ਸਮੱਗਰੀ:
ਕੋਫਤਾ ਲਈ:
ਪੀਸਿਆ ਹੋਇਆ ਪਨੀਰ – 1 ਕੱਪ
ਉਬਲੇ ਹੋਏ ਆਲੂ – 2
ਮਾਵਾ – 1/2 ਕੱਪ
ਆਟਾ – 50 ਗ੍ਰਾਮ
ਅਦਰਕ-ਲਸਣ ਦਾ ਪੇਸਟ – 2 ਚੱਮਚ
ਲਾਲ ਮਿਰਚ – 1 ਚਮਚ
ਹਲਦੀ – 1/2 ਚਮਚ
ਧਨੀਆ ਪਾਊਡਰ – 1/2 ਚੱਮਚ
ਜੀਰਾ – 1 ਚਮਚ
ਹਰਾ ਧਨੀਆ ਕੱਟਿਆ ਹੋਇਆ – 2 ਚਮਚ
ਸਰ੍ਹੋਂ ਦਾ ਤੇਲ – 3 ਚਮਚ
ਸੌਗੀ – 2 ਚਮਚ
ਲੂਣ – ਸੁਆਦ ਅਨੁਸਾਰ
ਗ੍ਰੇਵੀ ਲਈ:
ਟਮਾਟਰ ਪਿਊਰੀ – 1 ਕੱਪ
ਦਹੀਂ – 1/2 ਕੱਪ
ਦੁੱਧ – 100 ਗ੍ਰਾਮ
ਪਿਆਜ਼ ਕੱਟਿਆ ਹੋਇਆ – 2
ਅਦਰਕ-ਲਸਣ ਦਾ ਪੇਸਟ – 4 ਚੱਮਚ
ਧਨੀਆ ਪਾਊਡਰ – 1 ਚਮਚ
ਲਾਲ ਮਿਰਚ ਪਾਊਡਰ – 1.5 ਚਮਚ
ਹਲਦੀ – 1 ਚਮਚ
ਬੇ ਪੱਤੇ – 2
ਲੌਂਗ – 10
ਜੀਰਾ – 2 ਚੱਮਚ
ਦਾਲਚੀਨੀ – 2 ਟੁਕੜੇ
ਹਰੀ ਇਲਾਇਚੀ – 6
ਵੱਡੀ ਇਲਾਇਚੀ – 2
ਖੰਡ – 1/2 ਚਮਚ
ਰਿਫਾਇੰਡ ਤੇਲ – 3 ਚਮਚ
ਪਨੀਰ ਕੋਫਤਾ ਰੈਸਿਪੀ
ਸੁਆਦੀ ਪਨੀਰ ਕੋਫਤਾ ਬਣਾਉਣ ਲਈ, ਪਹਿਲਾਂ ਆਲੂ ਨੂੰ ਉਬਾਲੋ ਅਤੇ ਉਨ੍ਹਾਂ ਨੂੰ ਛਿੱਲ ਕੇ ਪੀਸ ਲਓ।
ਇਸ ਤੋਂ ਬਾਅਦ ਇਕ ਵੱਡਾ ਮਿਕਸਿੰਗ ਬਾਊਲ ਲਓ ਅਤੇ ਇਸ ਵਿਚ ਪੀਸੇ ਹੋਏ ਆਲੂ, ਪਨੀਰ ਅਤੇ ਮਾਵਾ ਪਾ ਕੇ ਚੰਗੀ ਤਰ੍ਹਾਂ ਨਾਲ ਮਿਕਸ ਕਰ ਲਓ।
ਹੁਣ ਇਸ ਤਿਆਰ ਮਿਸ਼ਰਣ ਵਿਚ ਜੀਰਾ, ਧਨੀਆ, ਕਿਸ਼ਮਿਸ਼, ਹਲਦੀ, ਅਦਰਕ-ਲਸਣ ਦਾ ਪੇਸਟ ਅਤੇ ਸਵਾਦ ਅਨੁਸਾਰ ਨਮਕ ਪਾਓ ਅਤੇ ਇਨ੍ਹਾਂ ਸਾਰਿਆਂ ਨੂੰ ਚੰਗੀ ਤਰ੍ਹਾਂ ਨਾਲ ਮਿਲਾਓ।
ਇਸ ਤੋਂ ਬਾਅਦ ਹਰੇ ਧਨੀਏ ਦੀਆਂ ਪੱਤੀਆਂ ਅਤੇ ਸਰ੍ਹੋਂ ਦਾ ਤੇਲ ਪਾ ਕੇ ਮਿਸ਼ਰਣ ਨੂੰ ਚੰਗੀ ਤਰ੍ਹਾਂ ਨਾਲ ਗੁੰਨ ਲਓ।
