ਗ੍ਰਨੇਡ ਹਮਲੇ ਤੋਂ ਬਾਅਦ ਜੰਮੂ-ਕਸ਼ਮੀਰ ‘ਚ ਹਾਈ ਅਲਰਟ ਐਲਾਨ ਕਰ ਦਿੱਤਾ ਗਿਆ ਹੈ। ਇਹ ਹਮਲਾ ਮੰਗਲਵਾਰ ਦੇਰ ਸ਼ਾਮ ਜੰਮੂ ਜ਼ਿਲ੍ਹੇ ਦੇ ਸਿੱਧਰਾ ਇਲਾਕੇ ਵਿੱਚ ਇੱਕ ਪੁਲਿਸ ਚੌਕੀ ਨੇੜੇ ਹੋਇਆ। ਪੁਲਸ ਸੂਤਰਾਂ ਨੇ ਦੱਸਿਆ ਕਿ ਧਮਾਕਾ ਪੁਲਸ ਭਵਨ ਦੇ ਬਾਹਰ ਹੋਇਆ।
ਸੂਤਰਾਂ ਨੇ ਦੱਸਿਆ, ”ਧਮਾਕੇ ਵਾਲੀ ਥਾਂ ਤੋਂ ਗ੍ਰੇਨੇਡ ਦਾ ਲੀਵਰ ਬਰਾਮਦ ਕੀਤਾ ਗਿਆ ਹੈ। ਧਮਾਕੇ ਕਾਰਨ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ।” ਸੂਤਰਾਂ ਨੇ ਕਿਹਾ ਕਿ ਘਾਟੀ ਦੇ ਬਡਗਾਮ ਜ਼ਿਲੇ ਵਿਚ 2018 ਵਿਚ ਅੱਤਵਾਦੀਆਂ ਦੁਆਰਾ ਇਸੇ ਤਰ੍ਹਾਂ ਦੇ ਗ੍ਰਨੇਡ ਦੀ ਵਰਤੋਂ ਕੀਤੇ ਜਾਣ ਤੋਂ ਬਾਅਦ ਕੇਂਦਰ ਸ਼ਾਸਤ ਪ੍ਰਦੇਸ਼ ਵਿਚ ਹਾਈ ਅਲਰਟ ਘੋਸ਼ਿਤ ਕੀਤਾ ਗਿਆ ਹੈ।
