤੇ ਆਪਣੀ ਇੱਕ ਤਸਵੀਰ ਸਾਂਝੀ ਕੀਤੀ ਹੈ। ਤਸਵੀਰ ‘ਚ ਪੋਜ਼ ਦਿੰਦੇ ਹੋਏ ਅਨੁਪਮ ਖੇਰ ਮੁਸਕਰਾ ਰਹੇ ਹਨ। ਅਦਾਕਾਰ ਨੇ ਇਹ ਵੀ ਕਿਹਾ ਹੈ ਕਿ ਜਿਸ ਆਦਮੀ ਨੇ ਇਹ ਸਲਿੰਗ ਦਾ ਉਪਯੋਗ ਕੀਤਾ ਹੈ, ਉਸ ਨੇ ਦੱਸਿਆ ਕਿ ਇਹ ਸੀਲਿੰਗ ਸ਼ਾਹਰੁਖ ਖਾਨ ਅਤੇ ਰਿਤਿਕ ਰੋਸ਼ਨ ਲਈ ਵੀ ਵਰਤੀ ਗਈ ਸੀ, ਇਹ ਸੁਣ ਕੇ ਉਨ੍ਹਾਂ ਦਾ ਦਰਦ ਕੁਛ ਘੱਟ ਹੋ ਗਿਆ। ਅਦਾਕਾਰ ਅਨੁਪਮ ਖੇਰ ਨੇ ਪੋਸਟ ਵਿਚ ਕਿਹਾ ਹੈ ਕਿ, “ਤੁਸੀਂ ਇੱਕ ਸਪੋਰਟਸ ਫਿਲਮ ਕਰ ਰਹੇ ਹੋ ਅਤੇ ਤੁਹਾਨੂੰ ਸੱਟ ਨਾ ਲੱਗੇ !! ਇਹ ਹੋ ਹੀ ਨਹੀਂ ਸਕਦਾ | ਫਿਲਮ ‘ਵਿਜੇ 69’ ਦੇ ਸੈੱਟ ‘ਤੇ ਕੱਲ੍ਹ ਮੋਢੇ ਉੱਪਰ ਸੱਟ ਲੱਗੀ ਸੀ।”