– ਮਿਸ਼ਰਣ ਨੂੰ ਉਦੋਂ ਤੱਕ ਗੁਨ੍ਹੋ ਜਦੋਂ ਤੱਕ ਸਖ਼ਤ ਪੇਸਟ ਨਾ ਬਣ ਜਾਵੇ।
ਇਸ ਤੋਂ ਬਾਅਦ ਕੜਾਹੀ ‘ਚ ਤੇਲ ਪਾ ਕੇ ਗਰਮ ਕਰੋ।
ਤੇਲ ਗਰਮ ਹੋਣ ਤੋਂ ਬਾਅਦ ਇਸ ‘ਚ ਪੇਸਟ ਦੇ ਬਣੇ ਕੋਫਤੇ ਪਾ ਕੇ ਭੁੰਨ ਲਓ। ਹੁਣ ਤੁਹਾਡੇ ਕੋਫਤੇ ਤਿਆਰ ਹਨ। ਇਨ੍ਹਾਂ ਨੂੰ ਪਲੇਟ ‘ਚ ਕੱਢ ਕੇ ਰੱਖੋ।
ਗ੍ਰੇਵੀ ਨੂੰ ਕਿਵੇਂ ਤਿਆਰ ਕਰਨਾ ਹੈ
ਹੁਣ ਅਸੀਂ ਪਨੀਰ ਕੋਫਤੇ ਦੀ ਗਰੇਵੀ ਤਿਆਰ ਕਰਾਂਗੇ। ਇਸ ਦੇ ਲਈ ਸਭ ਤੋਂ ਪਹਿਲਾਂ ਇੱਕ ਪੈਨ ਵਿੱਚ ਰਿਫਾਇੰਡ ਤੇਲ ਗਰਮ ਕਰੋ।
ਹੁਣ ਇਸ ਗਰਮ ਤੇਲ ‘ਚ ਬੇ ਪੱਤੇ, ਲੌਂਗ, ਦਾਲਚੀਨੀ ਸਮੇਤ ਸਾਰੇ ਸੁੱਕੇ ਪੂਰੇ ਮਸਾਲੇ ਪਾਓ ਅਤੇ 1 ਮਿੰਟ ਲਈ ਫਰਾਈ ਕਰੋ।
ਇਸ ਤੋਂ ਬਾਅਦ ਇਸ ਵਿਚ ਪਿਆਜ਼, ਅਦਰਕ-ਲਸਣ ਦਾ ਪੇਸਟ, ਧਨੀਆ ਪਾਊਡਰ, ਲਾਲ ਮਿਰਚ ਪਾਊਡਰ ਅਤੇ ਨਮਕ ਪਾ ਕੇ ਮਿਕਸ ਕਰ ਲਓ।
ਪਿਆਜ਼ ਨੂੰ ਹਲਕਾ ਗੁਲਾਬੀ ਹੋਣ ਤੱਕ ਭੁੰਨ ਲਓ।
ਇਸ ਤੋਂ ਬਾਅਦ ਟਮਾਟਰ ਦੀ ਪਿਊਰੀ ਅਤੇ ਦੁੱਧ ਪਾ ਕੇ ਪਕਣ ਦਿਓ।
ਜਦੋਂ ਗ੍ਰੇਵੀ ਥੋੜੀ ਜਿਹੀ ਪੱਕ ਜਾਵੇ ਤਾਂ ਇਸ ਵਿਚ ਦਹੀਂ ਅਤੇ ਚੀਨੀ ਪਾ ਕੇ ਮਿਕਸ ਕਰ ਲਓ।
ਹੁਣ ਪੈਨ ਨੂੰ ਢੱਕ ਦਿਓ ਅਤੇ ਗ੍ਰੇਵੀ ਨੂੰ 15 ਮਿੰਟ ਲਈ ਘੱਟ ਅੱਗ ‘ਤੇ ਪਕਾਉਣ ਦਿਓ। ਇਸ ਤੋਂ ਬਾਅਦ ਗ੍ਰੇਵੀ ‘ਚ ਤਲੇ ਹੋਏ ਕੋਫਤੇ ਪਾ ਕੇ ਮਿਕਸ ਕਰ ਲਓ।
ਸਬਜ਼ੀ ਨੂੰ 5 ਮਿੰਟ ਹੋਰ ਪਕਾਓ ਅਤੇ ਫਿਰ ਗੈਸ ਬੰਦ ਕਰ ਦਿਓ।
ਲਓ ਸੁਆਦ ਵਾਲੇ ਪਨੀਰ ਦੇ ਕੋਫਤੇ ਤਿਆਰ ਹਨ।
ਇਸ ਨੂੰ ਹਰੇ ਧਨੀਏ ਦੀਆਂ ਪੱਤੀਆਂ ਅਤੇ ਨਿੰਬੂ ਦਾ ਰਸ ਪਾ ਕੇ ਸਰਵ ਕਰੋ।
