ਹਰਿਆਣਾ ਦੀ ਮਸ਼ਹੂਰ ਸਪਨਾ ਚੌਧਰੀ ਨੇ ਕਾਨਸ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ 2023 ਵਿੱਚ ਡੈਬਿਊ ਕਰ ਲਿਆ ਹੈ। ਸਪਨਾ ਚੋਧਰੀ ਰੈੱਡ ਕਾਰਪੇਟ ‘ਤੇ ਬੇਹੱਦ ਖੂਬਸੂਰਤ ਲੱਗ ਰਹੀ ਹੈ। ਸਪਨਾ ਚੌਧਰੀ ਦੀਆ ਸੋਸ਼ਲ ਮੀਡਿਆ ‘ਤੇ ਤਸਵੀਰ ‘ਤੇ ਵੀਡੀਓ ਕਾਫੀ ਵਾਇਰਲ ਹੋ ਰਹੀਆਂ ਹਨ |
ਇਨ੍ਹਾਂ ਤਸਵੀਰਾਂ ‘ਚ ਸਪਨਾ ਸਾਫਟ ਪਿੰਕ ਲੰਬੇ ਗਾਊਨ ‘ਚ ਦਿਖਾਈ ਦੇ ਰਹੀ ਹੈ। ਇਸ ਦੇ ਨਾਲ ਹੀ ਡਰੈੱਸ ‘ਚ ਫੁੱਲਾਂ ਦੀ ਕਢਾਈ ਹੋਈ ਹੈ। ਸਪਨਾ ਚੌਧਰੀ ਦੇ ਇਸ ਗਾਉਨ ਦਾ ਵਜ਼ਨ 30 ਕਿਲੋ ਦੱਸਿਆ ਜਾ ਰਿਹਾ ਹੈ।
ਸਪਨਾ ਚੌਧਰੀ ਨੇ ਕਾਨਸ ਫਿਲਮ ਫੈਸਟੀਵਲ ਦੀਆ ਫੋਟੋਆਂ ਆਪਣੇ ਫੈਨਸ ਨਾਲ ਸਾਂਝੀਆਂ ਕੀਤੀਆਂ ਹਨ | ਇਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ ਹੈ ਕਿ, ‘ਕਾਨਸ ਫਿਲਮ ਫੈਸਟੀਵਲ 2023 ‘ਚ ਡੈਬਿਊ। ਸੁਪਨੇ ਸੱਚਮੁੱਚ ਸੱਚ ਹੋ ਜਾਂਦੇ ਨੇ। ਇਹ ਕੜੀ ਮਿਹਨਤ, ਵਿਸ਼ਵਾਸ ਅਤੇ ਕੁਰਬਾਨੀਆਂ ਨਾਲ ਭਰਿਆ ਸਫ਼ਰ ਰਿਹਾ। ਸਭ ਦਾ ਸ਼ੁਕਰੀਆ ਜਿਨ੍ਹਾਂ ਨੇ ਇਹ ਮੁਮਕਿਨ ਕੀਤਾ ਹੈ।
ਸਪਨਾ ਚੌਧਰੀ ਨੇ ਕਾਨਸ ਫਿਲਮ ਫੈਸਟੀਵਲ 2023 ਦੇ ਰੈੱਡ ਕਾਰਪੇਟ ‘ਤੇ ਅਜਿਹਾ ਸ਼ਾਨਦਾਰ ਵਾਕ ਕੀਤਾ ਹੈ। ਅਜਿਹਾ ਪਹਿਲੀ ਵਾਰੀ ਹੋਇਆ ਹੈ ਕਿ ਕੋਈ ਖੇਤਰੀ ਸ਼ਖ਼ਸੀਅਤ ਵਿਸ਼ਵ ਦੇ ਸਭ ਤੋਂ ਵੱਡੇ ਕਾਨਸ ਫਿਲਮ ਫੈਸਟੀਵਲ ਵਿੱਚ ਪਹੁੰਚੀ ਹੋਵੇ।
ਹਰਿਆਣਾ ਤੋਂ ਸਪਨਾ ਚੌਧਰੀ ਨੇ ਕਾਨਸ ਫਿਲਮ ਫੈਸਟੀਵਲ ਤੱਕ ਪਹੁੰਚ ਕੇ ਖੁਦ ਦੀ ਮਿਹਨਤ ਅਤੇ ਪ੍ਰਤਿਭਾ ਦਿਖਾ ਦਿੱਤੀ ਹੈ। ਸਪਨਾ ਚੌਧਰੀ ਨੇ ਕਾਨਸ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਵਿੱਚ ਭਾਰਤ ਦੀ ਨੁਮਾਇੰਦਗੀ ਬੇਹੱਦ ਖੂਬਸੂਰਤ ਤਰੀਕੇ ਨਾਲ ਕੀਤੀ ਹੈ।
