ਕ੍ਰਿਕਟਰ ਹਾਰਦਿਕ ਪੰਡਯਾ ਨੇ ਨਤਾਸ਼ਾ ਸਟੈਨਕੋਵਿਚ ਨਾਲ ਉਦੈਪੁਰ ‘ਚ ਡੈਸਟੀਨੇਸ਼ਨ ਵੈਡਿੰਗ ਕਰਵਾਈ ਹੈ। 15 ਫਰਵਰੀ ਨੂੰ ਦੋਹਾਂ ਨੇ ਹਿੰਦੂ ਧਰਮ ਦੇ ਅਨੁਸਾਰ ਵਿਆਹ ਕੀਤਾ ਸੀ, ਜਿਸ ਦੀਆਂ ਤਸਵੀਰਾਂ ਹੁਣ ਸਾਹਮਣੇ ਆਈਆਂ ਹਨ। ਇਹ ਤਸਵੀਰਾਂ ਹਾਰਦਿਕ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸ਼ੇਅਰ ਕੀਤੀਆਂ ਹਨ। ਜਿਸ ‘ਚ ਇਹ ਜੋੜਾ ਰੋਇਲ ਅਵਤਾਰ ਚ ਦਿਖਾਈ ਦੇ ਰਿਹਾ ਹੈ। ਵਿਆਹ ਵਿੱਚ ਹਾਰਦਿਕ ਕ੍ਰੀਮ ਰੰਗ ਦੀ ਸ਼ੇਰਵਾਨੀ ਅਤੇ ਨਤਾਸ਼ਾ ਲਾਲ ਤੇ ਸੁਨਹਿਰੀ ਰੰਗ ਦੇ ਜੋੜੇ ਵਿੱਚ ਵਿਖਾਈ ਦੇ ਰਹੇ ਹਨ |
ਹਾਰਦਿਕ ਅਤੇ ਨਤਾਸ਼ਾ ਨੇ ਉਦੈਪੁਰ ਦੇ ਉਦੈ ਸਾਗਰ ਝੀਲ ਦੇ ਰੈਫਲਜ਼ ਹੋਟਲ ਵਿੱਚ ਇੱਕ ਦੂਜੇ ਨੂੰ ਹਾਰ ਪਹਿਨਾਏ। ਹਾਰਦਿਕ ਪੰਡਯਾ ਅਤੇ ਉਸ ਦੇ ਭਰਾ ਕਰੁਣਾਲ ਪੰਡਯਾ ਨੇ ਬਰਾਤ ‘ਚ ਬਹੁਤ ਡਾਂਸ ਕੀਤਾ। ਦੋਵੇਂ ਭਰਾਵਾਂ ਨੇ ਡੀਜੇ ਦੀ ਆਵਾਜ਼ ‘ਤੇ ਖੂਬ ਡਾਂਸ ਕੀਤਾ। ਇਸ ਤੋਂ ਬਾਅਦ ਹਿੰਦੂ ਰੀਤੀ ਰਿਵਾਜਾਂ ਦੇ ਅਨੁਸਾਰ ਸ਼ਾਮ ਦੇ ਸਮੇ ਜੋੜੇ ਨੇ ਸੱਤ ਫੇਰੇ ਲਏ।
ਹਾਰਦਿਕ ਪੰਡਯਾ ਵਿੰਟੇਜ ਕਾਰ ‘ਚ ਲਾੜੇ ਦੇ ਰੂਪ ‘ਚ ਬੈਠੇ ਸਨ। ਹਾਰਦਿਕ ਦੇ ਵਿਆਹ ‘ਚ ਕ੍ਰਿਕਟ ਅਤੇ ਬਾਲੀਵੁੱਡ ਸਿਤਾਰਿਆਂ ਦੇ ਨਾਲ ਆਕਾਸ਼ ਅਤੇ ਸ਼ਲੋਕਾ ਅੰਬਾਨੀ ਵੀ ਪਹੁੰਚੇ ਸਨ। ਪੰਡਯਾ ਤੇ ਉਸ ਦੀ ਪਤਨੀ ਨਤਾਸ਼ਾ ਨੇ ਦੋਵੇ ਧਰਮਾਂ ਦੇ ਰੀਤੀ-ਰਿਵਾਜਾਂ ਅਨੁਸਾਰ ਵਿਆਹ ਕਰਵਾਇਆ ਹੈ । ਉਨ੍ਹਾਂ ਦਾ ਬੇਟਾ ਵੀ ਇਸ ਡੈਸਟੀਨੇਸ਼ਨ ਵੈਡਿੰਗ ਵਿਚ ਸ਼ਮਿਲ ਹੋਇਆ ਹੈ |
ਇਸ ਤੋਂ ਪਹਿਲਾਂ ਵੈਲੇਨਟਾਈਨ ਡੇ ‘ਤੇ ਦੋਵਾਂ ਨੇ ਈਸਾਈ ਰੀਤੀ-ਰਿਵਾਜਾਂ ਨਾਲ ਵਿਆਹ ਕੀਤਾ ਸੀ। ਵਿਆਹ ਵਿੱਚ ਨਤਾਸ਼ਾ ਸਫੇਦ ਗਾਊਨ ਵਿੱਚ ਅਤੇ ਹਾਰਦਿਕ ਕਾਲੇ ਸੂਟ ਵਿੱਚ ਨਜ਼ਰ ਆਏ ਸੀ |ਵਿਆਹ ਦੀਆਂ ਸਾਰੀਆਂ ਰਸਮਾਂ 13 ਫਰਵਰੀ ਤੋਂ ਸ਼ੁਰੂ ਹੋਈਆਂ, ਜੋ 16 ਫਰਵਰੀ ਤੱਕ ਜਾਰੀ ਰਹੀਆਂ । ਵਿਆਹ ਦੀ ਥੀਮ ਪੂਰੀ ਤਰ੍ਹਾਂ ਸਫੈਦ ਰੱਖੀ ਗਈ ਸੀ। । ਮਹਿੰਦੀ, ਸੰਗੀਤ ਅਤੇ ਹਲਦੀ ਵਰਗੇ ਵਿਆਹ ਤੋਂ ਪਹਿਲਾਂ ਦੇ ਫੰਕਸ਼ਨ 13 ਫਰਵਰੀ ਦੀ ਸ਼ਾਮ ਤੋਂ ਹੀ ਸ਼ੁਰੂ ਹੋ ਗਏ ਸੀ ।
