ਬਾਲੀਵੁੱਡ ਦੇ ਸਿੰਘਮ ਸਟਾਰ ਅਜੇ ਦੇਵਗਨ ਆਪਣੀ ਸੁਪਰਹਿੱਟ ਫਿਲਮ ‘ਤਾਨਾਜੀ – ਦਿ ਅਨਸੰਗ ਵਾਰੀਅਰ’ ਲਈ ਰਾਸ਼ਟਰੀ ਪੁਰਸਕਾਰ ਜਿੱਤਣ ਲਈ ਉਤਸ਼ਾਹਿਤ ਹਨ। ਭਾਰਤ ਸਰਕਾਰ ਨੇ ਰਾਸ਼ਟਰੀ ਫਿਲਮ ਪੁਰਸਕਾਰਾਂ ਦਾ ਐਲਾਨ ਕੀਤਾ ਹੈ। ਇਸ ਸਾਲ ਦੋ ਅਦਾਕਾਰਾਂ ਨੂੰ 68ਵੇਂ ਰਾਸ਼ਟਰੀ ਫਿਲਮ ਪੁਰਸਕਾਰਾਂ ਵਿੱਚ ਸਰਵੋਤਮ ਅਦਾਕਾਰ ਦੀ ਸ਼੍ਰੇਣੀ ਵਿੱਚ ਇਹ ਪੁਰਸਕਾਰ ਮਿਲਿਆ ਹੈ।
ਅਜੇ ਦੇਵਗਨ ਅਤੇ ਦੱਖਣ ਭਾਰਤੀ ਅਦਾਕਾਰ ਸੂਰਿਆ ਨੇ ਨੈਸ਼ਨਲ ਐਵਾਰਡ ਜਿੱਤਿਆ ਹੈ। ਅਜੈ ਦੇਵਗਨ ਨੇ ਤਾਨਾਜੀ – ਦਿ ਅਨਸੰਗ ਵਾਰੀਅਰ ਲਈ ਸਰਬੋਤਮ ਅਦਾਕਾਰ ਦਾ ਰਾਸ਼ਟਰੀ ਫਿਲਮ ਪੁਰਸਕਾਰ ਜਿੱਤਿਆ ਹੈ ਅਤੇ ਸੂਰੀਆ ਨੇ ਫਿਲਮ ‘ਸੂਰਾਰਾਏ ਪੋਤਰੂ’ ਲਈ ਸਰਬੋਤਮ ਅਦਾਕਾਰ ਦਾ ਰਾਸ਼ਟਰੀ ਫਿਲਮ ਪੁਰਸਕਾਰ ਜਿੱਤਿਆ ਹੈ।
ਅਜੇ ਦੇਵਗਨ ਨੇ ਕਿਹਾ, ”ਮੈਂ ‘ਤਾਨਾਜੀ-ਦ ਅਨਸੰਗ ਵਾਰੀਅਰ’ ਲਈ 68ਵੇਂ ਰਾਸ਼ਟਰੀ ਪੁਰਸਕਾਰਾਂ ‘ਚ ਸੂਰੀਆ ਦੇ ਨਾਲ ਸਰਵੋਤਮ ਅਦਾਕਾਰ ਦਾ ਪੁਰਸਕਾਰ ਜਿੱਤਣ ਲਈ ਉਤਸ਼ਾਹਿਤ ਹਾਂ। ਸੂਰਿਆ ਨੂੰ ਇਹ ਐਵਾਰਡ ‘ਸੂਰਾਰਾਏ ਪੋਤਰੂ’ ਲਈ ਮਿਲਿਆ ਹੈ। ਮੈਂ ਸਾਰਿਆਂ ਦਾ ਧੰਨਵਾਦ ਕਰਦਾ ਹਾਂ। ਸਭ ਤੋਂ ਵੱਧ ਮੈਂ ਆਪਣੀ ਰਚਨਾਤਮਕ ਟੀਮ, ਦਰਸ਼ਕਾਂ ਅਤੇ ਆਪਣੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕਰਨਾ ਚਾਹਾਂਗਾ। ਨਾਲ ਹੀ ਮੈਂ ਆਪਣੇ ਮਾਤਾ-ਪਿਤਾ ਅਤੇ ਉਨ੍ਹਾਂ ਦੇ ਆਸ਼ੀਰਵਾਦ ਲਈ ਪਰਮਾਤਮਾ ਦਾ ਧੰਨਵਾਦ ਕਰਦਾ ਹਾਂ। ਬਾਕੀ ਸਾਰੇ ਜੇਤੂਆਂ ਨੂੰ ਵੀ ਉਨ੍ਹਾਂ ਦੀਆਂ ਪ੍ਰਾਪਤੀਆਂ ਲਈ ਮੇਰੀਆਂ ਦਿਲੋਂ ਵਧਾਈਆਂ।
