ਉਜੈਨ ਦੇ ਬਦਨਗਰ ‘ਚ ਸੋਮਵਾਰ ਨੂੰ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਵਾਪਰੀ। ਇੱਥੇ ਡਾਇਵਰਸ਼ਨ ਰੋਡ ‘ਤੇ ਰਹਿਣ ਵਾਲਾ 68 ਸਾਲਾ ਬਜ਼ੁਰਗ ਦਯਾਰਾਮ ਬੜੌਦ ਘਰ ‘ਚ ਚਾਰਜ ਹੋ ਰਹੇ ਮੋਬਾਈਲ ‘ਤੇ ਗੱਲ ਕਰ ਰਿਹਾ ਸੀ। ਇਸ ਦੌਰਾਨ ਮੋਬਾਈਲ ‘ਚ ਧਮਾਕਾ ਹੋਇਆ, ਜਿਸ ਕਾਰਨ ਬਜ਼ੁਰਗ ਦੇ ਸਿਰ ਤੋਂ ਲੈ ਕੇ ਛਾਤੀ ਤੱਕ ਦੇ ਟੁਕੜੇ ਹੋ ਗਏ।
ਮੌਕੇ ਤੋਂ ਕੋਈ ਵਿਸਫੋਟਕ ਸਮੱਗਰੀ ਨਹੀਂ ਮਿਲੀ। ਓਪੋ ਕੰਪਨੀ ਦਾ ਸਿਰਫ ਇੱਕ ਫੋਨ ਬੁਰੀ ਤਰ੍ਹਾਂ ਖਰਾਬ ਪਾਇਆ ਗਿਆ। ਪੁਲਿਸ ਨੇ ਮੋਬਾਈਲ ਦੇ ਟੁਕੜੇ ਜ਼ਬਤ ਕਰਕੇ ਜਾਂਚ ਲਈ ਭੇਜ ਦਿੱਤੇ ਹਨ। ਅੰਦਾਜ਼ਾ ਲਗਾਇਆ ਜਾ ਰਿਹਾ ਸੀ ਕਿ ਹੋ ਸਕਦਾ ਹੈ ਕਿ ਉਹ ਚਾਰਜਿੰਗ ਹਾਲਤ ‘ਚ ਆਪਣੇ ਮੋਬਾਈਲ ‘ਤੇ ਗੱਲ ਕਰ ਰਿਹਾ ਸੀ, ਜਿਸ ਦੌਰਾਨ ਉਹ ਮੋਬਾਈਲ ਧਮਾਕੇ ਦੀ ਲਪੇਟ ‘ਚ ਆ ਗਏ ।
ਦਯਾਰਾਮ ਨੇ ਸੋਮਵਾਰ ਨੂੰ ਗਾਮੀ ਦੇ ਪ੍ਰੋਗਰਾਮ ਲਈ ਆਪਣੇ ਦੋਸਤ ਦਿਨੇਸ਼ ਨਾਲ ਇੰਦੌਰ ਜਾਣਾ ਸੀ। ਦਿਨੇਸ਼ ਰੇਲਵੇ ਸਟੇਸ਼ਨ ਪਹੁੰਚਿਆ ਅਤੇ ਉਸ ਲਈ ਇੰਦੌਰ ਦੀ ਟਿਕਟ ਵੀ ਲੈ ਲਈ। ਜਦੋਂ ਉਹ ਕਾਫੀ ਦੇਰ ਤੱਕ ਸਟੇਸ਼ਨ ਨਹੀਂ ਪਹੁੰਚਿਆ ਤਾਂ ਦਿਨੇਸ਼ ਨੇ ਉਸ ਨੂੰ ਫੋਨ ਕੀਤਾ,ਕਾਲ ਰਿਸੀਵ ਹੁੰਦੇ ਹੀ ਮੋਬਾਇਲ ਸਵਿੱਚ ਆਫ ਹੋ ਗਿਆ |ਜਿਸ ਤੋਂ ਬਾਅਦ ਦਿਨੇਸ਼ ਉਸ ਨੂੰ ਦੇਖਣ ਲਈ ਖੇਤ ਪਹੁੰਚਿਆ ਤਾਂ ਉੱਥੇ ਦਾ ਨਜ਼ਾਰਾ ਦੇਖ ਕੇ ਉਹ ਹੈਰਾਨ ਰਹਿ ਗਿਆ। ਉਸ ਨੇ ਇਸ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ।
ਸੂਚਨਾ ਮਿਲਣ ‘ਤੇ ਟੀਆਈ ਮਨੀਸ਼ ਮਿਸ਼ਰਾ ਅਤੇ ਐਸਆਈ ਜਤਿੰਦਰ ਪਾਟੀਦਾਰ ਮੌਕੇ ‘ਤੇ ਪਹੁੰਚੇ। ਬਜ਼ੁਰਗ ਦੀ ਗਰਦਨ ਤੋਂ ਛਾਤੀ ਤੱਕ ਦਾ ਹਿੱਸਾ ਅਤੇ ਇੱਕ ਹੱਥ ਪੂਰੀ ਤਰ੍ਹਾਂ ਉੱਡ ਗਿਆ। ਪੁਲਿਸ ਨੇ ਕਿਹਾ ਕਿ ਪਹਿਲੀ ਨਜ਼ਰੇ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਧਮਾਕਾ ਹੋਇਆ ਸੀ।ਮੌਕੇ ‘ਤੇ ਓਪੋ ਕੰਪਨੀ ਦਾ ਮੋਬਾਈਲ ਫ਼ੋਨ ਟੁੱਟੀ ਹਾਲਤ ‘ਚ ਮਿਲਿਆ। ਪਾਵਰ ਪੁਆਇੰਟ ਵੀ ਪੂਰੀ ਤਰ੍ਹਾਂ ਸੜ ਗਿਆ। ਮੌਕੇ ‘ਤੇ ਕੋਈ ਹੋਰ ਜਲਣਸ਼ੀਲ ਸਮੱਗਰੀ ਨਹੀਂ ਮਿਲੀ।
ਪੁਲਿਸ ਨੇ ਦੱਸਿਆ ਕਿ ਮੋਬਾਈਲ ਬਲਾਸਟ ਹੋਣ ਕਾਰਨ ਬਜ਼ੁਰਗ ਦੀ ਮੌਤ ਹੋਣ ਦਾ ਅੰਦਾਜ਼ਾ ਹੈ। ਲਾਸ਼ ਦਾ ਪੀਐਮ ਕਰਵਾ ਕੇ ਵਾਰਸਾਂ ਨੂੰ ਸੌਂਪ ਦਿੱਤੀ ਗਈ ਹੈ। ਬਜ਼ੁਰਗ ਖੇਤੀ ਦਾ ਕੰਮ ਕਰਦੇ ਸੀ । ਪਤਨੀ ਦੀ ਮੌਤ ਤੋਂ ਬਾਅਦ ਉਨ੍ਹਾਂ ਦੀ ਬੱਚਿਆਂ ਨਾਲ ਨਹੀਂ ਬਣਦੀ ਸੀ , ਜਿਸ ਕਾਰਨ ਉਹ ਖੇਤ ‘ਚ ਬਣੇ ਕਮਰੇ ‘ਚ ਇਕੱਲਾ ਰਹਿੰਦੇ ਸੀ।
