ਪੁਣੇ ‘ਚ ਕੱਲ ਯਾਨੀ ਸ਼ੁੱਕਰਵਾਰ ਦੇਰ ਰਾਤ ਇਕ ਗੋਦਾਮ ‘ਚ ਭਿਆਨਕ ਅੱਗ ਲੱਗਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਅੱਗ ਲੱਗ ਜਾਣ ਤੋਂ ਮਗਰੋਂ ਇੱਥੇ ਰੱਖੇ 4-5 ਸਿਲੰਡਰਾਂ ਵਿੱਚ ਤੇਜ਼ ਧਮਾਕਾ ਹੋ ਗਿਆ। ਇਸ ਹਾਦਸੇ ‘ਚ 3 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਪੁਲਿਸ ਦੇ ਅਨੁਸਾਰ ਅੱਗ ਲੱਗਣ ਦੀ ਘਟਨਾ ਸ਼ਹਿਰ ਦੇ ਵਾਘੋਲੀ ਇਲਾਕੇ ਦੇ ਉਬਲੇ ਨਗਰ ਵਿੱਚ ਰਾਤ 11.45 ਵਜੇ ਵਾਪਰੀ ਹੈ। ਗੋਦਾਮ ਦੇ ਵਿੱਚ ਵਿਆਹ ਸਮਾਗਮ ਦਾ ਸਾਮਾਨ ਪਿਆ ਹੋਇਆ ਸੀ।
ਦੱਸਿਆ ਜਾ ਰਿਹਾ ਹੈ ਕਿ ਗੋਦਾਮ ਦੇ ਬਿਲਕੁਲ ਪਿੱਛੇ ਇੱਕ ਗੈਸ ਦਾ ਗੋਦਾਮ ਵੀ ਬਣਿਆ ਹੋਇਆ ਹੈ, ਇਸ ਗੈਸ ਗੋਦਾਮ ‘ਚ 400 ਸਿਲੰਡਰ ਰੱਖੇ ਹੋਏ ਸੀ, ਪਰ ਅੱਗ ਅਤੇ ਧਮਾਕੇ ਤੋਂ ਬਾਅਦ ਕੋਈ ਨੁਕਸਾਨ ਨਹੀਂ ਹੋਇਆ। ਅੱਗ ਲੱਗਣ ਦਾ ਕਾਰਨ ਹਾਲੇ ਪਤਾ ਨਹੀਂ ਲੱਗ ਸਕੇ। ਫਾਇਰ ਬ੍ਰਿਗੇਡ ਦੇ ਮੁਲਾਜ਼ਮਾਂ ਨੇ ਮੌਕੇ ‘ਤੇ ਪਹੁੰਚ ਕੇ ਅੱਗ ਬੁਝਾ ਦਿੱਤੀ ਹੈ।
